Amoshi 1:1-15
1 Mkaanem ma Amoshi* u lu môm ken mbakuran iyôngo ken Tekoa,+ ma i ôr un ken mpase u sha mnenge sha kwagh u Iserael, sha ayange a tor Ushia+ u ken Yuda man sha ayange a Yeroboam+ wan u Yoashi+ tor u Iserael, anyom ahar ken ijime cii man tar tenger la.+
2 A kaa ér:
“Yehova una ta kume ken Shion,Una ngor ikyenge ken Yerusalem.
Ajiir a ilev yan toho her aa use,Shi toho u sha ityough ki uwo u Karmel kpaa ua uma kera.”+
3 “Ka kwagh u Yehova a ôr je ne,‘“Er Damaseku a tese ityough ki taver kwa tar, man kwa nyiin je kpaa* yô, me hide ijime ga,Sha ci u ve shoghor Gileadi sha akeke a shoghor iyiav a iyôôgh.+
4 Nahan me haa usu sha ya u Hasael,+Ua hia ayou a taven a Ben-hada a lun a ugir.+
5 Me vihi uishindan mba ihinda i Damaseku;+Me tim mba ve tem ken Bikati-aven laKua un u a lu hemen* ken Bete-eden la;Shi a yem a ior i Shiria uikyangen ken Kir,”+ ka kwagh u Yehova a ôr je la.’
6 Ka kwagh u Yehova a ôr je ne,‘“Er Gasa a tese ityough ki taver kwa tar,+ man kwa nyiin je kpaa* yô, me hide ijime ga,Sha ci u ve yem a ior mba ve kôr la cii uikyangen,+ ve za gema ve na Edom.
7 Nahan me haa usu sha kpekpe u Gasa,+Ua hia ayou a na a taven a a lu a ugir la.
8 Me tim mba ve tem ken Ashedodi la,+Kua un u a lu hemen* ken Ashekelon la.+
Me naregh uwegh agh sha u tsahan Ekeron,+Nahan Mbafiliti mba ve shi la vea tim,”+ ka kwagh u Yehova Ter u Hemban Cii, a ôr je la.’
9 Ka kwagh u Yehova a ôr je ne,‘Er Tiru a tese ityough ki taver kwa tar,+ man kwa nyiin je kpaa* yô, me hide ijime ga,Sha ci u ve yem a ior mba ve kôr la cii uikyangen, ve za gema ve na Edom,Kua sha ci u ve umbur ityendezwa i anmgbianev+ er la ga.
10 Nahan me haa usu sha kpekpe u Tiru,Ua hia ayou a na a taven a a lu a ugir la.’+
11 Ka kwagh u Yehova a ôr je ne,‘Er Edom+ a tese ityough ki taver kwa tar, man kwa nyiin je kpaa* yô, me hide ijime ga,Sha ci u a zenda anngô na ijime a sanker,+Man sha ci u a venda u zungwen mhôônom;A zer anden ve sha ishima i i lu vihin un a ve la a uwer gban shio,Shi ishima ngi vihin un a ve her zan zan.+
12 Nahan me haa usu ken Teman,+Ua hia ayou a taven a Bosera a lun a ugir.’+
13 Ka kwagh u Yehova a ôr je ne,‘“Er Mbaamon+ ve tese ityough ki taver kwa tar, man kwa nyiin je kpaa* yô, me hide ijime ga,Sha ci u ve ande kasev mba uyaav mba ken Gileadi iyav, sha er tar ve ua* seer kehen yô.+
14 Nahan me haa usu sha kpekpe u Raba,+Ua hia ayou a na a taven a a lu a ugir la,A ger amo a utya sha iyange i utya,Shi ijeverahumbe kpaa ia kar sha iyange i uraahumbe.
15 A yem a tor ve uikyangen a mbatarev nav imôngo,”+ ka kwagh u Yehova a ôr je la.’
Ngeren mba shin kpe
^ Inja na yô ér, “Ngu Ikyav” shin “U Tôôn Ikyav.”
^ Shin “a tese ityough ki taver kwa kimbir kimbir.”
^ Zwa Heberu, “a kôr tôgh ku torough.”
^ Shin “a tese ityough ki taver kwa kimbir kimbir.”
^ Zwa Heberu, “a kôr tôgh ku torough.”
^ Shin “a tese ityough ki taver kwa kimbir kimbir.”
^ Shin “a tese ityough ki taver kwa kimbir kimbir.”
^ Shin “ve tese ityough ki taver kwa kimbir kimbir.”
^ Shin “haregh ve una.”
