Amoshi 7:1-17
7 Ka kwagh u Yehova Ter u Hemban Cii tesem je ne: Nenge! Yange tindi ikpela i ikyomon sha shighe u iyiav mbi masetyô hii u menden la. Ka iyiav mbi i lôô shighe u i tôndo toho u tor i bee kera la.
2 Shighe u ikpela i ikyomon la ya imendenev mbi ken tar la cii bee yô, m kaa mer: “Aye, Yehova Ter u Hemban Cii, ma u de ior ou kwaghbo!+ Yakob una er nena ve una wara?* Gadia tume un iyol!”+
3 Tsô Yehova hide hen* sha kwagh ne.+ Nahan Yehova kaa ér, “Kwagh a er nahan ga.”
4 Ka kwagh u Yehova Ter u Hemban Cii tesem je ne: Nenge! Yehova Ter u Hemban Cii va a usu sha u tsahan tar la. Nahan usu la hia mngerem ma ma ze kpishi yô, shi u hia vegher u tar la ugen kpaa.
5 Tsô m kaa mer: “Aye, Yehova Ter u Hemban Cii, ma u gbe den tsô.+ Yakob una er nena ve una wara?* Gadia tume un iyol!”+
6 Tsô Yehova hide hen* sha kwagh ne.+ Nahan Yehova Ter u Hemban Cii kaa ér, “Kwagh ne kpaa una er ga.”
7 Ka kwagh u a tesem je ne: Nenge! Yehova tile sha kpekpe u i maa un sha kor u karen kwagh a mi* yô, shi a kôr kor u karen kwagh a mi ken uwe.
8 Yehova maa pinem ér: “Ka nyi u nenge a mi Amoshi?” Nahan m kaa mer: “Ka kor u karen kwagh a mi.” Maa Yehova kaa ér: “Ka u me ver kor u karen kwagh a mi hen atô u ior av Iserael. Me kera de ve kwaghbo ga.+
9 Ajiir a taven sha a Isaka+ aa hingir ice, shi ajiir a tseghan a Iserael kpaa a yôhôr a kera;+ shi me ta num sha ya u Yeroboam a sanker.”+
10 Amashia, pristi u ken Betel+ tindi loho hen Tor Yeroboam+ u ken Iserael, a kaa ér: “Amoshi ngu zuan zwa vea ior sha a we ken atôya u Iserael je.+ Gande tar ne u wan ishima a akaaôron a na la cii.+
11 Gadia Amoshi ngu ôron ér, ‘Yeroboam una kpe ku u sanker, man Iserael kpaa a mough a na hen tar na a yem a na uikyangen kpee je.’”+
12 Maa Amashia kaa a Amoshi ér: “We ornengenmbampase ne, yevese yem ken tar u Yuda, za keren kwaghyan* ker, shi ôron kwaghôron u profeti ker.+
13 Kpa de kera ôron kwaghôron u profeti hen Betel ga,+ sha ci u ka icighanjiir u tor,+ shi ka tempel* u tartor kpaa.”
14 Tsô Amoshi gema kaa a Amashia ér: “Yange m lu profeti ga, shi m lu wan u profeti kpaa ga; m lu orkuranilev,+ shi m nengen sha* ikyon i tur.
15 Kpa Yehova tôôm ape m lu zan a ikyumuile ityô la kera, Yehova kaa a mo ér, ‘Za, za ôr kwaghôron u profeti hen ior av Iserael.’+
16 Nahan ungwa ase kwaghôron u Yehova: ‘U ngu kaan wer, “De er kwaghôron u profeti sha Iserael ga,+ shi de pasen kwagh+ sha ya u Isaka kpaa ga.”
17 Sha nahan yô, ka kwagh u Yehova a ôr je ne: “Kwase wou una hingir gbaga* ken gar, shi sanker una wua ônov ou mba nomso man mba kasev. Utsa ou kpaa a bur ve a kar sha kor u karen kwagh a mi, shi we iyol you kpaa u kpe ken tar u hôngorough; shi a mough a Iserael ken tar na una yem uikyangen kpee je.”’”+
