Esekiel 4:1-17
4 “We wan u or, tôô ikyamegh ver sha ishigh you. Kpela foto u gar* sha mi—ka Yerusalem je la.
2 Kase un sha utya,+ maa igyar i utya kase un,+ shi maa ayou a taver haa afo kase un,+ kase un a akeke a hemben ukpekpe ningir tser.+
3 Tôô gbande u iyôôgh, ver un a hingir kpekpe u iyôôgh hen atô wou a gar. Maa ver ishigh you sha gar shon, nahan una hingir gar u i kase un sha utya yô; kase un sha utya. Kwagh ne a̱ lu ya u Iserael ikyav.+
4 “Maa yav ken ihyan you i ken imese, tôô ibo i ya u Iserael sha iyol you.*+ U tôô ibo ve sha ingyegh ki ayange a u yav ken ihyan you la cii.
5 Me ver u ayange 390, u zuan sha anyom a ibo ve la,+ nahan u tôô ibo i ya u Iserael.
6 Man a gba u u bee a.
“Shi a gba u u yav ken ihyan you i ken iyan kpaa, u tôô ibo i ya u Yuda+ ayange 40. Iyange sha inyom, iyange sha inyom, ka kwagh u m ne u je la.
7 U gema u ver ishigh vegher u Yerusalem u i kase un la,+ u kôvor ikyondo sha uwe kera, u ôr kwaghôron u profeti sha a na.
8 “Nenge! Me kange u sha ikyor sha er u fatyô u geman ken imese shin ken iyan ga, zan zan u kar been ayange a u kase gar la yô.
9 “Gema tôô alakema kua barli, man alev a vesen man alev a kiriki, kua amine man kpan-alakema, haa shin ikyagh i môm, er beredi a mi sha ci wou. Sha ayange a u yav ken ihyan you la cii, ayange 390 la, u lu yan un.+
10 Hanma iyange yô u kar kwaghyan sha myohom ma kuman ushekel 20* u ya. U yaan un sha ashighe a i ver yô.
11 “Shi u karen a kar mngerem u maan, a lu môm ken ataratar u hin.* U maan ma sha ashighe a i ver yô.
12 “U yaan beredi la er ka i ya ikpenberedi i gbilititi i sha barli nahan; u kaa un sha ashe a ve, sha usu u sha akôngo a or a uman.”
13 Yehova maa kaa ér: “Kape Mbaiserael vea ya kwaghyan ve ken akuraior a me sambe ve ker la je la—una lu wang ga.”+
14 Tsô m kaa mer: “Eihe, Yehova Ter u Hemban Cii! Hii iyev av je, m ngu a vande hôngor iyol yam* sha u yan inyam i zendenya u kpen shin u inyamkyume i ande un ga,+ shi i lu je inyam i wang ga* ngi a nyôr ken zwa wam ga.”+
15 Nahan a kaa a mo ér: “Ka shami, yô me de u kaa beredi wou la sha akôngo a bua, i de kera lun sha akôngo a or ga.”
16 Shi a kaa a mo ér: “Wan u or, m ngu been a kwaghyan* ken Yerusalem kera,+ vea karen a kar beredi kpuaa kpuaa vea yaan a ishimanyian kpishi,+ shi vea karen mngerem kpuaa kpuaa vea maan a mciem iyol tsung.+
17 Kwagh a lu nahan, sha ci u kwaghyan man mngerem a banen ve yô, vea gema a kenger ayol a ve, a kpiligh ve iyol, maa vea saa ishe sha ci u isholibo ve.
Ngeren mba shin kpe
^ Shin “Gber ikyav i foto u gar.”
^ Zwa Heberu, “sha i,” ka ihyan i ken imese la je la.
^ Kuma ugeram 230. Nenge Ngeren u Seer u B14 la.
^ Kuma lita 0.6. Nenge Ngeren u Seer u B14 la.
^ Shin “uma wam.”
^ Shin “i hôngorough.”
^ Zwa Heberu, “me kever igbough mbi beredi.” A̱ shi nan kpa mba ôron kwagh u igbough i yange i koson beredi a mi yô.
