OYSHA 1
Xoossay Oonee?
“Ne sunttay Yihoowa gidiyo ne xalaalay kumetta saꞌan Ubbaappe Xoqqa Xoossaa gidiyogaa asay ero.”
Mazamure 83:18
“Yihoowi Xoossaa gidiyogaa erite. Nuna medhdhidaagee A, qassi nuuni aageeta.”
Mazamure 100:3
“Taani Yihoowa. Ta sunttay hegaa; Taani tawu bessiya bonchchoy ooyyonne imettanaadan, qassi tawu bessiya sabay masettida misiletussi imettanaadan oottikke.”
Isiyasa 42:8
“Yihoowa sunttaa xeegiya ubbay attana.”
“Keetta ubbaa keexxida asi deꞌiyogee tuma, shin ubbabaa medhdhidaagee Xoossaa.”
“Pude saluwa xeellite. Hegeeta medhdhiday oonee? Eta issuwa issuwa qoodidi olanchchaadan Kaalettiyagaa. I eta ubbaakka eta sunttan sunttan xeesees.
A anggaa gitatettaappenne A wolqqaa minotettaappe denddidaagan, eti ubbay bantta sohuwan deꞌoosona.”
Isiyasa 40:26
Hageeta Beꞌadii?
GEESHSHA MAXAAFAN DEꞌIYA WAANNA TIMIRTTETA
Xoossawu Suntti Deꞌii?
Ubbaa Danddayiyaagaa, Medhidaagaa, qassi Godaa giyoogaa gujjin Xoossaayyo daro boncho sunttay deꞌees. SHin Geeshsha Maxaafan Xoossaa buzo sunttay 7,000 gidiyaagee deꞌees.
