KʼUTUNEM 17
¿Jas ubʼanik ri Jesús?
Are chiʼ kqetaʼmaj chrij ronojel ri xubʼan ri Jesús cho ri uwach Ulew, kqetaʼmaj ri jeʼlalaj taq ubʼantajik che kojuqebʼsaj rukʼ ri areʼ y rukʼ ri uTat, Jehová. ¿Jas riʼ ri utzalaj taq ubʼantajik? ¿Y jas kqabʼano rech kqesaj uwach ri Jesús?
1. ¿Jas kjunamataj wi ri Jesús rukʼ ri uTat?
Ri Jesús kʼi junabʼ kʼolinaq chikaj y rilom ronojel ri ubʼanom ri uTat, y kʼi retaʼmam chrij. Rumal laʼ junam ri kichomanik, ri kkinaʼo y junam ri kkibʼano (chasikʼij Juan 5:19). Ri Jesús qas resam uwach ri uTat rumal laʼ xubʼij: «Jachin rilom nuwach in rilom uwach ri tataxel» (Juan 14:9). We at kawetaʼmaj más uwach ri Jesús, xuqujeʼ tajin kawetaʼmaj más riʼ chrij ri Jehová. Jun kʼutbʼal, ri toqʼobʼisal wachaj che xukʼut ri Jesús chke ri winaq, kukʼut ri kunaʼ ri Jehová chawe.
2. ¿Jas xubʼan ri Jesús che ukʼutik che kuloqʼoqʼej ri uTat?
Ri Jesús xubʼij: «Rech kketaʼmaj ri winaq aj uwach Ulew che ri in kinloqʼoqʼej ri tataxel, jachaʼ kʼu ri taqanik che xuya ri tataxel chwe jeriʼ kinbʼano» (Juan 14:31). Are chiʼ xkʼojiʼ cho ri uwach Ulew, ri Jesús xukʼut ri loqʼoqʼebʼal che kunaʼ che ri uTat are chiʼ xunimaj paneʼ xuriq kʼax. Xuqujeʼ, ri Jesús utz xunaʼo chiʼ xtzijon kukʼ ri winaq chrij ri uTat y xeʼutoʼo rech keʼux rachiʼl ri Dios (Juan 14:23).
3. ¿Jas ubʼanom ri Jesús che ukʼutik che keʼuloqʼoqʼej ri winaq?
Ri Biblia kubʼij che ri Jesús kunaʼ «nimalaj loqʼoqʼebʼal chke ri winaq» (Proverbios 8:31, TNM). Xukʼut wajun loqʼoqʼebʼal riʼ are chiʼ xeʼutoʼ ri winaq y xreyej taj che ktoj ukʼaxel che. Xubʼan ta ri milagros rech kukʼutu che kʼo uchuqʼabʼ, xaneʼ xubʼano rumal che kel ukʼuʼx chke ri winaq (Marcos 1:40-42). Are jun utzalaj achi y nim xeril konojel ri winaq. Ri utzij xuya kubʼsal kʼuʼx y jun eyebʼal chke konojel ri winaq che xetatabʼenik y che kʼo jun utz kanimaʼ. Xuqujeʼ rumal ri uloqʼoqʼebʼal xuya ri ukʼaslemal che kitoʼik ri winaq. Are kʼu más keʼuloqʼoqʼej ri kenimanik (chasikʼij Juan 15:13, 14).
CHANIMARISAJ RI AWETAʼMANIK
Chqetaʼmaj más ri ubʼantajik ri Jesús y jas kqabʼan che resaxik uwach ri uloqʼoqʼebʼal y che ksipanik.
4. Ri Jesús kuloqʼoqʼej ri uTat
Ri Jesús xukʼut chqawach ri kqabʼan che ukʼutik ri qaloqʼoqʼebʼal che ri Dios. Chisikʼij Lucas 6:12 xuqujeʼ Juan 15:10 y 17:26. Are chiʼ isikʼim chi ri textos pa kijujunal, chixtzijon chrij wariʼ:
-
¿Jas kqabʼan che ukʼutik loqʼoqʼebʼal che ri Jehová junam rukʼ ri xubʼan ri Jesús?
Ri Jesús xukʼutu che kuloqʼoqʼej ri uTat che kʼo pa ri kaj y amaqʼel xubʼan uchʼawem che.
5. Ri Jesús kel ukʼuʼx chke ri kʼo kajwataj chke
Ri Jesús are más xchoman chrij ri kajwataj chke ri winaq chuwach ri kajwataj che ri areʼ. Paneʼ kosinaq, xukoj ri utiempo y ri uchuqʼabʼ che kitoʼik. Chisikʼij Marcos 6:30-44 y chixtzijon chrij wariʼ:
-
Junam rukʼ ri xqasikʼij, ¿jas xubʼan ri Jesús che ukʼutik che kel ukʼuʼx chke ri winaq? (Chiwilaʼ ri versículos 31, 34, 41 y 42).
-
¿Jasche xeʼutoʼ ri Jesús ri winaq? (Chiwilaʼ ri versículo 34).
-
¿Jas kawetaʼmaj chrij ri Jehová rukʼ ri ubʼantajik ri Jesús?
-
¿Jas kqabʼan che ukʼutik che kel qakʼuʼx chke ri nikʼaj chik?
6. Ri Jesús ksipanik
Ri Jesús xsipanik paneʼ kʼo ta kʼi jastaq re, y kraj che je kqabʼano. Chisikʼij Hechos 20:35 y chixtzijon chrij wariʼ:
-
Junam rukʼ ri xubʼij ri Jesús, ¿jas ri kuya kikotemal chqe?
Chiwilaʼ ri VIDEO y chixtzijon chrij wariʼ:
-
¿Jas kojkunik kqayaʼo paneʼ kʼo ta kʼi jastaq qe?
¿La awetaʼm?
Ri Biblia kukʼutu che rajawaxik kqabʼan qachʼawem che ri Jehová pa ubʼiʼ ri Jesús (chisikʼij Juan 16:23, 24). Je wariʼ kqakʼutu che kqamaltyoxij ronojel ri ubʼanom ri Jesús rech kojkunik kojux rachiʼl ri Jehová.
RI KKICHOMAJ JUJUN WINAQ: «Ri Dios kel ta ukʼuʼx chke ri winaq are chiʼ kkiriq kʼax».
-
Rumal che ri Jesús junam ri ubʼantajik rukʼ ri uTat, ¿jas kubʼan che ukʼutik che Jehová kel ukʼuʼx chqe?
RI XQETAʼMAJ
Ri Jesús kuloqʼoqʼej ri Jehová y keʼuloqʼoqʼej ri winaq. Rumal che ri Jesús kjunamataj rukʼ ri uTat, are chiʼ más kqetaʼmaj uwach, más kqetaʼmaj uwach Jehová.
¿La knaʼtaj chawe?
-
Junam rukʼ ri xukʼut ri Jesús, ¿jas kqabʼan che ukʼutik che kqaloqʼoqʼej ri Jehová?
-
Junam rukʼ ri xukʼut ri Jesús, ¿jas kqabʼan che ukʼutik che keqaloqʼoqʼej ri winaq?
-
¿Jas más utz kawil che ri ubʼantajik ri Jesús?
CHAWILAʼ CHI NIKʼAJ
Chawilaʼ chi jujun ubʼantajik ri Jesús che kojkunik kqesaj uwach.
«Chqesaj uwach ri Jesús» (Jesús: el camino, la verdad y la vida, página 317)
Chawilaʼ jasche nim ubʼanik kqabʼan qachʼawem pa ubʼiʼ ri Jesús.
«¿Jasche kqabʼan qachʼawem pa ri ubʼiʼ ri Jesús?» (La Atalaya, 1 re febrero 2008)
¿La kubʼij ri Biblia ri ubʼanik ri ucuerpo ri Jesús?
«¿Jas ubʼanik riʼ ri ucuerpo ri Jesús?» (Kʼutunem re jw.org)
¿Jas kqetaʼmaj chrij ri xubʼan ri Jesús che kilik ri ixoqibʼ?
«Ri Dios nim kril ri ixoq» (La Atalaya, 1 re septiembre 2012)
Wene' xuquje' utz kawilo
PREGUNTAS CHE AMAQʼEL KBʼANIK
¿Jas ubʼanik ri etaʼmanik re ri Biblia che kkiya ri testigos rech Jehová?
Katkunik kakoj apachike Biblia pa ri etaʼmanik che kkiya ri testigos rech Jehová che tojom taj. Y katkunik kabʼij chke konojel ri afamilia y ri e awachiʼl o nikʼaj chik.
