KʼUTUNEM 19
¿La e qastzij cristianos ri testigos rech Jehová?
Ri oj testigos rech Jehová kqakojo che oj qastzij cristianos. ¿Jasche? Chqilaʼ jawchiʼ kqesaj wi ri kqakʼutu y ri bʼiʼaj che kbʼix chqe, y chqilaʼ ri loqʼoqʼebʼal che kʼo chqaxoʼl.
1. ¿Jawchiʼ kkesaj wi ri testigos rech Jehová ri kkikʼutu?
Ri Jesús xubʼij che ri Dios: «Ri tzij la are ri qastzij» (Juan 17:17). Ri oj testigos rech Jehová kqabʼan qe junam rukʼ ri Jesús: ri kqakʼutu amaqʼel pa ri Biblia kqesaj wi. Chqilaʼ ri xkibʼan ri testigos rech Jehová che umajixik ri kichak. Pa ri junabʼ 1870, jun jupuq estudiantes rech ri Biblia xkimajij unikʼoxik ri qas kukʼut ri uTzij ri Dios. Pa ri Biblia xkesaj wi ri xkikʼutu, paneʼ are ta ri kkikʼut ri Iglesias. Tekʼuriʼ xkimaj utzijoxik chke nikʼaj chi winaq ri xkiriq pa ri Biblia. a
2. ¿Jasche kbʼix testigos rech Jehová chqe?
Ri Jehová kubʼij testigos chke ri winaq che kkiqʼalajisaj ri qastzij chrij ri areʼ (Hebreos 11:4–12:1). Jun kʼutbʼal, ojer kanoq, ri Dios xubʼij che ri utinamit: «Ix ri ix qʼalajisanelabʼ chwij» (chasikʼij Isaías 43:10). Y ri Jesús kbʼix «ri jikalaj qʼalajisanel» che (Apocalipsis 1:5). Rumal laʼ pa ri junabʼ 1931 xqachaʼ ri bʼiʼaj testigos rech Jehová. Sibʼalaj kojkikot rukʼ wajun bʼiʼaj riʼ.
3. ¿Jas kkibʼan ri testigos rech Jehová che resaxik uwach ri uloqʼoqʼenik ri Jesús?
Jesús sibʼalaj xeʼuloqʼoqʼej ri utijoxelabʼ che xeril junam rukʼ ri ufamilia (chasikʼij Marcos 3:35). Ri oj testigos rech Jehová xuqujeʼ kqaloqʼoqʼej qibʼ, oj jun familia che oj kʼo cho ronojel ri uwach Ulew. Rumal laʼ kqabʼij «qachalal» chke nikʼaj chik (Filemón 1, 2). Xuqujeʼ, kqanimaj wajun taqanik: «Cheʼiloqʼoqʼej ri qachalal» (1 Pedro 2:17). Ri oj testigos rech Jehová jalajoj kqabʼan che ukʼutik wajun loqʼoqʼenik riʼ; jun chke are che keqatoʼ ri qachalal cho ronojel ri uwach Ulew are chiʼ kkiriq jun kʼax.
CHANIMARISAJ RI AWETAʼMANIK
Chqetaʼmaj más kiwach ri testigos rech Jehová y chqilaʼ jasche kqabʼij che oj qastzij cristianos.
Ri qastzij cristianos pa ri Biblia kkesaj wi ri kkikʼutu y kkitzijoj chke nikʼaj chik.
4. Pa ri Biblia kqesaj wi ri kqakʼutu
Jehová xubʼij kanoq che más kchʼobʼotaj na ri qastzij che kʼo pa ri Biblia. Chisikʼij Daniel 12:4 y chixtzijon chrij wariʼ:
-
¿Jas riʼ ri kkiriq na ri upatanelabʼ ri Dios are chiʼ kkinikʼoj ri Biblia?
Chqilaʼ ri xkibʼan che unikʼoxik ri uTzij ri Dios jun jupuq estudiantes rech ri Biblia, che chkixoʼl kʼo ri Charles Russell. Chiwilaʼ ri VIDEO y chixtzijon chrij wariʼ:
-
Junam rukʼ ri xqil pa ri video, ¿jas xkibʼan Charles Russell y ri nikʼaj chi estudiantes rech ri Biblia che unikʼoxik ri Biblia?
¿La awetaʼm?
Jujun taq mul qakʼexom ri qetaʼmam. ¿Jasche? Rumal che ri Dios nojimal chi nojimal tajin kuqʼalajisaj chqawach. Junam rukʼ are chiʼ ksaqarik che nojimal chi nojimal kqil ri paisaje (chisikʼij Proverbios 4:18). Paneʼ ri Biblia kkʼextaj taj, are kʼu chiʼ más kqetaʼmaj ri kʼo chupam kqakʼex jujun taq jastaq che kojkojon chrij nabʼe kanoq.
5. Nim kqil wi ri qabʼiʼ
¿Jasche are xqachaʼ ri bʼiʼaj testigos rech Jehová? Chiwilaʼ ri VIDEO y chixtzijon chrij wariʼ:
-
¿Jasche sibʼalaj utz ri bʼiʼaj testigos rech Jehová?
¿Jasche ri Jehová e uchaʼom winaq rech keʼux utestigos? Rumal che kʼi molom taq tzij kbʼix chrij, ri winaq riʼ kkiqʼalajisaj ri qastzij chrij ri Jehová Dios. Chqilaʼ jujun chke ri molom taq tzij.
Jujun taq kojonem kkikʼutu che rajawaxik kekoj tyox rech kqʼijilax ri Dios. ¿La qastzij wariʼ? Chisikʼij Levítico 26:1 y chixtzijon chrij wariʼ:
-
Junam rukʼ ri kubʼij ri versículo, ¿jas kuchomaj ri Dios chkij ri tyox?
Jujun taq kʼamal bʼe re ri kojonem kkibʼij che ri Jesús are Dios. ¿La qastzij wariʼ? Chisikʼij Juan 20:17 y chixtzijon chrij wariʼ:
-
Junam rukʼ ri kubʼij ri versículo, ¿la xa junam ri Dios rukʼ ri Jesús?
-
¿Jas kachomaj at chrij che ri Jehová xeʼukoj utestigos rech kkiqʼalajisaj ri qastzij chrij ri areʼ y ri uKʼojol?
6. Kqaloqʼoqʼej qibʼ
Ri Biblia keʼujunamaj ri cristianos rukʼ ri upartes rech ri ucuerpo jun winaq. Chisikʼij 1 Corintios 12:25, 26 y chixtzijon chrij wariʼ:
-
¿Jas rajawaxik kkibʼan ri qastzij cristianos are chiʼ ri nikʼaj chik kkiriq kʼax?
-
¿Jas kibʼanom ri testigos rech Jehová che ukʼutik loqʼoqʼenik?
Are chiʼ ri testigos rech Jehová kkiriq kʼax, ri kachalal cho ronojel ri uwach Ulew aninaq kekitoʼo. Rech kiwil jun kʼutbʼal, chiwilaʼ ri VIDEO. Tekʼuriʼ chixtzijon chrij wariʼ:
-
¿Jas kachomaj, la are jun kʼutbʼal rech loqʼoqʼenik ri tobʼanik kkiya ri labores de socorro kech ri testigos rech Jehová? ¿Jasche?
Ri qastzij cristianos kkikʼut loqʼoqʼenik chke ri kʼo kajwataj chke.
RI KKICHOMAJ JUJUN WINAQ: «Ri testigos rech Jehová are jun kʼakʼ kojonem».
-
¿Jampaʼ xumajij ubʼixik ri Jehová «testigos» chke ri winaq che keqʼijilan che?
RI XQETAʼMAJ
Ri testigos rech Jehová e are ri qastzij cristianos. Oj kʼo pa jun familia cho ronojel ri uwach Ulew che kqaya qʼijilanik che ri Dios, pa ri Biblia kqesaj wi ri kqakʼutu y kqaya ubʼixik ri qastzij chrij ri Jehová.
¿La knaʼtaj chawe?
-
¿Jasche xqachaʼ ri bʼiʼaj testigos rech Jehová?
-
¿Jas kqabʼan che ukʼutik loqʼoqʼenik chbʼil taq qibʼ?
-
¿La kakoj at che ri testigos rech Jehová are ri qastzij cristianos?
CHAWILAʼ CHI NIKʼAJ
Chawetaʼmaj más chqij.
Los testigos de Jehová: una historia de fe viva. Parte 1: Salen de la oscuridad 1:00:53
Chawilaʼ ri molom taq tzij che kkikʼut ri winaq y che ri testigos rech Jehová xkiqʼalajisaj.
Chariqaʼ ri urespuestas ri apreguntas che kabʼan chkij ri testigos rech Jehová.
«Preguntas che amaqʼel kbʼan chkij ri testigos rech Jehová» (Sección re jw.org)
Ri itzelal che kunaʼ chke nikʼaj chik xubʼano che Stephen xubʼan itzel taq jastaq. Chawetaʼmaj ri xril chke ri testigos rech Jehová rech xukʼex ri ukʼaslemal.
«Kinkun taj kinkʼex ri nukʼaslemal» (La Atalaya, 1 re julio 2015)
a Ri Chajinel (La Atalaya), are ri wuj che amaqʼel kqakojo, xmajix lo resaxik pa ri junabʼ 1879.
Wene' xuquje' utz kawilo
PREGUNTAS CHE AMAQʼEL KBʼANIK
¿Jas ubʼanik ri etaʼmanik re ri Biblia che kkiya ri testigos rech Jehová?
Katkunik kakoj apachike Biblia pa ri etaʼmanik che kkiya ri testigos rech Jehová che tojom taj. Y katkunik kabʼij chke konojel ri afamilia y ri e awachiʼl o nikʼaj chik.
