Amoshi 4:1-13
4 “Ungwa nen kwagh ne, ne ungômbaibuav mba Bashan,Ne mba ne lu sha uwo u Samaria la,+Ne mba ne nyighen mbagban ijime,+ shi ne eren mbaibanave ican la,Ka ne kaa a noov enev* ner, ‘Va na nen se kwagh se ma!’
2 Er Yehova Ter u Hemban Cii a lu icighan yô, a bum ér,‘“Nenge! Ayange nga van a a kende ne a wa sha suagh ku anen inyam yô,Shi ne mbagen mba ne shi la cii a wa ne sha tsue.
3 Ne due sha ahura a i pev sha kpekpe u gar yô, hanmô wen nana ver ishigh jighilii;A zenda ne ne yem ken Harmon,” ka kwagh u Yehova a kaa je la.’
4 ‘Va nen hen Betel va per nen atindi,*+Va nen hen Gilgal va hemba peren nen atindi cii!+
Va nen a iniav+ yenev pepe,Shi va nen a môm-ken-pue+ enev sha iyange i sha utar.
5 Nande nen nagh ku ishughun sha beredi u i we kwa sha mi yô;+Yôô nen iniav yenev mbi ne ne a ishima i gbar gbar la genger genger!
Gadia ka kwagh u ka a doo ne u eren je la, ne ior i Iserael,’ ka kwagh u Yehova Ter u Hemban Cii a ôr je la.
6 ‘Kpa mo yô, ken agar a en cii m na ne kwaghyan ga,*Shi m na kwaghyan ban ken ayou a en cii;+Kpa ne hide hen a mo ga,’+ ka kwagh u Yehova a ôr je la.
7 ‘Shi m tôndo ne ura iwer kar itiar cii ve shighe u sunda kuma ye;+M er ura nôô sha gar ugen tsegha ugen.
Ura yange u nôô hen tsa u ngun,Kpa ugen di yô a gema a uma tseghe tseghe sha ci u ura u nôô her ga.
8 Ior mba hen ugar uhar shin utar yange ve yemen ze-ze-ze u za man mngerem+ hen gar môm,Man ve ma i kuma ve kpaa ga;Kpa ne hide hen a mo ga,’+ ka kwagh u Yehova a ôr je la.
9 ‘M tsaha ne, m er iyiav yenev use shi mbi ta kuruku.*+
Ne seer lôôn ishule man ikyon i wain,Kpa ikyomon va vihi ikyon yen i tur man i olev cica cii;+Nahan cii kpa shi ne hide hen a mo ga,’+ ka kwagh u Yehova a kaa je la.
10 ‘M haa ne bouange er u ken Igipiti la nahan.+
M wua agumaior a en sha sanker,+ shi m kôr anyinya a en kpaa.+
Yange m er ihyuma i hen afo a en mough nyôr ne ken ahenga;+Kpa ne hide hen a mo ga,’ ka kwagh u Yehova a kaa je la.
11 ‘M yôhôr neEr yange m yôhôr Sodom man Gomora nahan.+
Shi ne lu er ityôndo i i dugh i ken atse sha nahan;Kpa ne hide hen a mo ga,’+ ka kwagh u Yehova a kaa je la.
12 Nahan ka kwagh u shi me er a we je la, we Iserael.
Man er i lu u me er kwagh ne a we yô,Wa iyol u tagher ishigh a Aôndo wou.
13 Nenge! ka un a er iwo+ shi a gbe ahumbe ye;+Ka a ôr or kwagh u a lu un ken ishima yô,Ka a gema sev mbu hingir ime,+Shi ka a zende sha ajiir a taven a sha tar;+Yehova Aôndo u akum a sha ka iti na.”
