4026 K.Kppe simmin

Yihoowi haariyo maataabaanne I haariyo ogiyabaa “shooshshai” palamettiis. Yihoowi shooshshaa, Seexaanaa huuphiya wurssettan qoxxana issi “zerettaa” denttanawu qaalaa geliis. (Doomettaabaa 3:1-5, 15) Shin shooshshaa sheniyadan asay bana barkka haaranaadan Yihoowi amarida wodiya immiis.

1943 K.K.

Yihoowi denttanawu qaalaa gelido ‘zerettay’ Abrahaama zerettatuppe issuwa gidanaagaa ayyo yootiis.—Doomettaabaa 22:18.

1070 K.Kppe simmin

Yihoowi Kawuwa Daawitayyonne guyyeppe A naꞌaa Solomonayyo, yaana giido ‘naꞌay’ eta keettaappe yelettanaagaa yootiis.—2 Sameela 7:12, 16; 1 Kawota 9:3-5; Isiyasa 9:6, 7.

29 M.L.

Yesuusi Daawita kawotettaa laattiya, yaana giido ‘zerettaa’ gidiyogaa Yihoowi yootiis.—Galaatiya 3:16; Luqaasa 1:31-33; 3:21, 22.

 33 M.L.

Shooshshay, Seexaanay Yesuusa worissiyogan yaana giido “zerettaa” guutta wodiyawu shugulddissiis. Yesuusi nagaraa atto giissiyanne Addaame zerettaassi merinaa deꞌuwa laatissiya oge gidana mala, Yihoowi Yesuusa denttidi saluwan deꞌanaadan oottiisinne A yarshshuwa ekkiis.—Doomettaabaa 3:15; Oosuwa 2:32-36; 1 Qoronttoosa 15:21, 22.

1914 M.L. heera

Yesuusi shooshshaa, Seexaanaa saꞌawu yibiddidi, guutta wodiyawu yaappe kiyennaadan oottiis.—Ajjuutaa 12:7-9, 12.

Sinttappe

Yesuusi Seexaanaa 1,000 layttaa qachchidi, hegaappe simmin xayssana; hegee A huuphiya qoxxiyogaa mala. Yihoowi saꞌawunne asawu koyro halchchidobay polettana, tooshettida A sunttay geeyana, qassi A haaroy suure gidiyogee erettana.—Ajjuutaa 20:1-3, 10; 21:3, 4.