Sakaria 13:1-9
13 Na a ten dati den o diki wan peti gi den sma fu David èn gi den sma di e tan na Yerusalem fu wasi den sondu fu den puru èn fu meki den kon krin.
2 Na a ten dati”, na so Yehovah di e tiri den legre taki, „mi o sorgu taki nowan falsi gado de na ini a kondre moro èn nowan sma o memre den nen. Ala den profeiti nanga den sma di e gi trawan dek’ati fu du sani di no krin na ini Gado ai mi o puru na ini a kondre.
3 Ma efu wan man bigin taki profeititori baka, dan en p’pa nanga m’ma di meki en musu taigi en: ’Yu musu dede, fu di yu taki lei na ini a nen fu Yehovah.’ Dan en p’pa nanga m’ma di meki en musu dyuku en kiri, fu di a taki profeititori.
4 Na a ten dati ala den profeiti o syen te den e taki profeititori fu den fisyun di den kisi. Den no o weri profeitikrosi* moro fu kori sma.
5 Ibriwan fu den o taki: ’Mi a no wan profeiti. Mi na wan man di e wroko gron, bika wan sma bai mi leki srafu di mi ben yongu.’
6 Efu wan sma aksi den: ’San na den soro di yu abi na mindri yu skowru?’* Dan den o piki: ’Mi kisi den soro disi na ini na oso fu den mati fu mi.’”*
7 „Opo fet’owru èn go feti nanga mi skapuman.Go feti nanga a man di de mi mati”, na so Yehovah di e tiri den legre taki.
„Naki a skapuman, dan den skapu o panya go na ala sei.Dan mi o opo mi anu teige den sma di no prenspari.”
8 Yehovah taki: „Na ini a heri kondremoro leki afu fu a pipel o dede.Wan tu sma nomo o tan abra na ini a kondre.
9 Mi o meki a pkin grupu disi psa na ini fayaèn mi o meki den kon krin neleki fa sma e krin solfru.Mi o luku den finfini fu krin den neleki gowtu.
Na a grupu disi o kari mi nenèn mi o piki den.
Mi o taki: ’Disi na mi pipel’
èn den o taki: ’Yehovah na wi Gado.’”
