Ri Jehová utz kril ri cholajil (1 Corintios 14:33). Rumal laʼ kraj che ri utinamit kchakun rukʼ cholajil. ¿Jas bʼanom che ri congregación cristiana rech kʼo pa cholajil? ¿Jas rajawaxik kqabʼano rech utz kel ronojel?

1. ¿Jachin kkʼamow ubʼe ri congregación cristiana?

«Ri Cristo are ujolom ri komon kojonelabʼ» (Efesios 5:23). Ri Jesús are kilow ri chak che kbʼan pa ri utinamit ri Jehová pa ronojel ri uwach Ulew. Xuchaʼ ri «jikalaj pataninel, utz uchomanik»: are jun jupuq kʼamal bʼe che kʼo nim retaʼmabʼal che xuqujeʼ kbʼix Jupuq Ajkʼamal bʼe cho ronojel uwach Ulew che (chasikʼij Mateo 24:45-47). Junam rukʼ ri xkibʼan ri apóstoles y ri kʼamal taq bʼe pa Jerusalén re ri nabʼe siglo, ri jikalaj pataninel are kkʼamow ubʼe ri congregación cho ronojel ri uwach Ulew (Hechos 15:2). Are kʼu ri achijabʼ riʼ are ta qas kekʼamow ubʼe ri organización. Kkitzukuj ri utobʼanik ri Jehová y ri uTzij, y kkiya bʼe che ktaqan ri Jesús pa kiwiʼ.

2. ¿Jas chak kkibʼan ri kʼamal taq bʼe?

Ri kʼamal taq bʼe cristianos che kʼo nim ketaʼmabʼal, e ajtijabʼ che kekitoʼ y kkiya kichuqʼabʼ ri e qachalal pa ri congregación. Ri achijabʼ riʼ ketoj taj, ketaqchiʼx ta che ubʼanik ri kichak y kkitzukuj ta chʼakoj xaneʼ kkibʼan rukʼ ronojel kanimaʼ y chuqʼabʼ (1 Pedro 5:1, 2). Ri tobʼanelabʼ (siervos ministeriales) kekitoʼ ri kʼamal taq bʼe, ri e areʼ xuqujeʼ keʼux kʼamal taq bʼe we kkibʼan ri kubʼij ri Biblia.

Ri Jupuq Ajkʼamal bʼe cho ronojel uwach Ulew kekichaʼ jujun taq kʼamal bʼe rech keʼux solinelabʼ re circuito. Ri e qachalal riʼ kekisolij ri congregaciones, kkikʼam kibʼe ri qachalal y kkiya kichuqʼabʼ pa ri kikojonik. Kekichaʼ kʼamal taq bʼe y tobʼanelabʼ che kkibʼan ri kubʼij ri Biblia (1 Timoteo 3:1-10, 12; Tito 1:5-9).

3. ¿Jas chak kkibʼan konojel ri Testigos?

Konojel kkiya uqʼij ri ubʼiʼ ri Jehová are chiʼ kebʼe pa ri riqbʼal ibʼ y kkikoj kichuqʼabʼ che utzijoxik ri utzij ri Dios (chasikʼij Salmo 148:12, 13).

 CHANIMARISAJ RI AWETAʼMANIK

4. Ri Jesús are jun utzalaj kʼamal bʼe

Jesús kuya wajun utzalaj sikʼinik chqe. Chisikʼij Mateo 11:28-30 y chixtzijon chrij wariʼ:

• ¿Jas kubʼan ri Jesús che ukʼamik bʼe? ¿Y jas kraj che kqanaʼ oj?

5. Ri kʼamal taq bʼe kkiya jun utzalaj kʼutbʼal

1. Ri kʼamal taq bʼe kkikowirisaj ri kachilanik rukʼ ri Jehová y kekitoʼ ri kifamilia rech je kkibʼano.

2. Ri kʼamal taq bʼe nim kekil wi konojel ri e kʼo pa ri congregación.

3.   Ri kʼamal taq bʼe amaqʼel kkitzijoj ri utzij ri Dios.

4. Ri kʼamal taq bʼe e ajtijabʼ. Xuqujeʼ ketobʼan che mesonik y nikʼaj chi chak.

6. Chojtobʼan kukʼ ri kʼamal taq bʼe

Ri Biblia kubʼij che rajawaxik kojtobʼan kukʼ ri kʼamal taq bʼe. Chisikʼij Hebreos 13:17 y chixtzijon chrij wariʼ:

• ¿Jasche kubʼij ri Biblia che rajawaxik kojniman chke ri kʼamal taq bʼe? ¿La kachomaj che nim ubʼanik? ¿Jasche?

Chisikʼij Lucas 16:10 y chixtzijon chrij wariʼ:

• ¿Jasche rajawaxik kojtobʼan kukʼ ri kʼamal taq bʼe paneʼ nim ta ubʼanik ri kbʼanik?

 RI XQETAʼMAJ

Jesús are kkʼamow bʼe pa ri congregación cristiana. Ri kʼamal taq bʼe kkinimaj ri utaqanik, y ri oj kojtobʼan kukʼ rumal che kojkichajij y kkiya jun utzalaj kʼutbʼal chqawach.

¿La knaʼtaj chawe?

• ¿Jachin ktaqan pa ri congregación cristiana?

• ¿Jas tobʼanik kkiya ri kʼamal taq bʼe pa ri congregación?

• ¿Jas chak kkibʼan ri upatanelabʼ ri Jehová chkijujunal?