Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA TENUARE 2014

 TUMU PARAU MATAMUA | PARAU HAAVARE NO NIA I TE ATUA

Mea fifi ia here i te Atua

Mea fifi ia here i te Atua

“Hinaaro oe i to Atua ia Iehova ma to aau atoa, e ma to varua atoa, e ma to mana‘o atoa. O te ture matamua teie e te hau i te rahi.”—Iesu Mesia, matahiti 33. *

No vetahi, mea fifi ia here i te Atua. No ratou, i te mea e e Atua Teitei oia, te huna ra oia i te tahi o to ’na mau huru i te taata ia ore ratou e ite o vai mau O ’na. No te tahi atu, e mea ino te Atua. A hi‘o na i to muri nei mau mana‘o:

  • “E pure na vau i te Atua ia tauturu mai. E mana‘o atoa na râ vau, mea atea roa o ’na, eita ïa ta ’u e nehenehe e haafatata ’tu ia ’na. No ’u, mea etaeta roa O ’na.”—Marco, Italia.

  • “Noa ’tu e ua hinaaro mau vau e tavini i te Atua, i mana‘o na vau e mea atea roa O ’na. No ’u, e Atua haavî oia o te faautua noa ia tatou. Ua tiaturi na ïa vau e e ere o ’na i te Atua aroha.”—Rosa, Guatémala.

  • “I to ’u tamariiraa, i tiaturi na vau e e moemoe te Atua i te hara no te faautua oioi mai te peu e titauhia. I muri a‘e, e au e no ’u, mea atea roa O ’na. I faaau na vau ia ’na i te hoê faatere hau nui e aratai ra i te nunaa ma te ore râ e tâu‘a mau ia ratou.”—Raymonde, Kanada.

Eaha to oe mana‘o? E mea aroha ore anei te Atua? Tera iho â ta te mau Kerisetiano i uiui noa na. Mai te matahiti 500 e tae atu 1500 o to tatou tau, noa ’tu e e haapaoraa ta te rahiraa, eita faahou vetahi e pure i te Atua Manahope. No te aha? No to ratou riaria ia ’na. No reira te taata tuatapapa Will Durant i parau ai: “E nafea te hoê taata hara e nehenehe ai e pure i tei atea roa e tei riariahia?”

No te aha te taata e riaria ’i e e mana‘o ai e mea atea roa te Atua? Eaha mau na ta te Bibilia e haapii ra no nia ia ’na? Ma te ite i te parau mau, e nehenehe anei oe e here ia ’na?