Jobo 39:1-30
39 Na o a tseba hore na dipodi tsa thaba di tswala neng?+
Na o kile wa bona ha kgama e tswala?+
2 Na o a tseba hore na di emara dikgwedi tse kae?
Na o tseba nako eo di tswalang ka yona?
3 Di kgumama fatshe ha di tswala,Ka mora moo, bohloko ba tsona ba ho tswala bo a fela.
4 Manamane a tsona a matona a ba matla mme a holela naheng.
A a tsamaya ebe ha a sa kgutlela ho bomma ona.
5 Ke mang ya entseng hore tonki e hlaha* e iphelele ka bolokolohi,+Ke mang ya e fasolotseng?
6 Ke entse hore e dule lehwatateng,Ka etsa hore e dule naheng e letswai.
7 E dula hole le motse o lerata.Ha e utlwe lerata la motho ya fang diphoofolo ditaelo.
8 E tsamaya maralleng,E batla moo e ka fulang jwang bo botala.
9 Na poho e hlaha e batla ho o sebeletsa?+
Na e ka qeta bosiu lesakeng* la hao?
10 Na o tla hula poho e hlaha ka ropo e le hore e o lemeleKapa na e tla o latela e le hore e leme* thota?
11 Na o tla tshepa matla a yonaO be o e dumelle hore e o etsetse mosebetsi o boima?
12 Na o ka kgodiseha hore e tla o tlisetsa dijo tseo o di kotutseng*Mme e di bokelle seotlong* sa hao?
13 Mpshe e foka mapheo a yona e thabileEmpa na masiba a yona a ka tshwana le a mokotatsie?+
14 E siya mahe a yona fatshe,E a siya a futhumetse mobung.
15 E a lebala hore batho ba ka a hata ebe ba a pshatlaKapa hore diphoofolo tsa naheng di ka a hata.
16 E tshwara madinyane a yona hampe jwalo ka ha eka ha se a yona.+
Ha e tshabe hore a ka shwa.
17 Modimo o entse hore e se ke ya eba bohlaleA ba a etsa hore e se ke ya eba le kutlwisiso.
18 Empa ha e ema e foka mapheo a yona,E tsheha pere le motho ya e palameng.
19 Na ke wena ya fang pere matla?+
Na ke wena ya e apesang moetse?*
20 Na o ka etsa hore e qhome jwalo ka tsie?
E hemela hodimo ka tsela e tshosang.+
21 E fata fatshe ebe e ya ntweng ka matla.+
22 E tsheha kotsi mme ha e tshabe letho.+
Ha e kgutliswe ke sabole.
23 Mekotla ya metsu e ntse e e thula lehlakoreng,Lerumo le lerumo le betswang di ntse di benya ha e matha.
24 E mathela pele ke thabo hobane e batla ho ya ntweng,Ha e kgone ho ema feela ha e utlwa* modumo wa lenaka.
25 Ha e utlwa modumo wa lenaka e re, ‘Aha!’
E nkgella ntwa e sa le holeEbile e utlwa lerata la balaodi le modumo wa ntwa.+
26 Na ke wena ya rutileng phakwe ho fofela hodimo,Hore e otlollele mapheo a yona ka borwa?
27 Kapa na ke wena ya laelang ntsu hore e fofele hodimo+Le hore e hahe sehlaha sa yona moo ho phahameng haholo+
28 E le hore e robale lefikeng bosiuLe hore e dule moo ho sireletsehileng lefikeng?*
29 E batlana le dijo moo.+
Mahlo a yona a kgona ho bona hole.
30 Madinyane a yona a nwa madi.
Moo ho nang le ditopo, o tla e fumana teng.”+
