Amoshi 3:1-15

  • I pase ijirôron i Aôndo (1-8)

    • Aôndo ka a pase kwaghmyer na (7)

  • Loho u pasen mtim u Samaria (9-15)

3  “Ungwa nen ase kwagh u Yehova a ôr sha a ven ne, ne ior i Iserael, sha kwagh u tsombor u a due a u cii ken tar u Igipiti la:  2  ‘Ken icombor i sha tar cii ka ne tseegh m fe ne ye.+ Ka nahan man me pine ne kwagh sha asorabo a ne er la cii ye.+  3  Aluer iorov uhar vande veren shighe* u zuan ga nahan vea zende imôngo kpa?  4  Aluer begha kôr inyam ga nahan una gba tan kume ken ikyô tsôô? Man aluer gumbegha kôr kwagh ga nahan una gba kpelan ikyer hen ijiir na i yeren tsôô?  5  Aluer i hôn inyon ga* nahan ia gba gban ken kwaghhônon hen inya tsôô? Aluer kwaghhônon kôr inyam ga nahan una gba poson hen inya tsôô?  6  Korough ka ku a gba imo ken gar nahan i cier ior iyol gaa? Aluer kwaghtseren va sha gar nahan, ka Yehova a ne gaa?  7  Gadia Yehova Ter u Hemban Cii una gba eren ma kwagh ga,Saa una vande pasen kwaghmyer na hen mbatomov nav mba ve lu uprofeti la.+  8  Begha ta kume ve!+ Ka an je nana cia ga? Yehova Ter u Hemban Cii ôr kwagh! Ka an je nana ôr kwaghôron u profeti ga?’+  9  ‘Yôô nen kwagh ne sha ayou a taven a Ashedodi a a lu a ugir la,Man sha ayou a taven a Igipiti a a lu a ugir la kpaa. Kaa nen ner: “Kohol nen imôngo sha u za tan num sha iwo i Samaria;+Nenge, ayôôso nga ken a na,Shi anyighe ngu hen atô na.+ 10  Gadia ve fa u eren kwagh u shami ga,” ka kwagh u Yehova ôr je la,“Ve mba ve lu koson ipila* man mtim ken ayou a ve a taven a lun a ugir la.”’ 11  Sha nahan yô, ka kwagh u Yehova Ter u Hemban Cii a ôr je ne,‘Orhyom nana va kase tar wou,+Nana ngohol we agee,Shi nana ya ishar sha akaa a ken ayou a ou a taven a lun a ugir la.’+ 12  Ka kwagh u Yehova a ôr je ne,‘Er orkuranilev ka a kôr angahar ahar shin vegherto a tsue sha zwa u begha kera nahan,Kape a tsue ior i Iserael kpa kera je la,Ve mba hegen ve tem ken Samaria sha ugambe mba lugh lugh man mkônom ma dedoo* la.’+ 13  Yehova Ter u Hemban Cii, Aôndo u akum a sha, ngu kaan ér, ‘Ungwa nen shi ta nen ya u Yakob icin.’* 14  ‘Gadia sha iyange i me pine Iserael kwagh sha akaa a a er u hendan a mo* cii la,+Shi me hembe atse a hen Betel kpaa;+Me tôndo akor a sha atse la me haa inya.+ 15  Me yôhôr iyou i teman ker sha shighe u wuhegh man i teman ker shighe u iceenyolough.’ ‘Iyou i sha anyi a nor ia yôhôr,+Shi kwagh u uihyemban mba ayoughough* una bee,’+ ka kwagh u Yehova a kaa je la.”

Ngeren mba shin kpe

^ Shin “vande gban zwa môm.”
^ Shin a fatyô u kaan ér, “Aluer i wa kwagh u meen inyon ken kwaghhônon ga.”
^ Shin “tswam.”
^ Shin “mkônom ma ken Damaseku.”
^ Shin “er nen shiada sha kwagh u ya u Yakob.”
^ Shin “afer a ve erem.”
^ Shin a fatyô u kaan ér, “ayou kpishi.”

Copyrights for this publication