Daanieeli 12:1-13

  • ‘Goofimarchu yannanna’ hakkunni gedensaanni noo yanna (1-13)

    • Mikaeeli kaꞌꞌanno (1)

    • “Wodancha noonsari, gordu xawaabbi gede waraꞌa yite xabbanno” (3)

    • Addu egenno batidhanno (4)

    • Daanieeli qeechasi adhara kaꞌꞌanno (13)

12  “Hatte yannara mannakki* agarannohu jawu roorrichi Mikaeeli* kaꞌꞌanno. Daga xintantuhunni kayisse hatte yanna geeshsha heedhe egentinokkiti shettote yanna dagganno. Hatte yannara mannikki yaano maxaafu giddo borreessaminohu mittu mittunku manchi gatanno. 2  Baattote bushshu giddo goxxe noori giddo batinyu kaꞌanno; mitootu hegere heeshshora, wolootu kayinni mishamatenna hegere shollinyira kaꞌanno. 3  “Qoleno wodancha noonsari, gordu xawaabbi gede waraꞌa yite xabbanno; batinye manna keeraanchimmate widira qoltannorino, beeddahete gede ikkite hegerenni hegere geeshsha xabbanno. 4  “Ati kayinni Daanieeli, goofimarchu yanna geeshsha qaale daheessi; maxaafahono sumuda gani. Batinyu manni maxaafa seekke xiinxallanno;* addu egennono batidhanno.” 5  Hakkiinni ani Daanieeli, wolu lamu hakko uurrite noore laummo; mittu lagaho kawiidi gamira, mittu kayinni lagaho kaꞌiidi gamira uurre no. 6  Hakkiinni mittu, lagu wayra iimaanni nooha shalaalatenni gannoonni uddano uddiꞌrino mancho, “Kuni maalale ikkanno coy woꞌmannohu mageeshshi yanna gedensaanniiti?” yee xaꞌmi. 7  Hakkunni gedensaanni, lagu wayra iimaanni noohu shalaalatenni gannoonni uddano uddiꞌrino manchi dawaro qolanna macciishshummo. Isi qiniitichonna guracho angasi gordu widira qole kayse hegerera heeꞌranno Magani suꞌminni xaare, togo yii: “Sasu dirinna daratu* gedensaanniiti. Qullaawu manni wolqa buko buluulo ikkite kaꞌanni heedheennanni, kuni baalunku coy gumulamanno.” 8  Anino macciishshummo; kayinni coy dileellinoe; hakko daafira, “Mootichaꞌya, tenne coyibba gumulo maati?” yee xaꞌmummo. 9  Isino togo yiie: “Daanieeli, haꞌri; korkaatuno goofimarchu yanna dagga geeshsha, kuni qaali dahaawinohanna sumuda gannoonniha ikkanno. 10  Batinyu manni insaneeto keereensanno, xalashshanno hattono filamanno. Bushuullu kayinni bunshe assitanno; bushuullu giddo mittuno diwodanchanno; wodancha noonsari kayinni wodanchitanno. 11  “Barru barrunku shiqqanno kakkalo gattunna bao abbannohu battete coy dargaho uurri yannanni kayse 1,290 barra ikkanno. 12  “Qoleno 1,335 barri goofa geeshsha cince* agadhanno manchi hagiirraamoho! 13  “Ati kayinni jeefote geeshsha haꞌri. Fooliishshiꞌratto; diru goofimarchira kayinni qeechakki adhattora* kaꞌꞌatto.”

Lekkaalliidi Qaagiishshuwa

^ Noo gedeenni tirriro, “mannikkita labballi ooso.”
^ “Maganu Gedeehu Ay No?” yitanno tiro afiꞌrino.
^ Noo gedeenni tirriro, “dargunni darga saꞌꞌanno.”
^ Woy “mitto diro, lame dironna diru boco.”
^ Woy “quqquxame.”
^ Woy “uynoonnihe darga.”

Tenne borrota koppete qoosso