Jobo 33:1-33
33 Jobo ke kopa o mmamele,O mamele dintho tsohle tseo ke tla di bua.
2 Ke kopa o mmamele,Ho na le ntho eo ke lokelang ho o bolella yona.
3 Mantswe ao ke tlo a buaA tswa pelong+ ebile ke nnete.
4 Modimo ke yena ya nkentseng ka matla a hae,+Ya Matla Ohle o entse hore ke phele.+
5 O ka nkaraba haeba o kgona,O ipuelle.
6 Nna le wena re a tshwana ho Modimo wa nneteLe nna ke bopilwe ka letsopa jwalo ka wena.+
7 Ka hoo, ha o a lokela ho ntshaba,Nke ke ka bua dintho tse tla o utlwisa bohloko.
8 Empa ke utlwile dintho tseo o neng o di buaHa o re,
9 ‘Ke hlwekile, ha ke na molato+Ebile ha ke a etsa letho le phoso.+
10 Empa Modimo o fumana mabaka a ho ntshwaya diphosoMme o nka hore ke sera sa hae.+
11 O a nkahlola.*
O sheba ntho e nngwe le e nngwe eo ke e etsang.’+
12 Empa o fositse. Ka hoo, ke tla o araba:
Modimo o moholo haholo ho feta motho.+
13 Ke hobaneng ha o tletleba ka yena?+
Na ke hobane a sa o araba?+
14 Modimo o bua hangataEmpa batho ha ba mamele.
15 O bua le bona ka ditoro, dipono tsa bosiu+Ha batho ba kgalehile,Ba robetse dibetheng tsa bona.
16 O ba bula ditsebe+Ebe o etsa hore ba utlwe* ditaelo tsa hae
17 E le hore motho a tlohele ho etsa dintho tse mpe+Le hore a se ke a ikgohomosa.+
18 Modimo o a mo sireletsa hore a se ke a wela sekoting,*+O a mo pholosa e le hore a se ke a bolawa ka sabole.*
19 Ho na le ntho eo motho a ka ithutang yona ha a le betheng a kulaEbile a opelwa ke masapo.
20 Ka nako eo ha a sa batla dijo,Le dijo tse monate ha a sa na taba le tsona.+
21 O ntse a otaLe masapo a hae a a bonahala.
22 O haufi le ho ya sekoting,O haufi le batho ba batlang ho mmolaya.
23 Haeba ho ena le moromuwa* a le mong,Mmuelli a le mong ho ba sekete ya ka mo buellangMme a mo bolelle hore na ke eng e lokileng
24 Ebe Modimo o mo utlwela bohloko mme o re,‘Mo pholoseng hore a se ke a wela sekoting.+
Ke fumane tsela ya ho mo lopolla.+
25 A ke a ntjhafale* ho feta ha a ne a le motjha.+
A boele a be matla jwalo ka botjheng ba hae.’+
26 O tla rapela Modimo+ mme o tla mo hauhela,O tla thaba haholo ha a bona sefahleho sa ModimoMme Modimo o tla boela a mo nke e le motho ya lokileng.
27 Motho eo o tla re ho batho ba bang,*‘Ke sentse se nepahetseng mme ke entse sebe+Empa ha ke a fumana kahlolo e ntoketseng.*
28 O mpholositse e le hore ke se ke ka wela sekoting+Mme ke tla nne ke phele.’
29 Ka nnete Modimo o etsetsa motho dintho tsenaKa makgetlo a mangata,
30 O etsa hore a se ke a wela sekotingE le hore a nne a thabele ho phela.+
31 Mmamele Jobo, o mmamele ka hloko.
O thole mme ke tla nne ke bue.
32 Haeba ho ena le ntho eo o batlang ho e bua, e bue.
Bua hobane ke batla ho bontsha hore ha o na molato.
33 Haeba ho se na ntho eo o ka e buang o mmamele.
O thole mme ke tla o hlalefisa.”
