KʼUTUNEM 11
¿Jas kabʼano rech utz kanaʼ usikʼixik ri Biblia?
¿La kʼo jumul xachomaj ubʼanik jun chak are kʼu xaxiʼj awibʼ rumal che kʼax ubʼanik? Rech xatkun che ubʼanik weneʼ pa taq jubʼiqʼ xabʼano. Kjunamataj wariʼ rukʼ ri usikʼixik ri Biblia. Weneʼ kabʼij: «¿Jawchiʼ kinmaj wi?». Pa wajun kʼutunem kqil na jujun pixabʼ che kojutoʼo rech utz kqanaʼ usikʼixik ri Biblia.
1. ¿Jasche rajawaxik kqasikʼij ri Biblia ronojel taq qʼij?
Ri winaq che kusikʼij ronojel taq qʼij ri uTzij ri Dios, o «ri upixabʼ ri Ajawaxel», kuriq kikotemal pa ri ukʼaslemal (chasikʼij Salmo 1:1-3). Rech kabʼan wariʼ chasikʼij jubʼiqʼ ronojel taq qʼij. Are chiʼ más kasikʼij ri Biblia más kawetaʼmaj ri kʼo chupam.
2. ¿Jas kattoʼwik rech más utz kanaʼ usikʼixik ri Biblia?
Rech qas utz kanaʼ usikʼixik ri Biblia rajawaxik katchoman chrij. Xaq xiw ta kasikʼij uwach xaneʼ «[k]achomaj ri kubʼij» (Josué 1:8). Are chiʼ kasikʼij ri Biblia, chatchoman chrij ri preguntas riʼ: «¿Jas kukʼut chnuwach chrij ri Jehová ri versículos riʼ? ¿Jas kinbʼan che ukojik pa ri nukʼaslemal? ¿Jas kinbʼan che ukojik rech kentoʼ nikʼaj chik?».
3. ¿Jas kabʼan che utasik atiempo rech kasikʼij ri Biblia?
¿La kʼax kabʼan che utasik atiempo rech kasikʼij ri Biblia? Oj kʼi je kqakʼulmaj waʼ. Rumal laʼ chakojoʼ achuqʼabʼ rech utz kabʼan che ukojik ri atiempo (Efesios 5:16). Chatasaʼ jubʼiqʼ atiempo ronojel taq qʼij rech katkunik kasikʼij uwach ri Biblia. E jujun kkisikʼij aqʼabʼil, nikʼaj chik bʼenaqʼij are chiʼ keʼuxlanik o chaqʼabʼ. ¿Jas hora kawaj at kasikʼij uwach?
CHANIMARISAJ RI AWETAʼMANIK
Chqilaʼ jas kojkunik kqabʼano rech más utz kqanaʼ usikʼixik ri Biblia. Waral kqariq jujun taq tobʼanik che kojutoʼo rech kʼo kqetaʼmaj pa wajun etaʼmanik re ri Biblia riʼ.
Are chiʼ más kqatij jun rikil más utz kqanaʼo; are chiʼ más kqasikʼij uwach ri Biblia más utz kqilo.
4. Chamajij usikʼixik ri Biblia
Qastzij che kajwataj chuqʼabʼ che usikʼixik ri Biblia. Kjunamataj rukʼ utijik jun rikil che weneʼ nabʼe kanoq utz ta kqanaʼo are kʼu chiʼ amaqʼel kqatijo nojimal kkʼaman chqe. Je kqabʼan rukʼ ri Biblia, nojimal utz kqanaʼ usikʼixik. Chisikʼij 1 Pedro 2:2 y chixtzijon chrij wariʼ:
-
¿Jas kachomaj, we kasikʼij ri Biblia ronojel taq qʼij la ktobʼan riʼ chawe rech más utz kanaʼ usikʼixik?
Chiwilaʼ ri VIDEO rech kichʼobʼ kiwach jujun alabʼom alitomabʼ che nojimal utz chi kkinaʼ usikʼixik ri Biblia. Tekʼuriʼ chixtzijon chrij wariʼ:
-
Junam rukʼ ri xqil pa ri video, ¿jas jastaq xkiya kan ri alabʼom alitomabʼ rech xekunik xkisikʼij ri Biblia?
-
¿Jas xetoʼwik rech xkiya ta kan ubʼanik?
-
¿Jas xkibʼano rech más utz kkinaʼ usikʼixik ri Biblia?
Tobʼanik rech kamajij usikʼixik:
-
Chatzukuj jun Biblia che qas utz y che kukoj tzij che kʼax ta uchʼobʼik. Chawilaʼ ri Traducción del Nuevo Mundo we kʼo pa ri achʼabʼal.
-
Chamajij usikʼixik ri e bʼantajik che más utz kawilo. Kariq más pixabʼ pa ri tabla «Tobʼanik rech kamajij usikʼixik ri Biblia».
-
Chakojoʼ retal ri kasikʼij uwach. Chakojoʼ ri tabla «Ri nusikʼim chi uwach», che kʼo pa wajun wuj riʼ.
-
Chakojoʼ ri aplicación JW Library®. We kabʼan instalar pa ri ateléfono o pa jun chi dispositivo, katkunik kasikʼij y katatabʼej ri Biblia pa apachike lugar.
-
Chakojoʼ ri apéndices rech ri Traducción del Nuevo Mundo. Chilaʼ kariq mapas, tablas y jun glosario che katutoʼo rech más utz kanaʼ usikʼixik ri Biblia.
5. Amaqʼel chatijoj awibʼ che ri etaʼmanik
Chisikʼij Salmo 119:34 y chixtzijon chrij wariʼ:
-
¿Jasche rajawaxik nabʼe kabʼan achʼawem chiʼ kasikʼij ri Biblia o chiʼ katijoj awibʼ chrij ri etaʼmanik?
¿Jas kabʼano rech qas kachʼobʼ ri kawetaʼmaj? Are chiʼ kanikʼoj uwach ri e kʼutunem che e kʼo pa wajun wuj riʼ, chabʼanaʼ wariʼ:
-
Chasikʼij ronojel ri nabʼe taq párrafos re ri kʼutunem.
-
Chatzukuj ri textos pa ri Biblia, chasikʼij y chajunamaj rukʼ ri tajin kawilo.
-
Chajuchʼuʼ ri e tzij che nim kibʼanik o che kutzalij uwach ri preguntas. Wariʼ katutoʼo rech kachʼobʼ ri kawil rukʼ ri awajtij.
¿La awetaʼm?
Ri oj testigos rech Jehová kqakoj jalajoj Biblias, are kʼu más kqakoj ri Traducción del Nuevo Mundo rumal che más tzʼaqat ri kubʼij y kukoj tzij che kʼax ta uchʼobʼik, y kukoj ri ubʼiʼ ri Dios (chawilaʼ wajun kʼutunem re jw.org: «¿La kʼo jun kiBiblia ri testigos rech Jehová?»).
RI KKICHOMAJ JUJUN WINAQ: «Kinkʼey usikʼixik ri Biblia y kʼo ta nutiempo».
-
¿Jas kachomaj at?
RI XQETAʼMAJ
Rech utz kanaʼo kasikʼij ri Biblia. Chabʼanaʼ jun horario, chataʼ che ri Dios che katutoʼ che uchʼobʼik ri kasikʼij y amaqʼel chatijoj awibʼ che ri etaʼmanik.
¿La knaʼtaj chawe?
-
¿Jas tobʼanik kʼolik rech más utz kabʼan che unikʼoxik ri Biblia?
-
¿Jas hora katkunik kasikʼij y kanikʼoj ri Biblia pa atukelam?
-
¿Jasche sibʼalaj utz katijoj awibʼ che ri etaʼmanik rech ri Biblia?
CHAWILAʼ CHI NIKʼAJ
Chawilaʼ jujun taq tobʼanik rech más utz kabʼan che usikʼixik ri Biblia.
Chawilaʼ oxibʼ tobʼanik che katkunik kabʼano chiʼ kasikʼij ri Biblia.
¿Jas kabʼano rech utz kanaʼ usikʼixik ri Biblia?
Chawilaʼ ri kibʼanom jujun winaq che ojer chik kimajim usikʼixik ri Biblia.
¿Jas kabʼano rech utz kabʼan che unikʼoxik ri Biblia? (2:06)
Wene' xuquje' utz kawilo
PREGUNTAS CHE AMAQʼEL KBʼANIK
¿Jas ubʼanik ri etaʼmanik re ri Biblia che kkiya ri testigos rech Jehová?
Katkunik kakoj apachike Biblia pa ri etaʼmanik che kkiya ri testigos rech Jehová che tojom taj. Y katkunik kabʼij chke konojel ri afamilia y ri e awachiʼl o nikʼaj chik.
