Esekiel 2:1-10
2 Tsô a kaa a mo ér: “Wan u or,* mough tile sha, sha er me lam a we yô.”+
2 Zum u a lam a mo yô, jijingi nyôr ken a mo, nahan a erem m mough m tile sha,+ sha er me ungwa mkaanem ma Un u a lu lamen a mo la yô.
3 Maa a kaa a mo ér: “Wan u or, m ngu tindin we hen ior i Iserael,+ hen akuraior a taver ityough a a hendan a mo ne.+ Ve man uter vev cii ve ndera eren mo isholibo zan zan nyian.+
4 M ngu tindin we hen ônov mba nômbon ikyôr* man mba cighir asema,+ kaa a ve wer, ‘Ka kwagh u Yehova Ter u Hemban Cii a kaa je ne.’
5 Man aluer vea ungwa shin vea ungwa ga kpaa—gadia ve ka ya u hendan kwagh je+—vea fa wang er profeti yange lu hen atô ve yô.+
6 “Kpa we yô, wan u or, de cie ve ga,+ shi de cie mkaanem vem kpaa ga, shin er mbaasaa man mbaageva ve kase u*+ shi u tem hen atô u ayese nahan kpaa. De cie mkaanem vem ga,+ shi de cie mshim vem kpaa ga,+ gadia ve ka ya u hendan kwagh je.
7 Ôr ve mkaanem am, vea kegh ato shin vea kegh ato ga kpaa, gadia ve ka ior mba taver ityough.+
8 “Kpa we, wan u or, kegh ato a kwagh u m lu ôron we ne. De taver ityough er ya u taver ityough ne nahan ga. Bugh zwa ya kwagh u m lu nan we ne.”+
9 M kenger yô, m nenge i naregh uwegh hen a mo,+ maa m nenge a ihyurenruamabera* ker.+
10 Samber un sha ishigh yagh yô, m nenge i nger kwagh kimi man ken ijime na.+ I nger atsam a vaan man a zungwen man ukwelegh ker.+
