Jobo 28:1-28
28 Ho na le sebaka seo silevera e tjhekwang ho sona
Le sebaka seo ho hlwekiswang kgauta ho sona.+
2 Tshepe e fumanwa mobungKoporo yona e fumanwa majweng.+
3 Motho o etsa hore ho be le kganya sebakeng se lefifi.
O kenella sebakeng se lefifiE le hore a fumane majwe a bohlokwa.
4 O tjheka sekoti hole le moo batho ba dulang teng,Dibakeng tse lebetsweng tse hole le moo batho ba tsamayang.
Batho ba bang ba theohela sekoting seo ba sebedisa dithapo.
5 Dijo di mela ka hodima lefatshe.
Empa ka tlase le senyeha jwalo ka ha eka le senngwa ke mollo.*
6 Ka tlasa lona ho na le majwe a safireLe mobu o na le kgauta.
7 Dinonyana tse jang nama ha di tsebe tsela e yang moo.
Le mmankgodi e motsho ha a eso e bone.
8 Dibata tse kgolo ha di eso hate ho yonaLe tau ha e eso ka e tsamaya ho yona.
9 Motho o pshatla lefika le thataEbile o heletsa dithaba.
10 O bula diforo tsa metsi+ lefikeng.
Mahlo a hae a bona dintho tsohle tsa bohlokwa.
11 O kwala mehlodi ya dinokaHape ntho e neng e patilwe o e tlisa kganyeng.
12 Empa bohlale le kutlwisiso di ka fumanwa hokae?+
13 Ha ho na motho ya ka utlwisisang bohlokwa ba bona+Le ya ka bo fumanang lefatsheng.
14 Metsi a tebileng a re, ‘Ha bo yo ho nna.’Le lewatle le re, ‘Le nna ha bo yo ho nna.’+
15 Ha ho na kgauta kapa silevera e ka bo rekang.+
16 Ha ho na kgauta ya Ofire e ka bo rekang+Kapa majwe a bohlokwa a onikse le a safire a ka bo rekang.
17 Ha ho na kgauta le kgalase e ka bapiswang le bonaKapa sejana sa kgauta* se ka bo rekang.+
18 Dikorale le mahakwe ha re sa bua ka tsona+Hobane bohlale ke ba bohlokwa ho feta mokotla o tletseng diperela.
19 Lejwe la topaze+ la Kushe le ke ke la bapiswa le bonaEbile ha ho na kgauta e ka bo rekang.
20 Empa bohlale le kutlwisiso di ka fumanwa hokae?+
21 Bo patetswe dintho tsohle tse phelang+Mme bo patetswe le dinonyana.
22 Lebitla* le lefu di re,‘Re utlwetse feela ka bona.’
23 Ke Modimo ya tsebang tsela ya ho bo fumana.
Ke yena feela ya tsebang moo bo dulang+
24 Ka ha o bona moo lefatshe le fellangHape o bona dintho tsohle tse lefatsheng.+
25 Ha a ne a fa moya matla,*+A behela metsi moedi,+
26 Ha a ne a behela pula molao wa hore na e ne neng+Le hore na maru a lehadima le sefefo di tsamaye hokae,+
27 O ile a bona bohlale mme a bo hlalosa.
A etsa hore bo be teng a ba a bo leka.
28 Yaba o re ho motho:
‘Batho ba bohlale ke ba tshabang Jehova+Le ba qobang ho etsa dintho tse mpe.’”+
