Jeremia 10:1-25
10 Utloang mantsoe ao Jehova a le boleletseng ’ona lona ba ntlo ea Iseraele.
2 Jehova o re:
“Le se ke la ithuta meetlo ea lichaba+Hape le se ke la tšosoa ke lipontšo tsa maholimoHobane feela lichaba li li tšaba.+
3 Etsoe meetlo ea lichaba ha e na thuso.
Setsebi sa mesebetsi ea matsoho se rema sefate morungEbe ka sona se etsa setšoantšo.+
4 Ba se khabisa ka silevera le khauta+Ebe ba se kokotela ka hamore le lipekere e le hore se se ke sa oa.+
5 Litšoantšo tse joalo li tšoana le setšosa se tšimong ea likomkomere, ha li tsebe ho bua.+
Li hloka ho kakasoa hobane ha li tsebe ho tsamaea.+
Le se ke la li tšaba hobane li ke ke tsa baka kotsiKapa tsa etsa letho le molemo.”+
6 Ha ho ea tšoanang le uena Jehova.+
U moholo le lebitso la hao le leholo ebile le matla.
7 Ke mang ea sa lokelang ho u tšaba, uena Morena oa lichaba?+ U lokela ho tšajoa.
Har’a batho bohle ba bohlale ba lichaba le har’a mebuso eohle ea bona,Ho hang ha ho ea tšoanang le uena.+
8 Kaofela ha bona ha ba nahane ’me ha ba na kelello.+
Thuto e fanoang ke litšoantšo tse entsoeng ka sefate ha e na thuso ho hang.+
9 Makapa a silevera a rekoa Tarshishe+ le khauta e rekoa Ufaze,Li entsoe ke setsebi sa mesebetsi ea matsoho le matsoho a ea sebetsang ka tšepe.
Liaparo tsa bona li entsoe ka khoele e putsoa le boea bo pherese.
Kaofela li entsoe ke basebetsi ba hloahloa.
10 Empa kannete Jehova ke Molimo.
Ke Molimo ea phelang+ ebile ke Morena oa bosafeleng.+
Lefatše le tla reketla ka lebaka la khalefo ea hae+Ebile ha ho na lichaba tse ka mamellang khalefo ea hae.
11 * U lokela ho re ho lichaba tseo:
“Melimo e sa kang ea etsa maholimo le lefatšeE tla timela lefatšeng le ka tlas’a maholimo ana.”+
12 Ke eena Molimo ea entseng lefatše ka matla a hae,Ka bohlale ba hae o entse lefatše,+O otlolotse maholimo ka bohlale* ba hae.+
13 Lentsoe la hae le etsa horeMetsi a maholimong a loebehlane,+O etsa hore maru* a nyolohe ho tsoa likhutlong tsa lefatše.+
O etsa lehalima* bakeng sa pula’Me o bulela moea moo a o koaletseng teng.*+
14 Motho e mong le e mong o etsa lintho ka ho se nahane le ka ho hloka tsebo.
Motho e mong le e mong ea sebetsang ka tšepe o tla hlajoa ke lihlong ka lebaka la setšoantšo se betliloeng,+Etsoe litšoantšo* tsa hae tse entsoeng ka tšepe lia thetsaHape ha ho na moea* ho tsona.+
15 Ha li na thuso, li lokeloa ke ho songoa.+
Ha letsatsi la kahlolo le fihla, li tla timela.
16 Empa Molimo oa Jakobo ha a tšoane le tsona,Ke eena ea entseng ntho e ’ngoe le e ’ngoe’Me Iseraele ke lere la lefa la hae.+
Lebitso la hae ke Jehova oa mabotho.+
17 Phutha thoto ea hao fatše,Uena mosali* ea lulang har’a mahlomola.
18 Etsoe Jehova o re:
“Ke lahlela* baahi ka ntle ho naha ena,+Ke tla etsa hore ba be le mahlomola.”
19 Ke malimabe ka lebaka la ho sithabela ha ka.*+
Leqeba la ka ha le fole.
Ke itse: “Kannete bona ke boloetse ba ka ’me ke lokela ho bo mamella.
20 Tente ea ka e sentsoe, lithapo tsa tente ea ka kaofela li khaotsoe.+
Bana ba ka ba ntšiile ’me ha ba sa le eo.+
Ha ho na ea setseng ho phutholla tente ea ka kapa ho e hloma.
21 Etsoe balisa ba entse lintho tse se nang kelello,+Ha baa botsa Jehova.+
Ke ka lebaka leo ba sa kang ba e-ba bohlale’Me mehlape eohle ea bona e hasane.”+
22 Mamelang tlaleho.
Morusu o moholo o hlaha naheng ea leboea.+
O tl’o etsa hore metse ea Juda e se ke ea e-ba le baahi, e be selao sa liphokojoe.*+
23 Jehova, ke tseba hantle hore motho ha a fuoa matla a ho laola tsela ea hae.
Motho ha a khone ho laola mehato ea hae.+
24 Jehova, nkhalemele kamoo u bonang ho loketseEmpa eseng u halefile+ esere oa mphelisa.+
25 Ntšetsa bohale ba hao ho lichaba tse iphapanyetsang uena+Le holim’a malapa a sa hlompheng lebitso la hao.
Etsoe a hlasetse Jakobo,+A mo hlasetse ebile a batlile ho mo felisa+Hape a sentse naha ea hae.+
Linaletsana
^ Temana ea 11 e ne e ngotsoe ka Searame.
^ Kapa: “kutloisiso.”
^ Kapa: “matlong a polokelo.”
^ Kapa mohlomong: “mekoallo ea metsi.”
^ Kapa: “moholi.”
^ Kapa: “liemahale.”
^ Kapa: “phefumoloho.”
^ E leng Jerusalema.
^ Kapa: “tjekeletsa.”
^ Kapa: “robeha.”
^ E leng moo liphokojoe li lulang.
