Sakaria 9:1-17
9 Wan boskopu fu Gado:
„Disi na wan krutuboskopu fu Yehovah gi a kondre Hadrakèn a o doro* na Damaskus.Yehovah e si san libisma e du.A e si san ala den lo fu Israel e du.
2 A boskopu de tu gi Hamat di de leti na en seièn gi Tirus nanga Sidon aladi den koni trutru.
3 Tirus meki wan bigi skotu* gi ensrefi.
A abi so furu solfru taki a e si en leki santièn gowtu de leki tokotoko na tapu strati.
4 Ma Yehovah o puru ala den gudu fu en na en anuèn a o trowe a legre fu en na ini a se.*Faya o pori en krinkrin.
5 Askelon o frede te a si san psa.Gasa o beifi.Ekron o bruya srefsrefi, bika a kondre di a ben howpu na tapu kisi syen.
Nowan kownu o de moro na ini Gasaèn nowan sma o tan moro na ini Askelon.
6 Sma fu tra kondre o kon tan na ini Asdodèn mi o puru bigifasi gi den Filisteasma.
7 Mi o puru den sani di abi brudu, na den mofoèn mi o puru den sani di no krin, na mindri den tifi.Ala den sma fu den* di tan abra, o kon de fu wi Gadoèn den o kon de leki edeman na ini Yuda.Den sma fu Ekron o kon de leki den Yeibus-sma.
8 Mi o poti wan waktiman-kampu na dorosei fu mi oso,so taki nowan sma kan go na ini èn nowan sma kan go na doro.Sma no o pina* mi pipel moro.Nanga mi eigi ai mi si san psa nanga den.
9 Prisiri srefsrefi, umapkin fu Sion.
Bari fu prisiri, umapkin fu Yerusalem.
Luku! A kownu fu yu e kon na yu.
A e du san reti èn a e tyari ferlusu kon.*A abi sakafasi èn a e rèi na tapu wan buriki.A e rèi na tapu wan yongu buriki,* a pkin fu wan umaburiki.
10 Nowan fetwagi o de moro na Efrayim,nowan asi o de na Yerusalem
èn nowan bo o de fu feti.
A kownu fu yu o taki dati freide de na mindri den pipel.A o tiri ala kondre fu a wan se te na a tra seèn fu a Gran Liba* te na den moro fara presi fu grontapu.
11 Sion,* na a brudu fu a ferbontu di mi meki nanga yumeki taki mi o puru den strafman fu yu na ini a peti di no abi watra.
12 Un strafman di abi howpu, drai kon baka na a fortresi.*
Sion, tide mi e taigi yu:’Mi o blesi yu tu tron so furu.
13 Mi o span Yuda leki wan bo.
Mi o poti Efrayim leki wan peiri na mi bo.Mi o meki den manpkin fu Siongo feti nanga den manpkin fu Grikikondre.Mi o meki Sion tron leki a fet’owru fu wan srudati.’
14 A o de krin fu si taki Yehovah de nanga den.En peiri o frei es’esi leki bliksem.
A Moro Hei Masra Yehovah o bro wan tutuèn leki den bigi winti fu zuidsei a o hari go feti nanga den feanti.
15 Yehovah di e tiri den legre o feti gi en pipel.Den feanti o slinger ston kon na den tapu, ma tòg den o wini den feanti.
Den o dringi èn den o meki b’bari neleki den dringi win.Den o de leki wan komki di furu nanga winèn leki a brudu di kanti na tapu den uku fu na altari.
16 Na a dei dati Yehovah, a Gado fu den, o ferlusu en pipelneleki fa wan skapuman e ferlusu den skapu fu en.Den o brenki leki den diriston fu wan kroon na ini a kondre fu en.
17 Luku fa Gado bunèn luku fa a glori fu en bigi!
N’nyan o meki den yongu man kon trangaèn nyun win o meki den yongu uma* gro bun.”
