FEBRUARI 11, 2026
URUSI

Kushoto hadi kulia: Dada Larisa Serdtseva, Dada Nina Smirnova, na Dada Zhanna Zhavoronkova

‘Tumaini Linanipa Shangwe’

CHEZA

Januari 30, 2026, Mahakama ya Wilaya ya Shakhunskiy iliyo katika Eneo la Nizhny Novgorod iliwahukumu Dada Larisa Serdtseva, Dada Nina Smirnova, na Dada Zhanna Zhavoronkova kifungo cha nje cha miaka miwili na nusu. Hawataenda gerezani wakati huu.

Maelezo Mafupi Kuwahusu

Zhanna Zhavoronkova

Alizaliwa: 1982 (Ukrainka, Eneo la Khabarovsk)

Alibatizwa: 2005

Maisha yake: Alifanya kazi ya kuwasimamia wafanyakazi wa treni. Mama ya Zhanna na mtoto wa kiume wa Zhanna ni Mashahidi wa Yehova. Zhanna alipatwa na kiharusi mara mbili katika kipindi ambacho upelelezi ulikuwa ukiendelea na pia kesi yake ilipokuwa ikisikilizwa mahakamani

Mashtaka: Kushiriki katika mikutano ya kidini ya Mashahidi wa Yehova

Hukumu: Kifungo cha nje cha miaka miwili na nusu

Maelezo ya Kibinafsi

Ni nini kinachokusaidia unapovunjika moyo?

Ni rahisi kuvunjika moyo. Mara nyingi mimi hufikiria maneno ya Waroma 15:13: “Mungu anayetoa tumaini na awajaze ninyi shangwe yote na amani kwa kumtegemea.” Mimi hujikumbusha kwamba siku moja ukosefu wa haki na maumivu hayatakuwepo tena. Tumaini hilo linanipa shangwe licha ya mambo yote ambayo nimevumilia na linanipa nguvu ninapokuwa dhaifu. Nimetambua kwamba shangwe yangu haitegemei mambo yanayonizunguka bali inategemea hali ya moyoni. Ninapofikiria mambo mazuri sina nafasi ya kufikiria mambo mabaya.

Kujua kwamba Yehova atawathawabisha sana wale wanaoendelea kumtumaini kunatufariji sana.—Zaburi 25:5.

Ona Pia

HABARI ZA ULIMWENGUNI POTE

Mashahidi wa Yehova Waliofungwa Gerezani kwa Sababu ya Imani Yao—Kulingana na Eneo

Nchi na maeneo ambayo Mashahidi wa Yehova wamefungwa gerezani, nyakati nyingine chini ya hali ngumu, kwa sababu ya kutenda kupatana na imani yao na kutumia haki za msingi za kibinadamu.