¿La kʼo jun awachiʼl o afamiliar kaminaq? Pa taq ri qʼij riʼ che xatbʼisonik weneʼ xachomaj: «¿La kʼo kkʼasiʼ kan chqe chiʼ kojkamik? ¿La kinwil chi na kiwach ri nufamiliares o ri wachiʼl?». Pa wajun kʼutunem riʼ y pa ri jun chik kqil na ri respuestas che kuya ri Biblia.

1. ¿La kʼo kkʼasiʼ kan chqe chiʼ kojkamik?

Ri Jesús xujunamaj ri kamikal rukʼ ri waram. ¿Jas kjunamataj wi ri kamikal rukʼ ri waram? Are chiʼ jun winaq sibʼalaj warinaq kuta ta riʼ ri kkʼulmataj chunaqaj. Are chiʼ kkam jun winaq, kunaʼ ta chi nijun kʼax. Ri Biblia kubʼij che «ri kaminaqibʼ mawi kʼo ketaʼm» (chasikʼij Eclesiastés 9:5).

2. ¿Jas kojutoʼ wi ri kubʼij ri Biblia chrij ri kamikal?

Kʼi winaq kkixeʼj kibʼ chuwach ri kamikal y chke ri kaminaqibʼ. We je tajin kakʼulmaj, ri kubʼij ri Biblia chrij ri kamikal kuya kubʼsal akʼuʼx. Ri Jesús xubʼij: «Ri qastzij kixutzoqopij na» (Juan 8:32). Ri kkikʼut ri e kojonem are che kʼo kkʼasiʼ kan chqe chiʼ kojkamik, are kʼu ri Biblia kubʼij ta wariʼ. Xaneʼ kukʼutu che kʼo ta nijun kuriq kʼax are chiʼ kkamik. Rumal che ri kaminaqibʼ kʼo ta ketaʼmabʼal, kekun taj kkibʼan kʼax chqe. Rumal laʼ rajawaxik taj kqabʼan qachʼawem pa kiwiʼ ni kqaya kiqʼij.

E jujun winaq kkibʼij che kekunik kechʼaw kukʼ ri kaminaqibʼ, are kʼu qastzij ta ri kkibʼij. Junam rukʼ ri xqil pa ri Biblia, ri kaminaqibʼ «kʼo ta ketaʼm». Ri winaq che kkibʼij che kekunik kechʼaw kukʼ ri kaminaqibʼ, ketaʼm taj che kukʼ ri demonios tajin kechʼaw wi che kkijaluj kibʼ che e areʼ ri kaminaqibʼ. Retaʼmaxik ri qas kukʼut ri Biblia chkij ri kaminaqibʼ kojuchajij chkiwach ri demonios. Jehová kubʼij chqe che kojchʼaw ta kukʼ ri kaminaqibʼ, rumal che retaʼm che xa tajin kojqebʼ kukʼ ri demonios (chasikʼij Deuteronomio 18:10-12).

3. Ri qas kkʼulmatajik are chiʼ kojkamik

Pa ronojel ri uwach Ulew kʼo jalajoj kojonik chrij ri kqakʼulmaj chiʼ kojkamik. Are kʼu, jujun chke qastzij taj.

• Pa ri lugar che katel wi at, ¿jas kkibʼij ri winaq che kkiriq na ri kaminaqibʼ?

4. Retaʼmaxik ri qastzij chrij ri kamikal kojutoʼo

Are chiʼ kqetaʼmaj ri qastzij chrij ri kamikal, kqaxeʼj ta chi qibʼ chkiwach ri kaminaqibʼ. Chisikʼij Eclesiastés 9:10 y chixtzijon chrij wariʼ:

• ¿La kkibʼan kʼax ri kaminaqibʼ chqe?

Ri qastzij che kqetaʼmaj pa ri Biblia kojutoʼo rech kqaya ta kiqʼij ri kaminaqibʼ. Chisikʼij Levítico 20:6 y Apocalipsis 4:11, y chixtzijon chrij wariʼ:

• ¿Jas kunaʼ riʼ ri Jehová are chiʼ jun winaq kuya kiqʼij y kutzukuj ri kitobʼanik ri kaminaqibʼ?

5. Ri qastzij chkij ri kaminaqibʼ kukubʼsaj qakʼuʼx

E kʼi kbʼix chke, che chiʼ kekamik, kkiriq na kʼax rumal ri itzel taq jastaq che xkibʼano. Are kʼu kukubʼsaj qakʼuʼx retaʼmaxik che kʼo ta jun kuriq kʼax are chiʼ kkamik, y kʼo ta kʼax kkiriq ri kkibʼan itzelal. Chisikʼij Romanos 6:7 y chixtzijon chrij wariʼ:

• Junam rukʼ ri kubʼij ri Biblia, ri kamikal kusach uwach ri qamak. Rumal laʼ, ¿la qastzij che ri kaminaqibʼ tajin kkiriq kʼax rumal ri itzelal che xkibʼan nabʼe kanoq?

Are chiʼ más kqetaʼmaj uwach ri Jehová, kqetaʼmaj riʼ che ri areʼ kubʼan ta kʼax chke ri kaminaqibʼ. Chisikʼij Deuteronomio 32:4 y 1 Juan 4:8, y chixtzijon chrij wariʼ:

• Junam rukʼ ri xqil pa ri versículos riʼ, ¿la kuya bʼe ri Dios che kbʼan kʼax chke ri kaminaqibʼ?

• ¿La kukubʼsaj qakʼuʼx ri kubʼij ri Biblia chrij ri kamikal? ¿Jasche?

 RI XQETAʼMAJ

Are chiʼ kkam jun winaq, chilaʼ kkʼis wi ri ukʼaslemal. Ri kaminaqibʼ kkiriq ta kʼax y kkibʼan ta kʼax che jun chi winaq.

¿La knaʼtaj chawe?

• ¿La kʼo kkʼasiʼ kan chqe chiʼ kojkamik?

• ¿Jasche kojutoʼ ri kubʼij ri Biblia chrij ri kamikal?

• ¿Jasche kukubʼsaj qakʼuʼx retaʼmaxik ri qastzij chrij ri kamikal?