Amoshi 8:1-14
8 Ka kwagh u Yehova Ter u Hemban Cii tesem je ne: Nenge! Ikyese i atamaikyon a sha shighe u iceenyolough lu.
2 Maa a pinem ér, “Ka nyi u nenge a mi Amoshi?” M gema m kaa mer, “Ka ikyese i atamaikyon a sha shighe u iceenyolough.” Yehova maa kaa a mo ér, “Mkur va sha ior av Iserael. Me kera de ve kwaghbo ga.+
3 ‘Sha iyange la atsam a ken tempel aa hingir kwelegh,’+ ka kwagh u Yehova Ter u Hemban Cii a ôr je la. ‘A haa akom a ior gburugh gburugh;+ a huan ving!’
4 Ungwa nen kwagh ne, ne mba ne ndyaren mbaatsanev angahar,Shi ne been a* mbaasemaleghlegh ken tar ne kera la.+
5 Ka ne kaa ner, ‘Ka hanma shighe iniongo i uwer u he ia bee+ sha er se tee samuyia,Man ka hanma shighe Iyange i Memen+ ia bee sha u se ver samuyia u teene?
Sha er se pande ikyaren i efa,*Se gema se seer myohom ma shekel,*Nahan se nyighe ior sha uikyaren mba icughugh yô;+
6 Sha er se yam mbaibanave sha azurufa,Shi se yam mbaatsanev sha akôv,*+Shi se tee samuyia u doon ga yô.’
7 Yehova bum sha Mhembe u Yakob+ la kaa ér,‘Mayange me hungur a ieren ve i môm ga.+
8 Tar ua tenger sha ci u kwagh ne,Shi mba ve tem sha u cii vea zungwe.+
U cii ua mor er ka Nil nahan gaa?
Shi ua lu ivin shi songor er Nil u Igipiti nahan ga zee?’+
9 Yehova Ter u Hemban Cii ngu kaan ér,‘Sha iyange la me er iyange ia mire atetan,Shi tar ua wa ime atetan gengerege.+
10 Me gema uiniongo enev vea hingir ijungwen,+Shi atsam a en cii aa hingir atsam a mzungu.
Me zer akondo a zungwen sha hanma iwenge cii, shi me er hanma ityough kia kpur;Me er a lu inja er ka a vaan ku u wan u môm môm nahan,Man ken masejime yô, a lu er ka iyange i vihin tsung yô.’
11 Yehova Ter u Hemban Cii ngu kaan ér, ‘Nenge! Ayange nga vanA me tindi ijen ken tar ne yô.
A lu ijen i kwaghyan shin imura i mnger ga,Kpa a lu i ungwan mkaanem ma Yehova.+
12 Vea mough hen zegemnger ngun, vea lu nôngon gbeev yemen hen zegemnger ugen.
Vea mough ken imbusutarimese vea yem sha ityoughkitaregh.*
Vea lu zenden wue wue keren mkaanem ma Yehova, kpa vea zua a ma ga.
13 Sha iyange la anuunaukase a doon ishima aa hume,Agumaior kpaa aa hume, sha ci u imura;
14 Ve mba ve bumun sha ibo i Samaria+ ve kaan ér,“Er Aôndo wou a lu u uma ne, we Dan!”+
Man, “Er gbenda u Bersheba+ u lu her ne!” la,Vea gba, mayange vea kera mough ga.’”+
Ngeren mba shin kpe
^ Shin “ne timin.”
^ Nenge Ngeren u Seer u B14 la.
^ Nenge Ngeren u Seer u B14 la.
^ Shin “sanda.”
^ Shin “ape iyange i dugh la.”
