Jobo 21:1-34
21 Jobo a re:
2 “Mmameleng ka hlokoKa ha seo e tla ba matshediso ao le mphang ona.
3 Mmamelleng ha ke bua,Ha ke qetile, le ka nna la ntshoma.+
4 Na ho tletleba ha ka ho lebisitswe ho motho?
Haeba ho ne ho le jwalo, na nka be ke sa fellwa ke mamello?
5 Ntjhebeng le be le mmakalle,Le behe matsoho a lona melomong.
6 Ha ke thola ke nahana, ke a tshwenyehaLe mmele wohle wa ka o a thothomela.
7 Ke hobaneng ha batho ba kgopo ba ntse ba phela,+Ba tsofala ebile e ba barui?*+
8 Ba dula ba ena le bana ba bonaEbile ba kgona le ho bona ditloholo tsa bona.
9 Matlo a bona a sireletsehile, ha ba tshabe.+Modimo ha a ba otle ka molamu wa hae.
10 Ha ho na mohla dipoho tsa bona di sa emarisengLe dikgomo tsa bona di a tswala mme ha di folotse.*
11 Bana ba bona ba bashanyana ba matha ka ntle jwalo ka mohlapeEbile ba a tlolaka.
12 Ba bina ba sebedisa moropa o monyenyane le harepaBa natefelwa ke modumo wa lekodilo.*+
13 Ba qeta matsatsi a bona ba ithabisa.Ba theohela Lebitleng* ka kgotso.*
14 Empa ba re ho Modimo wa nnete, ‘Kgaohana le rona!
Ha re batle ho tseba ditsela tsa hao.+
15 Ya Matla Ohle ke mang hore re mo sebeletse?+
Re tla fumana molemo ofe ka ho mo tseba?’+
16 Empa ke a tseba hore ha ba laole katleho ya bona.+
Ha ke nahane jwalo ka batho ba kgopo.+
17 Lebone la ba kgopo le tima hangata hakae?+
Ba hlahelwa ke tlokotsi hangata hakae?
Modimo o ba fa kotlo hangata hakae ka lebaka la bohale ba hae?
18 Na ba ke ba fefolwe ke moya jwalo ka jwang,Ba be jwalo ka mmoko o fefolwang ke sefefo?
19 Modimo o tla boloka dikotlo tsa motho ebe o di kgutlisetsa baneng ba hae.Empa e se eka le yena Modimo a ka mo fa kotlo e le hore a ka utlwa hore na ho jwang.+
20 E se eka tlokotsi e ka mo tlela a ntse a shebileMme e be yena ya utlwang* kgalefo ya Ya Matla Ohle.+
21 Haeba palo ya dikgwedi tsa hae e fokotswa,*+Na o a tsotella hore na ho tla etsahalang ka ba lelapa la hae ka mora hore a shwe?
22 Ke mang ya ka rutang Modimo* bohlale+Ka ha ke yena ya ahlolang le ba phahameng?+
23 Motho e mong o shwa a ntse a ena le matla,+A ena le kgotso ebile a se na mathata,+
24 Dirope tsa hae di le kgoloLe masapo a hae a le matla.*
25 Empa motho e mong o shwa a tshwenyehile,*A sa thabela letho le molemo.
26 Le ha ho le jwalo, ba tla robala ha mmoho leroleng+Ba kwahelwe ke diboko.*+
27 Ke tseba hantle hore na le nahannengLe hore na le rerile ho nketsang.*+
28 Le ntse le re, ‘Ntlo ya motho ya hlomphehang e hokae?
Tente eo motho ya kgopo a neng a dula ho yona e hokae?’+
29 Na ha le a botsa batho ba tsamayang?Na ha le dumele seo ba se buang?*
30 Ba tla le bolella hore motho ya kgopo o a pholoha letsatsing la tlokotsiEbile o a pholoswa letsatsing la kgalefo.
31 Ke mang ya tla mo bolella hore boitshwaro ba hae ha bo a loka?
Ke mang ya tla mo fa kotlo ka lebaka la diketso tsa hae?
32 Ha a iswa mabitleng,
Lebitla la hae le tla lebelwa.
33 Makote a mobu wa kgohlo* a ke ke a mo imela,*+Batho bohle ba a mo latela*+Jwalo ka ba se nang palo ba ileng pele ho yena.
34 Jwale ke hobaneng ha le mpha matshediso a se nang thuso?+
Dikarabo tsa lona ke leshano feela!”
Dintlha tse qetellong ya sehloho
^ Kapa: “ba matla.”
^ Ha namane e hlaha e se e ntse e shwele.
^ Kapa: “phala.”
^ Kapa: “ka motsotswana” e leng ho shwa kapele motho a sa utlwe bohloko.
^ Ka Seheberu: “nwang.”
^ Kapa: “kgaolwa mahareng.”
^ Kapa: “rutang Modimo ntho le ha e le efe.”
^ Ka Seheberu: “mmoko wa masapo a hae o mongobo.”
^ Kapa: “ka moya o bohloko.”
^ Kapa: “tshenyane.”
^ Kapa mohlomong: “ho ntwantsha.”
^ Ka Seheberu: “dumele dipontsho.”
^ Ka Seheberu: “Makote a lefatshe a kgohlo a tla ba monate ho yena.”
^ Ka Seheberu: “O tla hula batho bohle hore ba mo latele.”
