Jobo 16:1-22
16 Jobo a re:
2 “Nkile ka utlwa dintho tse ngata tse tshwanang le tsena.
Kaofela ha lona le batshedisi ba dikgathatso!+
3 Le tla qeta neng ho bua mantswe aa a se nang thuso?
Keng e etsang hore le bue ka tsela ee?
4 Le nna ke ne nka bua jwalo ka lona.
Haeba le ne le le boemong ba ka,Ke ne nka bua dintho tse ngata tse le hanyetsang
Mme ka le sisinyetsa hlooho.+
5 Ho ena le hoo, ke ne ke tla bua mantswe a le kgothatsang,Mme matshediso a ka a ne a tla le kgatholla.+
6 Ebang ke a bua, bohloko ba ka ha bo kokobele,+Le ha ke thotse ha bo fokotsehe.
7 Empa Modimo o entse hore ke fellwe ke matla,+O fedisitse lelapa lohle la ka.
8 O boetse o a ntshwara mme boemo boo ke leng ho bona ke bopaki ba seo,Ka hoo, ho ota ha ka ho paka seo.
9 Kgalefo ya hae e nthobile dikoto mme o ntlhoile.+
O ntsikitlanyetsa meno.
Sera sa ka se ntjhebile hampe.+
10 Ba buile dintho tse mpe ka nna,+Hape ba ntelletse ka hore ba nkotle marameng,Ba ntlhasela ba le bangata.+
11 Modimo o fana ka nna ho bashanyana,O ntahlela matsohong a ba kgopo.+
12 Ke ne ke se na mathata empa a nthuhakanya,+A ntshwara ka morao molaleng yaba o nthoba dikoto,O ikemiseditse ho ntlhasela.
13 Batho ba hae ba betsang metsu ba mpotapotile,+O arola diphio tsa ka+ a se na qenehelo,O qhalla nyooko ya ka fatshe.
14 O ntse a mphunya masobasoba,O mathela ho nna jwalo ka lesole.
15 Ke rokile lesela le hwashang* e le hore ke kwahele letlalo la ka,+Mme ke patile seriti* sa ka leroleng.+
16 Sefahleho sa ka se retetse ke ho lla,+Mme mahlo a ka a aparetswe ke lefifi,*
17 Le hoja ke sa lematsa motho,Le thapelo ya ka e hlwekile.
18 Wena lefatshe, o se ke wa kwahela madi a ka!+
A tlohele hore a lle molemong wa ka!
19 Paki ya ka e mahodimong,Ya ka mpakelang o sebakeng se phahameng.
20 Metswalle ya ka e a ntshoma+Jwale ke llela ho Modimo.+
21 Ho ke ho be le moahlodi pakeng tsa motho le Modimo,Jwalo ka ha a le teng pakeng tsa batho ba babedi.+
22 Ke saletswe ke dilemo tse fokolang,Ke tlo tsamaya mme nke ke ka hlola ke kgutla.+
