KʼUTUNEM 55
Chayaʼ tobʼanik pa ri acongregación
Cho ronojel ri uwach Ulew, e kʼi winaq che e kʼo pa taq congregaciones kekikot che uqʼijilaxik ri Jehová. Ri cristianos riʼ nim kkil ri tobʼanik y ri taqanik che kyaʼ chke, xuqujeʼ rukʼ kikotemal ketobʼan pa ri congregación. ¿La je kanaʼ at wariʼ pa ri acongregación?
1. ¿Jas kabʼan che ukojik ri atiempo y ri achuqʼabʼ che uyaʼik tobʼanik pa ri congregación?
Qonojel kojkunik kqaya ri qatobʼanik pa ri congregación. Jun kʼutbʼal, ¿la e kʼo qachalal che nim chi kijunabʼ o e yawabʼ pa ri acongregación? ¿La katkunik keʼakʼam bʼi pa ri riqbʼal ibʼ? ¿O la katkunik kabʼan nikʼaj chi jastaq, junam rukʼ uloqʼik ri jastaq ke pa ri kʼaybʼal o kitoʼik che ubʼanik ri chak pa ri kachoch? (Chasikʼij Santiago 1:27). Xuqujeʼ kojkunik kqaya qatobʼanik che ri mesonik pa ri Ja rech Ajawbʼal. Kʼo ta nijun kojutaqchiʼj che ubʼanik wariʼ; kqabʼano rumal che kqaloqʼoqʼej ri Dios y ri e qachalal (Salmo 110:3).
Ri oj testigos rech Jehová xuqujeʼ kojkunik kojtobʼan rukʼ nikʼaj chi jastaq pa ri congregación. Ri qachalal achijabʼ che kkibʼan ri kubʼij ri Biblia kekunik keʼux tobʼanelabʼ y tekʼuriʼ keʼux kʼamal taq bʼe. Y konojel kekunik keʼux precursores rech kkitzijoj ri utzij ri Dios. Xuqujeʼ jujun taq Testigos kekunik ketobʼan che uyakik taq Ja rech Ajawbʼal. Y e nikʼaj chik kebʼe pa jun chi lugar che kajwataj wi tobʼanik.
2. ¿Jas kqabʼan che utoʼik ri congregación rukʼ ri qapwaq o nikʼaj chi jastaq?
Ri Biblia kubʼij: «Cheʼakojoʼ ri aqʼinomal che uyaʼik uqʼij ri Ajawaxel» (Proverbios 3:9). Chqe oj are jun nimalaj eqeleʼn ukojik ri qapwaq y nikʼaj chi jastaq che uyaʼik tobʼanik pa ri congregación y che utzijoxik ri utzij ri Dios cho ronojel ri uwach Ulew (chasikʼij 2 Corintios 9:7). Y rukʼ ri kuchuj che kqayaʼo kojkunik kojtobʼan pa ri labores de socorro. E kʼi e naqʼatal che utasik kan jubʼiqʼ che ri kipwaq rech kkiya che kuchuj (chasikʼij 1 Corintios 16:2). Kojkunik kqaya wariʼ pa taq ri kaxon che kʼo pa taq ri Ja rech Ajawbʼal o kojkunik kqaya pa ri página donate.jw.org. Ri Jehová utz krilo che kqakoj ri jastaq qe che ukʼutik chuwach che kqaloqʼoqʼej.
CHANIMARISAJ RI AWETAʼMANIK
Chqilaʼ jas kqabʼano rech kqaya tobʼanik pa ri congregación.
3. Kojkunik kojtobʼan rukʼ pwaq
Ri Jehová y ri Jesús kekiloqʼoqʼej ri keyaʼn rukʼ kikotemal. Ri Jesús xrilo are chiʼ jun malkaʼn ixoq xuya ronojel ri kʼo rukʼ. Chisikʼij Lucas 21:1-4 y chixtzijon chrij wariʼ:
-
¿La rajawaxik nim pwaq kqayaʼo rech kkikot ri Jehová qukʼ?
-
¿Jas kkinaʼ ri Jehová y Jesús are chiʼ kojsipan rukʼ ronojel qanimaʼ?
Rech kiwetaʼmaj jas kkoj wi ri kuchuj che kiyaʼo, chiwilaʼ ri VIDEO. Tekʼuriʼ chixtzijon chrij wariʼ:
-
¿Jas utzilal kkiriq ri congregaciones re ronojel uwach Ulew rukʼ ri kuchuj che kqayaʼo?
4. Kojkunik kqaya tobʼanik
Ri ojer taq upatanelabʼ ri Jehová xaq xiw ta rukʼ pwaq xetobʼan wi, xaneʼ rukʼ kikotemal xetobʼan che uyakik taq ja ri kyaʼ wi uqʼij ri Dios. Chisikʼij 2 Crónicas 34:9-11 y chixtzijon chrij wariʼ:
-
¿Jas xkibʼan konojel ri israelitas rech xkichajij «ri rachoch ri Jehová»?
Rech kiwetaʼmaj jas kkibʼan ri testigos rech Jehová kimik, chiwilaʼ ri VIDEO. Tekʼuriʼ chixtzijon chrij wariʼ:
-
¿Jasche rajawaxik che kqachʼajchʼobʼej y kqasukʼumaj ri Ja rech Ajawbʼal?
-
¿Jas kabʼan at rech kattobʼanik?
5. Ri qachalal achijabʼ kekunik kkibʼan más chak
Ri Biblia kubʼij chke ri qachalal achijabʼ che kkikoj kichuqʼabʼ rech kkinimarisaj ri kikojonik y je wariʼ kekunik ketobʼan pa ri congregación. Rech kichʼobʼ uwach jun qachalal che xubʼan wariʼ, chiwilaʼ ri VIDEO. Tekʼuriʼ chixtzijon chrij wariʼ:
-
¿Jas xubʼan Ryan rech xnimar ri ukojonik y rech xuya más tobʼanik pa ri congregación?
Ri Biblia kubʼij ri rajawaxik kkibʼan ri qachalal achijabʼ rech kekunik keʼux tobʼanelabʼ y kʼamal taq bʼe. Chisikʼij 1 Timoteo 3:1-13 y chixtzijon chrij wariʼ:
-
¿Jas rajawaxik kkibʼan ri qachalal che kkaj keʼux tobʼanelabʼ y kʼamal taq bʼe?
-
¿Jas rajawaxik kkibʼan ri kifamilias? (Chiwilaʼ ri versículos 4 y 11).
-
We ri qachalal kkikoj kichuqʼabʼ che ubʼanik ri kubʼij ri Biblia, ¿jas utzilal kuriq ri congregación?
RI KKIBʼIJ JUJUN WINAQ: «¿Jawchiʼ kekikʼama wi ri testigos rech Jehová ri pwaq che kkikojo?».
-
¿Jas kabʼij riʼ che?
RI XQETAʼMAJ
Ri Jehová nim kril ri chuqʼabʼ, ri tiempo y ri pwaq che kqakoj che utoʼik ri congregación.
¿La knaʼtaj chawe?
-
¿Jas kqabʼan che uyaʼik ri qatiempo y ri qachuqʼabʼ pa ri congregación?
-
¿Jas kqabʼan che utoʼik ri congregación rukʼ ri qapwaq?
-
¿Jas tobʼanik kawaj at kaya che ri congregación?
CHAWILAʼ CHI NIKʼAJ
Chawetaʼmaj jasche ri Dios kutaʼ ta ri diezmo chke ri upatanelabʼ.
«¿Jas kubʼij ri Biblia chrij ri diezmo?» (Kʼutunem re jw.org)
Ri Biblia kubʼij che ri achijabʼ che kibʼanom chi kiqasanjaʼ yaʼom jujun taq eqeleʼn chke. Are kʼu, ¿jas kbʼanik we jun ixoq rajawaxik kubʼan waʼ taq eqeleʼn riʼ?
Ri taqanik uyaʼom ri Jehová pa ri congregación» (Ri Chajinel, febrero 2021)
Chawilaʼ ri kkibʼan jujun Testigos che kkikoj kichuqʼabʼ rech kekiya ri wuj chke ri qachalal.
Chawilaʼ che ri Testigos junam ta kqabʼan che ukojik ri pwaq rukʼ nikʼaj chi kojonem.
«¿Jawchiʼ kekikʼama wi ri testigos rech Jehová ri pwaq che kkikojo?» (Kʼutunem re jw.org)
Wene' xuquje' utz kawilo
PREGUNTAS CHE AMAQʼEL KBʼANIK
¿Jas ubʼanik ri etaʼmanik re ri Biblia che kkiya ri testigos rech Jehová?
Katkunik kakoj apachike Biblia pa ri etaʼmanik che kkiya ri testigos rech Jehová che tojom taj. Y katkunik kabʼij chke konojel ri afamilia y ri e awachiʼl o nikʼaj chik.
