Numeri 1:1-54
1 Yehova a amba na Mushe e sogani ḽa Sinai,+ denndeni ḽa muṱangano,+ nga ḓuvha ḽa u thoma ḽa ṅwedzi wa vhuvhili nga ṅwaha wa vhuvhili musi vho no bva shangoni ḽa Egipita+ a ri:
2 “U vhale+ tshitshavha tshoṱhe tsha Vhaisiraele* nga muthihi nga muthihi u ya nga miṱa yavho, u ya nga miṱa ya vhokhotsi avho, hu tshi vhalwa madzina a vhanna vhoṱhe.
3 Iwe na Aroni ni ṅwalise vhoṱhe nga zwigwada* vha re na miṅwaha ya 20 u ya nṱha+ vhane vha nga vha kha mmbi ya Isiraele.
4 “Ni dzhie munna muthihi kha lushaka luthihi; muṅwe na muṅwe a vhe murangaphanḓa wa nnḓu ya khotsi awe.+
5 Madzina a vhanna vhane vha ḓo ni thusa ndi haya: Kha lushaka lwa Rubeni, hu vhe Elitsuru+ murwa wa Shideuru;
6 kha lwa Simioni, hu vhe Shelumi+ murwa wa Tsurisadai;
7 kha lwa Yuda, hu vhe Nahashoni+ murwa wa Aminadaba;
8 kha lwa Isashari, hu vhe Nethaniele+ murwa wa Tsuwari;
9 kha lwa Sebuloni, hu vhe Eliaba+ murwa wa Heloni;
10 kha vharwa vha Yosefa: kha lushaka lwa Efuraimi,+ hu vhe Elishama murwa wa Amihudu; kha lwa Manase, hu vhe Gamaliele murwa wa Padatsuri;
11 kha lwa Benyamini, hu vhe Abidani+ murwa wa Gideoni;
12 kha lwa Dani, hu vhe Ahiesere+ murwa wa Amisadai;
13 kha lwa Ashere, hu vhe Phagiele+ murwa wa Ohorani;
14 kha lwa Gada, hu vhe Eliasafu+ murwa wa Duele;
15 kha lwa Nafutali, hu vhe Ahira+ murwa wa Enani.
16 Vhenevha ndi vhone vho vhidzwaho kha tshitshavha. Ndi vharangaphanḓa+ vha tshaka dza vhokhotsi avho, vhane vha ranga phanḓa vha zwigidi vha Isiraele.”+
17 Mushe na Aroni vha dzhia vhenevho vhanna vhe vha nangwa u ya nga madzina avho.
18 Vha kuvhanganya tshivhidzo tshoṱhe nga ḓuvha ḽa u thoma ḽa ṅwedzi wa vhuvhili, uri vha ṅwalise madzina avho nga muthihi nga muthihi, u ya nga miṱa yavho na nga u ya nga miṱa ya vhokhotsi avho, vha re na miṅwaha ya 20 u ya nṱha,+
19 sa zwe Yehova a laedza Mushe. A vha ṅwalisa henefho sogani ḽa Sinai.+
20 Vharwa vha Rubeni, tanzhe ḽa Isiraele,+ vho ṅwaliswa u ya nga madzina avho, u ya nga miṱa yavho na nga miṱa ya vhokhotsi avho. Vhanna vhoṱhe vha re na miṅwaha ya 20 u ya nṱha vhane vha nga vha kha mmbi, vho vhalwa nga muthihi nga muthihi,
21 tshivhalo tsha vho ṅwaliswaho tsha vha lushaka lwa Rubeni tsho vha tshi 46 500.
22 Vhaḓuhulu vha Simioni+ vho ṅwaliswa u ya nga madzina avho, u ya nga miṱa yavho na nga miṱa ya vhokhotsi avho. Vhanna vhoṱhe vha re na miṅwaha ya 20 u ya nṱha vhane vha nga vha kha mmbi, vho vhalwa nga muthihi nga muthihi,
23 tshivhalo tsha vho ṅwaliswaho tsha vha lushaka lwa Simioni tsho vha tshi 59 300.
24 Vhaḓuhulu vha Gada+ vho ṅwaliswa u ya nga madzina avho, u ya nga miṱa yavho na nga miṱa ya vhokhotsi avho. Vhanna vhoṱhe vha re na miṅwaha ya 20 u ya nṱha vhane vha nga vha kha mmbi vho vhalwa,
25 tshivhalo tsha vho ṅwaliswaho tsha vha lushaka lwa Gada tsho vha tshi 45 650.
26 Vhaḓuhulu vha Yuda+ vho ṅwaliswa u ya nga madzina avho, u ya nga miṱa yavho na nga miṱa ya vhokhotsi avho. Vhanna vhoṱhe vha re na miṅwaha ya 20 u ya nṱha vhane vha nga vha kha mmbi vho vhalwa,
27 tshivhalo tsha vho ṅwaliswaho tsha vha lushaka lwa Yuda tsho vha tshi 74 600.
28 Vhaḓuhulu vha Isashari+ vho ṅwaliswa u ya nga madzina avho, u ya nga miṱa yavho na nga miṱa ya vhokhotsi avho. Vhanna vhoṱhe vha re na miṅwaha ya 20 u ya nṱha vhane vha nga vha kha mmbi vho vhalwa,
29 tshivhalo tsha vho ṅwaliswaho tsha vha lushaka lwa Isashari tsho vha tshi 54 400.
30 Vhaḓuhulu vha Sebuloni+ vho ṅwaliswa u ya nga madzina avho, u ya nga miṱa yavho na nga miṱa ya vhokhotsi avho. Vhanna vhoṱhe vha re na miṅwaha ya 20 u ya nṱha vhane vha nga vha kha mmbi vho vhalwa,
31 tshivhalo tsha vho ṅwaliswaho tsha vha lushaka lwa Sebuloni tsho vha tshi 57 400.
32 Vhaḓuhulu vha Yosefa vha bvaho kha Efuraimi+ vho ṅwaliswa u ya nga madzina avho, u ya nga miṱa yavho na nga miṱa ya vhokhotsi avho. Vhanna vhoṱhe vha re na miṅwaha ya 20 u ya nṱha vhane vha nga vha kha mmbi vho vhalwa,
33 tshivhalo tsha vho ṅwaliswaho tsha vha lushaka lwa Efuraimi tsho vha tshi 40 500.
34 Vhaḓuhulu vha Manase,+ vho ṅwaliswa u ya nga madzina avho, u ya nga miṱa yavho na nga miṱa ya vhokhotsi avho. Vhanna vhoṱhe vha re na miṅwaha ya 20 u ya nṱha vhane vha nga vha kha mmbi vho vhalwa,
35 tshivhalo tsha vho ṅwaliswaho tsha vha lushaka lwa Manase tsho vha tshi 32 200.
36 Vhaḓuhulu vha Benyamini,+ vho ṅwaliswa u ya nga madzina avho, u ya nga miṱa yavho na nga miṱa ya vhokhotsi avho. Vhanna vhoṱhe vha re na miṅwaha ya 20 u ya nṱha vhane vha nga vha kha mmbi vho vhalwa,
37 tshivhalo tsha vho ṅwaliswaho tsha vha lushaka lwa Benyamini tsho vha tshi 35 400.
38 Vhaḓuhulu vha Dani,+ vho ṅwaliswa u ya nga madzina avho, u ya nga miṱa yavho na nga miṱa ya vhokhotsi avho. Vhanna vhoṱhe vha re na miṅwaha ya 20 u ya nṱha vhane vha nga vha kha mmbi vho vhalwa,
39 tshivhalo tsha vho ṅwaliswaho tsha vha lushaka lwa Dani tsho vha tshi 62 700.
40 Vhaḓuhulu vha Ashere+ vho ṅwaliswa u ya nga madzina avho, u ya nga miṱa yavho na nga miṱa ya vhokhotsi avho. Vhanna vhoṱhe vha re na miṅwaha ya 20 u ya nṱha vhane vha nga vha kha mmbi vho vhalwa,
41 tshivhalo tsha vho ṅwaliswaho tsha vha lushaka lwa Ashere tsho vha tshi 41 500.
42 Vhaḓuhulu vha Nafutali+ vho ṅwaliswa u ya nga madzina avho, u ya nga miṱa yavho na nga miṱa ya vhokhotsi avho. Vhanna vhoṱhe vha re na miṅwaha ya 20 u ya nṱha vhane vha nga vha kha mmbi vho vhalwa,
43 tshivhalo tsha vho ṅwaliswaho tsha vha lushaka lwa Nafutali tsho vha tshi 53 400.
44 Vhenevha ndi vhe vha ṅwaliswa nga Mushe khathihi na Aroni na vharangaphanḓa vha 12 vha Isiraele, muṅwe na muṅwe a tshi imela vha nnḓu ya khotsi awe.
45 Vhaisiraele vhoṱhe vha re na miṅwaha ya 20 u ya nṱha vhane vha nga vha kha mmbi ya Isiraele vho ṅwaliswa u ya nga miṱa ya vhokhotsi avho,
46 tshivhalo tsha vho ṅwaliswaho tsho vha tshi 603 550.+
47 Fhedzi Vhalevi+ a vho ngo ṅwaliswa u ya nga lushaka lwa vhokhotsi avho.+
48 Nga zwenezwo, Yehova a vhudza Mushe a ri:
49 “Ndi vha lushaka lwa Levi fhedzi vhane a wo ngo fanela u vha ṅwalisa, u songo katela tshivhalo tshavho khathihi na tsha vhaṅwe Vhaisiraele.+
50 U nange Vhalevi uri vha ṱhogomele dennde ḽikhethwa* ḽi re na mbulungelo ya mulanga+ na thundu dzaḽo dzoṱhe.+ Vha ḓo hwala dennde ḽikhethwa na thundu dzaḽo dzoṱhe,+ vha ḓo shumela khaḽo,+ vha ḓo atha madennde u mona na dennde ḽikhethwa.+
51 Tshifhinga tshoṱhe musi dennde ḽikhethwa ḽi tshi pfuluswa, ḽi ṱhaṱhamulwe nga Vhalevi;+ musi dennde ḽikhethwa ḽi tshi dovha ḽa imiswa, ḽi imiswe nga Vhalevi; muthu ane a si fanelee* ane a sendela tsini naḽo a vhulawe.+
52 “Muisiraele muṅwe na muṅwe a athe dennde ḽawe fhethu he a vhetshelwa hone, munna muṅwe na muṅwe u ya nga tshigwada* tshawe tsho khethekanywaho nga tshaka tharu.+
53 Vhalevi vha fanela u atha madennde u mona na dennde ḽikhethwa ḽi re na mbulungelo ya mulanga, uri tshitshavha tsha Vhaisiraele tshi si sinyutshelwe;+ Vhalevi vha tea u vha na vhuḓifhinduleli ha u ṱhogomela* dennde ḽikhethwa ḽi re na mbulungelo ya mulanga.”+
54 Vhathu vha Isiraele vho ita zwoṱhe zwe Yehova a vhudza Mushe. Vha ita nga u ralo.
Ṱhaluso dzi re magumoni a siaṱari
^ Thevhedz., “vharwa vha Isiraele.”
^ Thevhedz., “u ya nga mmbi dzavho.”
^ “Ndi dennde ḽa vhurabeli ḽine ḽa hwalea ḽe ḽa vha ḽi tshi shumiswa nga Vhaisiraele; nga zwiṅwe zwifhinga ḽo vha ḽi tshi vhidzwa ‘dennde ḽa muṱangano.’”
^ Thevhedz., “mutsinda,” zwine zwa amba muthu ane a si vhe Mulevi.
^ Thevhedz., “u ya nga mmbi dzavho.”
^ Kana “u linda; u ita mishumo yavho henefho.”
