Nahimiya 11:1-36
-
Asay Yerusalaamen zaarettidi deꞌiyogaa doommiis (1-36)
11 He wode asaa daannati Yerusalaamen deꞌoosona; shin tammu tammu asaappe issoy Yerusalaamen, geeshsha kataman deꞌanaadan, qassi hara uddufunay bantta katamatun deꞌanaadan attida asay saamaa yeggiis.
2 Hegaa bollikka, asay Yerusalaamen deꞌanawu eeno giida attuma asa ubbaa anjjiis.
3 Hageeti moottaa* kaalettiya Yerusalaamen deꞌidaageeta. (Israaꞌeela asaappe attidaageeti, kahineti, Leewati, Xoossaa keettan* haggaaziyageetinne* Solomona ashkkaratu attuma naati Yihudaa hara katamatun, bantta kataman, bantta xeeꞌuwan* deꞌidosona.
4 Qassi Yihudaanne Biniyama asaappe amaridaageeti Yerusalaamen deꞌidosona.) Yihudaa asaappe deꞌiyay Paareesa attuma naatuppe Mahalaleela naꞌaa, Shefaxiya naꞌaa, Amariya naꞌaa, Zakkaariyasa naꞌaa, Ooziyana naꞌaa Ataya,
5 qassi Sheela yara gidiya Zakkaariyasa naꞌaa, Yoyariba naꞌaa, Adaya naꞌaa, Hazaya naꞌaa, Kolihoza naꞌaa, Baruka naꞌaa Maꞌaseya.
6 Yerusalaamen deꞌida Paareesa attuma naati ubbay 468 wolqqaama asata.
7 Biniyama asati hageeta: Yeshaꞌiya naꞌaa Itiꞌeela naꞌaa Maꞌaseya naꞌaa Qolaya naꞌaa Pedaya naꞌaa Yoꞌeda naꞌaa Meshulama naꞌaa Salla,
8 qassi appe kaallidi Gabbayanne Sallaya, muleera 928;
9 Zikira naꞌay Yuuꞌeeli eta xomoosiyagaa, qassi Hassenuꞌa naꞌay Yihuday katamaa sima gadaawaa.
10 Kahinetuppe hageeta: Yoyariba naꞌaa Yedaya, Yakina,
11 tumu Xoossaa keettan kaalettiya Ahixuba naꞌaa, Merayota naꞌaa, Xaadooqa naꞌaa, Meshulama naꞌaa, Hilqqiya naꞌaa Seraya,
12 qassi Xoossaa keettaa oosuwa oottida eta ishantta, muleera 822; qassi Malkkiya naꞌaa, Pashihura naꞌaa, Zakkaariyasa naꞌaa, Amiziꞌa naꞌaa, Pelaliya naꞌaa, Yerohama naꞌaa Adaya,
13 qassi aawatu keettaa kaalettiya A ishantta, muleera 242; Immera naꞌaa, Meshilemota naꞌaa, Ahizaya naꞌaa, Azariꞌeela naꞌaa Amashasaya,
14 qassi wolqqaamanne xala gidida eta ishantta, muleera 128; eta xomoosiyagee bonchchettida so asaa yaraa Zabddiꞌeela.
15 Qassi Leewatuppe hageeta: Buna naꞌaa, Hashabiya naꞌaa, Aziriqama naꞌaa, Hashshuba naꞌaa Shemaya,
16 qassi Leewata kaalettiyageetuppe, tumu Xoossaa keettan kareera oosettiyaban aawatiya Shabbetayanne Yozabada;
17 qassi Asaafa naꞌaa, Zabdda naꞌaa, Mikiyasa naꞌaa Mataniya; I yexxiyageetu citaa kaalettiyagaanne woosaa saatiyan sabaa kaalettiyagaa, qassi A ishanttuppe A maaddiyagaa gidida Baqibuqiya, qassi Yedutuna naꞌaa, Galala naꞌaa, Shammuꞌa naꞌaa Abdda.
18 Geeshsha kataman deꞌida Leewati ubbay 284.
19 Qassi penggiya naagiyageeti Aqquba, Talmmonane eta ishantta, muleera 172.
20 Israaꞌeela asaappe, kahinetuppenne Leewatuppe attidaageeti Yihudaa hara katamatu ubban, bantta kataman, issoy issoy bantta laata biittan* deꞌidosona.
21 Xoossaa keettan haggaaziyageeti* Ofeelan deꞌoosona, qassi Zihinne Gishppi Xoossaa keettan haggaaziyageetu* bolli aawatettay imettidoogeeta.
22 Yerusalaamen deꞌiya Leewata xomoosiyagee, Asaafa naatu yexxiyageetuppe Mika naꞌaa, Mataniya naꞌaa, Hashabiya naꞌaa, Bana naꞌaa Uzziꞌa; I tumu Xoossaa keettan oosettiyaban aawatiyagaa.
23 Etaara gayttidaagan kawoy azazidobay deꞌees, qassi yexxiyageetussi ubba galla koshshiyabay kumanaadan maacetti uttiis.
24 Yihudaa naꞌaa Zaraaha naatuppe Meshezabeela naꞌaa Patahee asaa xeelliya allaalle ubban kawuwa zoriyagaa.*
25 Qeeri katamatinne eta yuushuwan deꞌiya goshsha gadeti hageeta: Yihudaa asaappe amaridaageeti deꞌido sohoti Qiriyat-arbbaꞌanne an sheephetiya* katamata, Dibonanne an sheephetiya katamata, Yaqabxxeꞌeelanne A matan deꞌiya qeeri katamata,
26 Yeshuwa, Molada, Bet-pelexa,
27 Hazar-shuꞌala, Beꞌer-shebanne an sheephetiya* katamata,
28 Ziqilaga, Mekonanne an sheephetiya* katamata,
29 En-rimmona, Zora, qassi Yarmmuta,
30 Zanoha, Adullamanne eta matan deꞌiya qeeri katamata, Lakishanne A yuushuwan deꞌiya goshsha gadeta, qassi Azeqanne an sheephetiya* katamata. Eti Beꞌer-shebappe doommidi Hinnoma Wombbaa gakkanaashin deꞌidosona.*
31 Qassi Biniyama asay deꞌido sohoti Geba, Mikimasha, Aya, Beeteelenne an sheephetiya katamata,*
32 Anatota, Noba, Ananiya,
33 Hazora, Raama, Gittayma,
34 Hadida, Zeboꞌima, Neballaxa,
35 Loda, qassi hiillanchchatu wombbaa Onoꞌa.
36 Yihudaa moottan deꞌiya Leewatuppe amaridaageeti Biniyama moottan deꞌanaadan moodettidosona.
Footnotes
^ Woykko “awuraajjaa.”
^ Woykko “beeta maqidasiyan; Xoossaa garuwan.”
^ Woykko “Netinimetinne.” Mise, “imettidaageetinne.”
^ Woykko “bantta saaman.”
^ Woykko “bantta laatan.”
^ Woykko “Netinimeti.” Mise, “Imettidaageeti.”
^ Woykko “Netinimetu.” Mise, “imettidaageetu.”
^ Mise, “kawuwa kushiyan deꞌiyagaa.”
^ Woykko “A yuushuwan deꞌiya.”
^ Woykko “A yuushuwan deꞌiya.”
^ Woykko “A yuushuwan deꞌiya.”
^ Woykko “A yuushuwan deꞌiya.”
^ Woykko “kambbidosona.”
^ Woykko “A yuushuwan deꞌiya.”
