Jeremia 6:1-30
6 Itšireletseng, lona bana ba Benjamine, balehang Jerusalema.
Letsang lenaka+ Tekooa.+
Besang mollo e le letšoao Bethe-hakeremeHobane ho na le tlokotsi e tlang e tsoa leboea, tlokotsi e kholo.+
2 Morali oa Sione* o tšoana le mosali e motle ea phelang hamonate.+
3 Balisa ba tla tla le mehlape ea bona.
Ba tla hloma litente ho mo pota-pota ka hohle,+E mong le e mong a fulise mohlape oo a o hlokomelang.+
4 “Itokisetseng ho mo loantša,Emang, re mo hlaseleng har’a mpa ea motšehare.”
“Re malimabe hobane letsatsi le ntse le sekamaLe meriti e hlahlamela lithaba.”
5 “Emang, re mo hlaseleng bosiuRe senye litora tsa hae tse tiisitsoeng ka thata.”+
6 Etsoe Jehova oa mabotho o re:
“Remang lifate ’me le etse qubu e thibellang Jerusalema.+
Ke motse o lokelang ho ahloloa.
Ka har’a oona ha ho letho haese khatello.+
7 Joalokaha seliba e le mohloli oa metsi a pholileng,Motse ona le oona ke mohloli oa bokhopo.
Ho oona ho utloahala ntoa le timetso.+
Ke lula ke bona boloetse le kotlo.
8 Mamela uena Jerusalema esere ka u furalla ke lekehile.+
Ke tla u ripitla, ke u etse naha e se nang baahi.”+
9 Jehova oa mabotho o re:
“Ba tla bokella Baiseraele ba setseng hantle feela joalokaha ho bokelloa morara oa ho qetela sefateng.
Ba bokelle hape joaloka ea khang morara sefateng.”
10 “Ke tla bua le bo-mang ’me ke ba lemose?
Ke mang ea tla mamela?
Litsebe tsa bona li thibane* hoo ba sa khoneng ho utloa.+
Lentsoe la Jehova le fetohile ntho eo ba e nyefolang,+Ha ba le rate.
11 Ke tletse khalefo ea Jehova.
Ke khathetse ke ho e mamella.”+
“E tsebise ngoana ea seterateng+Le lihlopha tsa bahlankana ba bokaneng ’moho.
Etsoe ba tla haptjoa kaofela, monna hammoho le mosali oa hae,Banna-baholo hammoho le ba seng ba khokhoba.*+
12 Matlo a bona a tla nehoa batho ba bangHammoho le masimo le basali ba bona.+
Ke tla phahamisa letsoho ke otle baahi ba naha,” ke Jehova ea chong.
13 “Ho tloha ho mofutsana ho ea ho morui, e mong le e mong o ithuisa ka bolotsana.+
Ho tloha ho moprofeta ho ea ho moprista, kaofela ba etsa bobolu.+
14 Ba leka ho folisa sechaba sa ka se sithabetseng ka hore feela ba re:
‘Khotso e teng! Khotso e teng!’
Empa khotso e le sieo.+
15 Na batho ba ka ba soabetse lintho tse nyonyehang tseo ba li entseng?
Ha ba soabe ho hang!
Ha ba tsebe le hore na ho soaba ke ntho e joang.+
Ka hona, ba tla oela har’a ba oeleng.
Ha ke ba otla ba tla khothometseha,” ke Jehova ea chong.
16 Jehova o re:
“Emang mateanong a litsela ’me le bone.
Le botse ka litsela tsa khale,Botsang hore na tsela e nepahetseng ke efe ’me le tsamaee ho eona,+Le iphumanele phomolo.”
Empa ba re: “Re ke ke ra tsamaea ho eona.”+
17 “Ke khethile balebeli+ ba ileng ba re:
‘Mamelang molumo oa lenaka!’”+
Empa ba re: “Re ke ke ra mamela.”+
18 “Ka hona utloang, lona lichaba.
Lona phutheho, tsebangHore na ho tla etsahala’ng ka batho ba Jerusalema.
19 Mamela, uena lefatše.
Ke tlisa tlokotsi holim’a batho bana+E le litla-morao tsa merero ea bonaHobane ha baa mamela mantsoe a kaEbile ba hanne molao* oa ka.”
20 “Ha ke tsotelle le haeba le tlisa libano tse tšoeu tse tsoang ShebaLe lehlaka* le tsoang naheng e hole.
Linyehelo tsa lona tsa secheso ha li amoheleheLe mahlabelo a lona ha a nkhahle.”+
21 Kahoo Jehova o re:
“Ke behela batho bana lintho tse tla ba khopa,Li tla ba liha,Bo-ntate le bara,Moahisani le motsoalle oa hae.
Kaofela ba tla timela.”+
22 Jehova o re:
“Batho ke bao ba tsoa naheng ea leboea,Batho ba matla ba tla hlaha likarolong tse hole ka ho fetisisa tsa lefatše.+
23 Ba tla tšoara seqha le lerumo.
Ba sehloho ’me ba ke ke ba e-ba le mohau.
Mantsoe a bona a tla luma joaloka leoatleEbile ba palama lipere.+
Ba itokisetsa ho u loantša ba ikentse ngatana-’ngoe, uena morali oa Sione.”
24 Re utloile tlaleho e mabapi le bona.
Re feletsoe ke matla.*+
Re aparetsoe ke mathata,Re utloile bohloko bo kang ba mosali ea pepang.+
25 U se ke oa tsoela tšimong.
Hape u se ke oa tsamaea tselengHobane sera se nkile sabole,Hohle batho ba tšohile haholo.
26 Uena morali oa sechaba sa ka,Apara lesela le hoashang*+ u ipitike moloreng.
Lla joalokaha eka u llela mora ea mong, u bokolle haholo+Hobane sera se felisang se tla re futuhela ka tšohanyetso.+
27 “Ke u* entse mohlahlobi oa tšepe har’a batho ba ka,Ea batlisisang.
U lokela ho ela hloko ’me u hlahlobe liketso tsa bona.
28 Kaofela ha bona ke batho ba manganga,+Ba tsamaea hohle ba ntse ba etselletsa batho ba bang.+
Ba tšoana le koporo le tšepe,Kaofela ha bona ba tletse bobolu.
29 Mosebetsi o sebelitse ka thata ho hloekisa tšepe,Hoo le lisebelisoa tsa hae li cheleng.
Empa ha ho na thuso hobane ho itsoela loto feela mollong.+
Batho ba khopo ha baa tlosoa sechabeng.+
30 Ruri batho ba tla ba bitsa silevera e lahliloengHobane Jehova o ba lahlile.”+
