Sakaria 10:1-12

  • No aksi den falsi gado, ma aksi Yehovah fu alen fadon (1, 2)

  • Yehovah e meki en pipel abi wánfasi (3-12)

    • Na fu Yuda na edeman e kmoto (3, 4)

10  „Aksi Yehovah fu gi unu alen na a bigin fu a yari te alenten doro. Na Yehovah e meki den dungru wolku di e tyari alen kon.Na en e meki alen fadonèn na en e meki n’nyan gro na den gron gi ala sma.  2  Bika den terafim-popki* e kori sma,den fisyun di lukuman e si na soso lei èn den dren fu den no wani taki noti.Awinsi san den e du, den no man trowstu sma. Dati meki a pipel e wakawaka lontu leki skapu di lasi pasi èn den e pina fu di den no abi skapuman.  3  Mi ati e bron srefsrefi nanga den skapuman.Mi o aksi frantwortu na den fesiman di e pina mi pipel.*Yehovah di e tiri den legre poti prakseri now na den sma fu Yuda di de leki skapu fu en.A meki den kon de leki a tranga asi fu en di a e rèi te a e go feti.  4  Na fu Yuda na edeman* e kmoto.Na fu en a tiriman* e kmoto di e horbaka gi en.Na fu en a bo e kmoto di sma e gebroiki fu feti.Iya, na fu en ala den fesiman* kmoto.  5  Den o kon de leki srudatidi e trapu a tokotoko na strati te den e go feti. Den o go feti, bika Yehovah de nanga den.Den feanti fu den di e rèi na tapu asi o kisi syen.  6  Mi o meki den sma fu Yuda kon trangaèn mi o ferlusu den sma fu Yosef. Mi o tyari den go baka na den kondreèn mi o sori sar’ati gi den.A o de leki noiti mi ben drai baka gi den,bika mi na Yehovah den Gado èn mi o piki den.  7  Den sma fu Efrayim o kon de leki wan tranga srudati.Den o prisiri neleki te den dringi win. Den manpkin fu den o si den sani disi èn den o prisiri,iya, den ati o prisiri fu Yehovah ede.  8  ’Mi o froiti kari den èn mi o tyari den kon na wán.Mi o ferlusu den èn den o kon furu.Ala ten den o de nanga furu sma.  9  Awinsi mi panya den leki siri na mindri den pipel,den o memre mi na den fara presi.Den nanga den manpkin fu den o kisi krakti baka èn den o drai kon baka. 10  Mi o puru den na Egepte èn mi o tyari den kon baka.Mi o puru den na Asiria èn mi o tyari den kon na wán.Mi o tyari den go na a kontren fu Gilead nanga Libanon.Drape srefi nofo presi no o de gi den. 11  Te a se wani tapu pasi gi den, mi o psa na ini a se,dan mi naki den skwala fu en.Ala a watra fu Nijl-liba o kon drei. Mi o puru bigifasi gi Asiriaèn mi o puru a kownutiki fu Egepte. 12  Na mi, Yehovah, o meki den kon trangaèn den o libi na wan fasi di e gi mi nen glori’, na so Yehovah taki.”

Futuwortu

^ Noso: „oso-gado”, „falsi gado”.
^ Hebrewtongo: „na den bokoboko”.
^ Hebrewtongo: „na uku-toren”. Disi na wan agersi fasi fu kari wan prenspari man noso wan fesiman.
^ Noso: „a spikri”. Disi na wan agersi fasi fu kari wan sma di e horbaka gi wan trawan noso wan tiriman.
^ Noso: „basi”.

Auteursrechten voor deze publicatie