Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA TENUARE 2014

Te pahono ra te Bibilia

Te pahono ra te Bibilia

No te aha Iesu e ho‘i mai ai?

I te matahiti 33, hou a haere ai i te ra‘i, ua fafau Iesu e ho‘i mai. Ua faaau oia ia ’na i te hoê taata tei haere i te fenua ê no te hoê taime maoro e i to ’na ho‘iraa mai, ua riro ei arii. No te maitai o te huitaata Iesu e ho‘i mai ai e ta ’na faatereraa.—A taio i te Luka 19:11, 12.

No te maitai o te huitaata ta Iesu faatereraa

Mai te aha Iesu ia ho‘i mai o ’na? Ua faatia-faahou-hia oia ei varua itea ore. (Petero 1, 3:18) I muri a‘e, ua haere i te ra‘i e ua parahi i te rima atau o te Atua. (Salamo 110:1) I muri a‘e roa, a tia ’i Iesu i mua i to ’na aro, ua horoa ’tu te Atua Iehova, “To te mau mahana tahito,” i te mana no te faatere i te huitaata. E ho‘i mai ïa Iesu, eiaha mai te hoê taata, mai te tahi râ Arii ite-ore-hia.—A taio i te Daniela 7:13, 14.

Eaha ta Iesu e rave ia ho‘i mai o ’na?

E haava Iesu i te huitaata ia ho‘i mai oia ma te ite-ore-hia e ta ’na mau melahi. E haamou o ’na i te taata ino e i tei farii ia ’na ei Arii, e horoa ’tu ïa i te ora mure ore.—A taio i te Mataio 25:31-33, 46.

Ei Arii, e faatia faahou Iesu i te feia pohe no te ora i te fenua nei ta ’na i faariro ei paradaiso.—A taio i te Luka 23:42, 43.