Jobo 13:1-28
13 Leihlo la ka le bone dintho tsena tsohle,Tsebe ya ka ya di utlwa mme ya di utlwisisa.
2 Seo le se tsebang le nna ke a se tseba,Ha ke tlase ho lona.
3 Empa nna nka mpa ka bua le Ya Matla Ohle,Ke batla ho ipuella ho Modimo.+
4 Empa le mphara ka mashano,Kaofela ha lona le dingaka tse se nang thuso.+
5 Haeba le ne le ka itholela feela,Le ne le tla be le bontsha hore le bohlale.+
6 Ke kopa le mamele maikutlo a ka,Mme le ele hloko dikopo tsa ka.
7 Na le tla bua dintho tse sa lokang le sebedisa lebitso la Modimo,Le ho bua leshano ka lebitso la hae?
8 Na le tla ba ka lehlakoreng la hae,*Le leke ho lwanela Modimo wa nnete?
9 Na ha Modimo a ka le hlahloba o ne a tla fumana le lokile?+
Na le tla mo thetsa jwalo ka ha le thetsa batho?
10 Haeba le ka leka ho bontsha leeme* sephiring,Ka nnete o tla le kgalemela.+
11 Na ho hlompheha ha hae ho ke ke ha le tshosa,Na le ke ke la tshoha ka lebaka la hae?
12 Mantswe a lona a bohlale* a fetohile maele a se nang thuso jwalo ka molora,Dikarabo tsa lona ha di na thuso jwalo ka dithebe tse entsweng ka letsopa.
13 Tholang e le hore nka bua.
Le tlohele eng kapa eng hore e nketsahalle!
14 Ke hobaneng ha ke ipeha kotsing*Mme ke bapala ka bophelo ba ka?
15 Le ha a ka mpolaya, ke tla leta.+Ke tla emela taba ya ka ka pela hae.
16 Jwale e ne e tla ba mopholosi wa ka,+Hobane ha ho na mokwenehi* ya ka tlang ka pela hae.+
17 Mmameleng ka hloko,Le ele hloko seo ke se buang.
18 Jwale ke hlophisitse nyewe ya ka,Ke a tseba hore ha ke na molato.
19 Ke mang ya tla lwantshana le nna?Ke ne ke tla shwa haeba nka thola!*
20 Modimo wa ka, ke kopa dintho tse pedi feela*E le hore ke se ke ka ipatela wena:
21 Tlosa letsoho la hao le boima hodima ka,Mme o se ke wa etsa hore ke o tshabe.+
22 Mpitse mme ke tla o araba,Kapa o ntumelle hore ke bue mme o nkarabe.
23 Ke entse dibe le diphoso dife?
Mpolelle phoso ya ka le sebe sa ka.
24 Ke hobaneng ha o mpatela sefahleho sa hao+Ebile o nka hore ke sera sa hao?+
25 Na o tla tshosa lekgasi le fefotsweng ke moya,Kapa o lelekise ditlhaka tse omeletseng?
26 O ntse o ngola diqoso tse bohloko ka nnaMme o etsa hore ke arabelle dibe tsa botjheng ba ka.
27 O a nkahlola,*O sheba ntho e nngwe le e nngwe eo ke e etsangMme o batlana le mehato yohle ya ka.
28 Motho* o bola jwalo ka ntho e senyehileng,Jwalo ka seaparo se jeweng ke tshwele.*
Dintlha tse qetellong ya sehloho
^ Kapa: “le tla mo tshwara ka leeme.”
^ Kapa: “kgethollo.”
^ Kapa: “a hopolehang.”
^ Ka Seheberu: “Ke hobaneng ha ke tshwara nama ya ka ka meno.”
^ Kapa: “ya lahlileng Modimo.”
^ Kapa mohlomong: “Haeba ho ena le motho ya tla kgona, ke tla thola mme ke shwe.”
^ Ka Seheberu: “O se ke wa nketsa dintho tse pedi feela.”
^ Mohlomong ho buuwa ka Jobo.
^ Kapa: “mmoto.”
