Amoshi 6:1-14
6 “Kwagh a tser mba ve tem ken Shion, ve nengen ér kwagh u zan ve iyol ngu ga* la!
Ve mba ve nengen ér ve tema bem bem hen uwo u Samaria,+Ve lu tagher tagher ken tar u u hembe zan iti ken akuraior cii la,Ka ve mba ya u Iserael a van hen a ve la.
2 Per va nen ken Kalne va nenge nen.
Shi mough nen heela za nen hen Zege Hamati,+Shi kar va nen hen Gati u ken Mbafiliti la.
Ve hemba ityartor nee?*
Shin tar ve hemba kehen a u wene?
3 Ne mba dughun kwagh u iyange i kwaghtseren la ken ishima yen kera+Geman van a hemen u* iferee?+
4 Ka ve yav sha ugambe mba i er sha anyi a nor+ yô, shi ve samber sha mkôn+ gadeaa,Ve yaan anomaiyôngo a ken ikyumuile kua ibua i kehen dindim dindim;*+
5 Ka ve dugh icam sha kwaghkuhwan u sha adiguve,*+Shi ve var ityogholough mbi hegh er Davidi nahan;+
6 Ka ve ma wain hen ikya poo,+Shi ve shighe mkurem ma ma hembe doon cii la.
Kpa kwagh gba ve* sha kwagh u a tser Yosev la ga.+
7 Ka ve je a hii yemen a ve uikyangen ye,+Uiniongo mba ior mba ve yav gadeaa la vea bee.
8 ‘Yehova Ter u Hemban Cii bum ken iti na iyol na,’*+ ka kwagh u Yehova Aôndo u akum a sha a ôr je ne,‘“Ihyagh i Yakob ndôhôr mo ishima,+Ayou a na a taven a lun a ugir la doom ga,+Nahan me gema gar la kua akaa a a lu ker cii me na mbahyomov nav.+
9 “‘“Man aluer iorov pue shi ken iyou i môm yô, ve kpa vea kpe.
10 Anmgbian ve* una va u va duen a ve za nanden môm môm. Una due a akuhe a ve ken iyou la kera; maa una pine ma or u nan lu shin iyou i shin atô la ér, ‘Orgen shi ape u lu laa?’ Ngula una kaa a na ér, ‘Or shi ga!’ Un di una gema a kaa ér, ‘Lu ving! Gadia shighe ne ka shighe u teren iti i Yehova cuku tsô kpaa ga.’”
11 Gadia ka Yehova a ne zwa ye,+Una hembe zegeya la a hingir alôgh,Ya u cuku kpaa a hembe un avur avur.+
12 Anyinya nga yevese sha vande?
Shin or a fatyô u kahan sule sha mi a ibua?
Gadia ne gema ijirôron i mimi hingir kon u bo,Shi atam a perapera kpaa hingir kon u yuan,*+
13 Ka ne ember sha gbilinkwagh,Ne kaa ner, “Ka sha tahav asev man se hingir mbaageev* gaa?”+
14 Sha nahan yô, ne mba ken ya u Iserael, me va a ikyurior igen ia va ta num sha a ven,’+ ka kwagh u Yehova Aôndo u akum a sha a ôr je la,‘Ia er ne ican hen Lebo-Hamati*+ zan zan a ar hen Uwagh* u Araba.’”
Ngeren mba shin kpe
^ Shin “ve hee iyol inya.”
^ Ikyav tese ér mba ôron kwagh u tartor u Yuda man u Iserael.
^ Zwa Heberu, “ikyônough ki.”
^ Shin “agumabua a wan ahôm.”
^ Shin “kwaghkuhwan u lun a ikyar.”
^ Zwa Heberu, “ve gba angev.”
^ Shin “bum uma na iyol na.”
^ Shin “Anmgbian u ter ve.”
^ Shin “kwagh u yuan.”
^ Zwa Heberu, “se tôô akor sha ci wase.”
^ Shin “ape karen nyôron Hamati.”
^ Shin “kungwa.” Nenge Ngeren u Pasen Asember.
