Numeri 7:1-89
-
Hu ṋekedzwa zwifhiwa musi hu tshi vulwa dennde ḽikhethwa (1-89)
7 Nga ḓuvha ḽe Mushe a fhedza ngaḽo u dzudzanya dennde ḽikhethwa,*+ o ḽi ḓodza+ na u ḽi ita ḽikhethwa na thundu dzaḽo dzoṱhe, aḽeṱare na thundu dzayo dzoṱhe.+ Musi o no zwi ḓodza na u zwi ita zwikhethwa,+
2 vharangaphanḓa vha Isiraele,+ vharangaphanḓa vha miṱa ya vhokhotsi avho, vha ṋekedza zwifhiwa. Vhenevho vharangaphanḓa vha dzitshaka vhe vha vha imela musi hu tshi ṅwaliswa
3 vha ḓisa phanḓa ha Yehova zwifhiwa zwavho zwa gariki dza rathi dzi re na ṱhanga na mboho dza 12, gariki dza vharangaphanḓa vhavhili na mboho ya murangaphanḓa muṅwe na muṅwe; vha zwi ḓisa phanḓa ha dennde ḽikhethwa.
4 Yehova a amba na Mushe a ri:
5 “U ṱanganedze zwenezwi zwithu zwavho, samusi zwi tshi ḓo shumiswa denndeni ḽa muṱangano, u zwi ṋee Vhalevi, muṅwe na muṅwe u mu ṋee u ya nga mushumo wawe.”
6 Mushe a ṱanganedza dzigariki na kholomo a zwi ṋea Vhalevi.
7 A ṋea vharwa vha Gerisoni gariki mbili na mboho nṋa u ya nga mishumo yavho;+
8 a ṋea vharwa vha Merari gariki nṋa na mboho dza malo u ya nga mishumo yavho, zwoṱhe zwa ṱhogomelwa nga Ithamara ṅwana wa tshifhe Aroni.+
9 Fhedzi vharwa vha Kehati ho ngo vha ṋea tshithu, ngauri mishumo yavho yo vha i ya fhethu hukhethwa,+ vha tshi hwala zwithu zwikhethwa nga mahaḓa avho.+
10 Vharangaphanḓa vha ṋekedza zwifhiwa zwavho musi hu tshi khou vulwa*+ aḽeṱare nga ḓuvha ḽe ya ḓodzwa ngaḽo. Musi vharangaphanḓa vha tshi khou ṋekedza zwifhiwa zwavho phanḓa ha aḽeṱare,
11 Yehova a amba na Mushe a ri: “Murangaphanḓa muṅwe na muṅwe u ḓo ṋekedza tshifhiwa tshawe ḓuvha ḽiṅwe na ḽiṅwe u itela u vulwa ha aḽeṱare.”
12 We a ṋekedza tshifhiwa tshawe nga ḓuvha ḽa u thoma o vha e Nahashoni,+ murwa wa Aminadaba wa lushaka lwa Yuda.
13 O ṋekedza tshifhiwa tsha ndilo nthihi ya siḽiva i lemelaho shekele* dza 130 na tshigoḓelo tshithihi tsha siḽiva tshi lemelaho shekele dza 70 u ya nga nḓila ye ha vha hu tshi kalwa ngayo tshileme tsha shekele fhethu hukhethwa,+ zwoṱhe zwo vha zwo ḓala nga fuḽauru tsekene yo ṱanganyiswaho na mapfura u itela tshifhiwa tsha thoro;+
14 tshinwelo* tshithihi tsha musuku tshi lemelaho shekele dza fumi, tsho ḓala nga zwioro;
15 mbohwana nthihi, thutha nthihi, ngwana ya nduna nthihi i re na ṅwaha muthihi, u itela tshifhiwa tsha u fhiswa;+
16 tshibudzana tshithihi tsha tshifhiwa tsha u pfumelela tshivhi;+
17 na tshiṱhavhelo tsha u pfumedzana+ tsha kholomo mbili, thutha ṱhanu, zwibokoṱo zwiṱanu, ngwana dza nduna ṱhanu dzi re na ṅwaha muthihi. Hetshi tsho vha tshi tshifhiwa tsha Nahashoni murwa wa Aminadaba.+
18 Nga ḓuvha ḽa vhuvhili Nethaniele+ murwa wa Tsuwari, murangaphanḓa wa Isashari, a ṋekedza tshifhiwa.
19 O ṋekedza tshifhiwa tsha ndilo nthihi ya siḽiva i lemelaho shekele dza 130 na tshigoḓelo tshithihi tsha siḽiva tshi lemelaho shekele dza 70 u ya nga nḓila ye ha vha hu tshi kalwa ngayo tshileme tsha shekele fhethu hukhethwa,+ zwoṱhe zwo vha zwo ḓala nga fuḽauru tsekene yo ṱanganyiswaho na mapfura u itela tshifhiwa tsha thoro;+
20 tshinwelo tshithihi tsha musuku tshi lemelaho shekele dza fumi, tsho ḓala nga zwioro,
21 mbohwana nthihi, thutha nthihi, ngwana ya nduna nthihi i re na ṅwaha muthihi, u itela tshifhiwa tsha u fhiswa;+
22 tshibudzana tshithihi tsha tshifhiwa tsha u pfumelela tshivhi,+
23 na tshiṱhavhelo tsha u pfumedzana+ tsha kholomo mbili, thutha ṱhanu, zwibokoṱo zwiṱanu, ngwana dza nduna ṱhanu dzi re na ṅwaha muthihi. Hetshi tsho vha tshi tshifhiwa tsha Nethaniele murwa wa Tsuwari.
24 Nga ḓuvha ḽa vhuraru murangaphanḓa wa vharwa vha Sebuloni ane a vha Eliaba+ murwa wa Heloni,
25 o ṋekedza tshifhiwa tsha ndilo nthihi ya siḽiva i lemelaho shekele dza 130 na tshigoḓelo tshithihi tsha siḽiva tshi lemelaho shekele dza 70 u ya nga nḓila ye ha vha hu tshi kalwa ngayo tshileme tsha shekele fhethu hukhethwa,+ zwoṱhe zwo vha zwo ḓala nga fuḽauru tsekene yo ṱanganyiswaho na mapfura u itela tshifhiwa tsha thoro;+
26 tshinwelo tshithihi tsha musuku tshi lemelaho shekele dza fumi, tsho ḓala nga zwioro;
27 mbohwana nthihi, thutha nthihi, ngwana ya nduna nthihi i re na ṅwaha muthihi, u itela tshifhiwa tsha u fhiswa;+
28 tshibudzana tshithihi tsha tshifhiwa tsha u pfumelela tshivhi;+
29 na tshiṱhavhelo tsha u pfumedzana+ tsha kholomo mbili, thutha ṱhanu, zwibokoṱo zwiṱanu, ngwana dza nduna ṱhanu dzi re na ṅwaha muthihi. Hetshi tsho vha tshi tshifhiwa tsha Eliaba+ murwa wa Heloni.
30 Nga ḓuvha ḽa vhuṋa murangaphanḓa wa vharwa vha Rubeni, ane a vha Elitsuru+ murwa wa Shideuru,
31 o ṋekedza tshifhiwa tsha ndilo nthihi ya siḽiva i lemelaho shekele dza 130 na tshigoḓelo tshithihi tsha siḽiva tshi lemelaho shekele dza 70 u ya nga nḓila ye ha vha hu tshi kalwa ngayo tshileme tsha shekele fhethu hukhethwa,+ zwoṱhe zwo vha zwo ḓala nga fuḽauru tsekene yo ṱanganyiswaho na mapfura u itela tshifhiwa tsha thoro;+
32 tshinwelo tshithihi tsha musuku tshi lemelaho shekele dza fumi, tsho ḓala nga zwioro,
33 mbohwana nthihi, thutha nthihi, ngwana ya nduna nthihi i re na ṅwaha muthihi, u itela tshifhiwa tsha u fhiswa;+
34 tshibudzana tshithihi tsha tshifhiwa tsha u pfumelela tshivhi,+
35 na tshiṱhavhelo tsha u pfumedzana+ tsha kholomo mbili, thutha ṱhanu, zwibokoṱo zwiṱanu, ngwana dza nduna ṱhanu dzi re na ṅwaha muthihi. Hetshi tsho vha tshi tshifhiwa tsha Elitsuru+ murwa wa Shideuru.
36 Nga ḓuvha ḽa vhuṱanu murangaphanḓa wa vharwa vha Simioni, ane a vha Shelumi+ murwa wa Tsurisadai,
37 o ṋekedza tshifhiwa tsha ndilo nthihi ya siḽiva i lemelaho shekele dza 130 na tshigoḓelo tshithihi tsha siḽiva tshi lemelaho shekele dza 70 u ya nga nḓila ye ha vha hu tshi kalwa ngayo tshileme tsha shekele fhethu hukhethwa,+ zwoṱhe zwo vha zwo ḓala nga fuḽauru tsekene yo ṱanganyiswaho na mapfura u itela tshifhiwa tsha thoro;+
38 tshinwelo tshithihi tsha musuku tshi lemelaho shekele dza fumi, tsho ḓala nga zwioro,
39 mbohwana nthihi, thutha nthihi, ngwana ya nduna nthihi i re na ṅwaha muthihi, u itela tshifhiwa tsha u fhiswa;+
40 tshibudzana tshithihi tsha tshifhiwa tsha u pfumelela tshivhi;+
41 na tshiṱhavhelo tsha u pfumedzana+ tsha kholomo mbili, thutha ṱhanu, zwibokoṱo zwiṱanu, ngwana dza nduna ṱhanu dzi re na ṅwaha muthihi. Hetshi tsho vha tshi tshifhiwa tsha Shelumi+ murwa wa Tsurisadai.
42 Nga ḓuvha ḽa vhurathi murangaphanḓa wa vharwa vha Gada, ane a vha Eliasafu+ murwa wa Duele,
43 o ṋekedza tshifhiwa tsha ndilo nthihi ya siḽiva i lemelaho shekele dza 130 na tshigoḓelo tshithihi tsha siḽiva tshi lemelaho shekele dza 70 u ya nga nḓila ye ha vha hu tshi kalwa ngayo tshileme tsha shekele fhethu hukhethwa,+ zwoṱhe zwo vha zwo ḓala nga fuḽauru tsekene yo ṱanganyiswaho na mapfura u itela tshifhiwa tsha thoro;+
44 tshinwelo tshithihi tsha musuku tshi lemelaho shekele dza fumi, tsho ḓala nga zwioro;
45 mbohwana nthihi, thutha nthihi, ngwana ya nduna nthihi i re na ṅwaha muthihi, u itela tshifhiwa tsha u fhiswa;+
46 tshibudzana tshithihi tsha tshifhiwa tsha u pfumelela tshivhi;+
47 na tshiṱhavhelo tsha u pfumedzana+ tsha kholomo mbili, thutha ṱhanu, zwibokoṱo zwiṱanu, ngwana dza nduna ṱhanu dzi re na ṅwaha muthihi. Hetshi tsho vha tshi tshifhiwa tsha Eliasafu+ murwa wa Duele.
48 Nga ḓuvha ḽa vhusumbe murangaphanḓa wa vharwa vha Efuraimi, ane a vha Elishama+ murwa wa Amihudu,
49 o ṋekedza tshifhiwa tsha ndilo nthihi ya siḽiva i lemelaho shekele dza 130 na tshigoḓelo tshithihi tsha siḽiva tshi lemelaho shekele dza 70 u ya nga nḓila ye ha vha hu tshi kalwa ngayo tshileme tsha shekele fhethu hukhethwa,+ zwoṱhe zwo vha zwo ḓala nga fuḽauru tsekene yo ṱanganyiswaho na mapfura u itela tshifhiwa tsha thoro;+
50 tshinwelo tshithihi tsha musuku tshi lemelaho shekele dza fumi, tsho ḓala nga zwioro;
51 mbohwana nthihi, thutha nthihi, ngwana ya nduna nthihi i re na ṅwaha muthihi, u itela tshifhiwa tsha u fhiswa;+
52 tshibudzana tshithihi tsha tshifhiwa tsha u pfumelela tshivhi;+
53 na tshiṱhavhelo tsha u pfumedzana+ tsha kholomo mbili, thutha ṱhanu, zwibokoṱo zwiṱanu, ngwana dza nduna ṱhanu dzi re na ṅwaha muthihi. Hetshi tsho vha tshi tshifhiwa tsha Elishama+ murwa Amihudu.
54 Nga ḓuvha ḽa vhumalo murangaphanḓa wa vharwa vha Manase, ane a vha Gamaliele+ murwa wa Padatsuri,
55 o ṋekedza tshifhiwa tsha ndilo nthihi ya siḽiva i lemelaho shekele dza 130 na tshigoḓelo tshithihi tsha siḽiva tshi lemelaho shekele dza 70 u ya nga nḓila ye ha vha hu tshi kalwa ngayo tshileme tsha shekele fhethu hukhethwa,+ zwoṱhe zwo vha zwo ḓala nga fuḽauru tsekene yo ṱanganyiswaho na mapfura u itela tshifhiwa tsha thoro;+
56 tshinwelo tshithihi tsha musuku tshi lemelaho shekele dza fumi, tsho ḓala nga zwioro;
57 mbohwana nthihi, thutha nthihi, ngwana ya nduna nthihi i re na ṅwaha muthihi, u itela tshifhiwa tsha u fhiswa;+
58 tshibudzana tshithihi tsha tshifhiwa tsha u pfumelela tshivhi;+
59 na tshiṱhavhelo tsha u pfumedzana+ tsha kholomo mbili, thutha ṱhanu, zwibokoṱo zwiṱanu, ngwana dza nduna ṱhanu dzi re na ṅwaha muthihi. Hetshi tsho vha tshi tshifhiwa tsha Gamaliele+ murwa wa Padatsuri.
60 Nga ḓuvha ḽa vhuṱahe murangaphanḓa+ wa vharwa vha Benyamini, ane a vha Abidani+ murwa wa Gideoni,
61 o ṋekedza tshifhiwa tsha ndilo nthihi ya siḽiva i lemelaho shekele dza 130 na tshigoḓelo tshithihi tsha siḽiva tshi lemelaho shekele dza 70 u ya nga nḓila ye ha vha hu tshi kalwa ngayo tshileme tsha shekele fhethu hukhethwa,+ zwoṱhe zwo vha zwo ḓala nga fuḽauru tsekene yo ṱanganyiswaho na mapfura u itela tshifhiwa tsha thoro;+
62 tshinwelo tshithihi tsha musuku tshi lemelaho shekele dza fumi, tsho ḓala nga zwioro;
63 mbohwana nthihi, thutha nthihi, ngwana ya nduna nthihi i re na ṅwaha muthihi, u itela tshifhiwa tsha u fhiswa;+
64 tshibudzana tshithihi tsha tshifhiwa tsha u pfumelela tshivhi;+
65 na tshiṱhavhelo tsha u pfumedzana+ tsha kholomo mbili, thutha ṱhanu, zwibokoṱo zwiṱanu, ngwana dza nduna ṱhanu dzi re na ṅwaha muthihi. Hetshi tsho vha tshi tshifhiwa tsha Abidani+ murwa wa Gideoni.
66 Nga ḓuvha ḽa vhufumi murangaphanḓa wa vharwa vha Dani, ane a vha Ahiesere+ murwa wa Amisadai,
67 o ṋekedza tshifhiwa tsha ndilo nthihi ya siḽiva i lemelaho shekele dza 130 na tshigoḓelo tshithihi tsha siḽiva tshi lemelaho shekele dza 70 u ya nga nḓila ye ha vha hu tshi kalwa ngayo tshileme tsha shekele fhethu hukhethwa,+ zwoṱhe zwo vha zwo ḓala nga fuḽauru tsekene yo ṱanganyiswaho na mapfura u itela tshifhiwa tsha thoro;+
68 tshinwelo tshithihi tsha musuku tshi lemelaho shekele dza fumi, tsho ḓala nga zwioro;
69 mbohwana nthihi, thutha nthihi, ngwana ya nduna nthihi i re na ṅwaha muthihi, u itela tshifhiwa tsha u fhiswa;+
70 tshibudzana tshithihi tsha tshifhiwa tsha u pfumelela tshivhi;+
71 na tshiṱhavhelo tsha u pfumedzana+ tsha kholomo mbili, thutha ṱhanu, zwibokoṱo zwiṱanu, ngwana dza nduna ṱhanu dzi re na ṅwaha muthihi. Hetshi tsho vha tshi tshifhiwa tsha Ahiesere+ murwa wa Amisadai.
72 Nga ḓuvha ḽa vhu 11 murangaphanḓa wa vharwa vha Ashere, ane a vha Phagiele+ murwa wa Ohorani,
73 o ṋekedza tshifhiwa tsha ndilo nthihi ya siḽiva i lemelaho shekele dza 130 na tshigoḓelo tshithihi tsha siḽiva tshi lemelaho shekele dza 70 u ya nga nḓila ye ha vha hu tshi kalwa ngayo tshileme tsha shekele fhethu hukhethwa,+ zwoṱhe zwo vha zwo ḓala nga fuḽauru tsekene yo ṱanganyiswaho na mapfura u itela tshifhiwa tsha thoro;+
74 tshinwelo tshithihi tsha musuku tshi lemelaho shekele dza fumi, tsho ḓala nga zwioro;
75 mbohwana nthihi, thutha nthihi, ngwana ya nduna nthihi i re na ṅwaha muthihi, u itela tshifhiwa tsha u fhiswa;+
76 tshibudzana tshithihi tsha tshifhiwa tsha u pfumelela tshivhi;+
77 na tshiṱhavhelo tsha u pfumedzana+ tsha kholomo mbili, thutha ṱhanu, zwibokoṱo zwiṱanu, ngwana dza nduna ṱhanu dzi re na ṅwaha muthihi. Hetshi tsho vha tshi tshifhiwa tsha Phagiele+ murwa wa Ohorani.
78 Nga ḓuvha ḽa vhu 12 murangaphanḓa wa vharwa vha Nafutali, ane a vha Ahira+ murwa wa Enani,
79 o ṋekedza tshifhiwa tsha ndilo nthihi ya siḽiva i lemelaho shekele dza 130 na tshigoḓelo tshithihi tsha siḽiva tshi lemelaho shekele dza 70 u ya nga nḓila ye ha vha hu tshi kalwa ngayo tshileme tsha shekele fhethu hukhethwa,+ zwoṱhe zwo vha zwo ḓala nga fuḽauru tsekene yo ṱanganyiswaho na mapfura u itela tshifhiwa tsha thoro;+
80 tshinwelo tshithihi tsha musuku tshi lemelaho shekele dza fumi, tsho ḓala nga zwioro;
81 mbohwana nthihi, thutha nthihi, ngwana ya nduna nthihi i re na ṅwaha muthihi, u itela tshifhiwa tsha u fhiswa;+
82 tshibudzana tshithihi tsha tshifhiwa tsha u pfumelela tshivhi,+
83 na tshiṱhavhelo tsha u pfumedzana+ tsha kholomo mbili, thutha ṱhanu, zwibokoṱo zwiṱanu, ngwana dza nduna ṱhanu dzi re na ṅwaha muthihi. Hetshi tsho vha tshi tshifhiwa tsha Ahira+ murwa wa Enani.
84 Hezwi zwo vha zwifhiwa zwa u vulwa+ ha aḽeṱare zwi bvaho ha vharangaphanḓa vha Isiraele nga ḓuvha ḽe ya vha i tshi khou ḓodziwa ngaḽo: ndilo dza 12 dza siḽiva, zwigoḓelo zwa 12 zwa siḽiva, zwinwelo zwa 12 zwa musuku;+
85 ndilo iṅwe na iṅwe ya siḽiva yo vha i tshi lemela shekele dza 130, tshigoḓelo tshiṅwe na tshiṅwe tshi tshi lemela shekele dza 70, siḽiva yoṱhe ye ya vha i kha midzio yo vha i tshi lingana na shekele dza 2 400 u ya nga nḓila ye ha vha hu tshi kalwa ngayo tshileme tsha shekele fhethu hukhethwa;+
86 zwinwelo zwa 12 zwa musuku zwo ḓalaho zwioro tshiṅwe na tshiṅwe tshi tshi lemela shekele dza 10 u ya nga nḓila ye ha vha hu tshi kalwa ngayo tshileme tsha shekele fhethu hukhethwa, musuku woṱhe we wa vha u kha zwinwelo wo vha u tshi lingana na shekele dza 120.
87 Kholomo dzoṱhe dza tshifhiwa tsha u fhiswa dzo vha dzi mboho dza 12, thutha dza 12, ngwana dza nduna dza 12, iṅwe na iṅwe i na ṅwaha muthihi na zwifhiwa zwazwo zwa thoro, zwibudzana zwa 12 zwa tshifhiwa tsha u pfumelela tshivhi;
88 kholomo dzoṱhe dza tshiṱhavhelo tsha u pfumedzana dzo vha dzi mboho dza 24, thutha dza 60, zwibokoṱo zwa 60, ngwana dza nduna dza 60 iṅwe na iṅwe i na ṅwaha. Hezwi zwo vha zwi zwifhiwa zwa u vulwa+ ha aḽeṱare musi yo no ḓodzwa.+
89 Tshifhinga tshoṱhe musi Mushe a tshi dzhena denndeni ḽa muṱangano u itela u amba na Mudzimu,+ o vha a tshi pfa ipfi ḽi tshi khou amba nae ḽi tshi bva nṱha ha mutibo+ wa mbulungelo ya mulanga;* Mudzimu o vha a tshi amba nae ipfi ḽawe ḽi tshi bva vhukati ha vhakerube vhavhili.+
Ṱhaluso dzi re magumoni a siaṱari
^ “Ndi dennde ḽa vhurabeli ḽine ḽa hwalea ḽe ḽa vha ḽi tshi shumiswa nga Vhaisiraele; nga zwiṅwe zwifhinga ḽo vha ḽi tshi vhidzwa ‘dennde ḽa muṱangano.’”
^ Kana “ṋekedzwa.”
^ Shekele nthihi i lemela gramu dza 11,4. Sedzani Ṱhume. B14.
^ Kana “tshigoḓelo tshiṱuku.”
^ Thevhedz., “mbulungelo i re na zwine zwa vha vhuṱanzi.”
