Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA TENUARE 2014

 E HAAFATATA ’TU I TE ATUA

“Inaha, te faaapî nei au i te mau mea atoa nei”

“Inaha, te faaapî nei au i te mau mea atoa nei”

E hinaaro anei oe ia oraora maitai oe e to oe utuafare e ia ora maoro outou? E hinaaro anei oe e ora i roto i te hoê ao aita faahou e oto, e mauiui e e pohe? E ere teie ao i te moemoeâ. Ua opua te Atua ra o Iehova e haamau i te hoê ao apî parau-tia e ua fatata te reira i te tupu. Na te Apokalupo 21:3-5 e faataa mai i te tupuraa o ta ’na opuaraa.—A taio.

“Na te Atua e horoi i to ratou roimata atoa.” (Apokalupo 21:4) Teihea roimata ta ’na e horoi? E ere ïa i te roimata o te oaoa aore ra o te tamâ i to tatou mata. O te roimata râ e tahe mai no te mauiui e te oto ta ’na i fafau i te horoi. E horoi roa oia i te reira ma te faaore i te mauiui e te oto, te tumu hoi e ta‘i ai tatou.

“E ore roa te pohe.” (Apokalupo 21:4) E enemi te pohe, no te reira hoi tatou e ta‘i ai, e ere anei? E faatiamâ Iehova i te feia e faaroo ia ’na i te tapea o te pohe. E nafea? Ma te faaore ïa i te hara no ǒ mai ia Adamu ra, te tumu e pohe ai te taata. (Roma 5:12) Maoti te tusia taraehara o Iesu * e haafana‘o ai Iehova i te feia e faaroo ia ’na i te ora tia roa. “E haamouhia ïa” te pohe te enemi hopea. (Korinetia 1, 15:26) I reira ïa te feia haapao maitai e ora ’i e a muri noa ’tu ma te ea maitai roa mai ta te Atua i opua.

“Te mauiui, e ore atoa ïa.” (Apokalupo 21:4) Teihea huru mauiui te ore? Te mauiui atoa ïa o te feruriraa, o te aau e o te tino e tupu ra no te hara e te huru tia ore, a ahoaho atu ai e mirioni taata.

Oraraa aita e roimata, e pohe e e mauiui, ua fatata ïa. ‘Ihea?’ ta oe paha ïa e ui mai. ‘E oraraa i te ra‘i anei ta te Atua e fafau ra?’ Eita. No te aha ïa eita? A tahi, te na ô ra te omuaraa o ta ’na parau fafau: “Tei ǒ te taata ra te sekene o te Atua.” Te ora nei hoi te taata i te fenua nei. (Apokalupo 21:3) Te piti, te fafau ra te Atua i te hoê ao ‘e ore roa ’i te pohe.’ Te auraa ïa, i vai na te pohe i roto i taua ao ra e aita faahou. Aita hoi te pohe i vai a‘enei i nia i te ra‘i, i te fenua râ. I te fenua nei ïa e itehia ’i te hoê oraraa maitai a‘e mai ta te Atua i fafau.

E tamǎrô te Atua i te roimata e tahe no te mauiui e te oto

Te hinaaro ra Iehova ia tiaturi tatou e e haamau iho â oia i te hoê ao apî parau-tia. I muri a‘e i to ’na faataaraa i te mau haamaitairaa ta ’na e horoa mai, te na ô ra oia: “Inaha, te faaapî nei au i te mau mea atoa nei. . . . E parau mau hoi teie nei mau parau, e te haavare ore.” (Apokalupo 21:5) E haapapuraa teie e e tupu iho â ta ’na i fafau. E ite te feia e haamori nei ia ’na ma te oaoa i te reira. E nehenehe atoa oe e tei herehia e oe. E nafea ïa?

Taioraa Bibilia

Petero 1, 1-5; Petero 2, 1-3; Ioane 1, 1-5; Ioane 2, 1-13; Ioane 3, 1-14; Iuda 1-25Apokalupo 1-22

^ par. 5 No te ite atu â no nia i te tusia taraehara o te Mesia, a hi‘o i te pene 5 o te buka Eaha ta te Bibilia e haapii mau ra?, piahia e te mau Ite no Iehova.