KʼUTUNEM 25
¿Jasche xuya qakʼaslemal ri Dios?
Ri Biblia kubʼij che ri winaq «man naj ta kkʼasiʼk e nojinaq kʼu che chʼujirisabʼal» (Job 14:1). ¿La are waʼ ri kʼaslemal che kraj ri Dios chqe? Y, we man are, ¿jas kʼu riʼ ri kʼaslemal che kraj chqe? ¿La qas kqariq na? Chawilaʼ ri respuesta che kuya ri Biblia.
1. ¿Jas ubʼanik ri kʼaslemal che kraj ri Dios chqe?
Ri Jehová are kraj ri utzil chqe. Are chiʼ xeʼubʼan ri nabʼe taq winaq, Adán y Eva, xeʼuya pa jun kotzʼiʼjalaj ulew ubʼiʼ Edén. Y ri Dios «xeʼutewchij [y xubʼij chke]: ‹Chekʼol kʼi iwalkʼwal; chinojisaj ri uwach ulew, chixtaqan puwiʼ›» (Génesis 1:28). Ri Jehová xraj che kekʼojiʼ kalkʼwal y kkibʼan kotzʼiʼj che ronojel ri uwach Ulew xuqujeʼ kekichajij ri awaj. Ri xraj are che ri winaq keyawaj taj y che kekam taj.
Paneʼ je ta xelik, a ri Dios ukʼexom ta ri uchomanik (Isaías 46:10, 11). Kraj che ri winaq che kenimanik kkiriq jun utzalaj kʼaslemal y che kekam taj (chasikʼij Apocalipsis 21:3, 4).
2. ¿Jas kojkunik kqabʼano rech kojkikot pa ri qakʼaslemal kimik?
Xojbʼanik rech kqachʼobʼo chi kajwataj ri Dios chqe, kraj kubʼij che kqetaʼmaj uwach y kqaqʼijilaj (chasikʼij Mateo 5:3-6). Ri Dios kraj che kqaloqʼoqʼej, kqataqej «[r]onojel ri e ubʼe», kqaqʼijilaj y kqapatanij rukʼ ronojel qanimaʼ (Deuteronomio 10:12; Salmo 25:14). We kqabʼan wariʼ, kojkunik kqariq kikotemal paneʼ kqariq kʼax. Uqʼijilaxik ri Jehová kubʼano che kʼo upatan ri qakʼaslemal.
CHANIMARISAJ RI AWETAʼMANIK
Chqilaʼ ri loqʼoqʼebʼal che xukʼut ri Jehová are chiʼ xubʼan ri uwach Ulew y ri kubʼij ri uTzij chrij ri rumal che xyaʼ qakʼaslemal.
3. Ri Jehová kraj che kqariq jun jeʼlalaj qakʼaslemal
Chiwilaʼ ri VIDEO y chixtzijon chrij wariʼ:
-
¿Jasche xubʼan ri Dios ri jeʼlalaj uwach Ulew?
Chisikʼij Eclesiastés 3:11 y chixtzijon chrij wariʼ:
-
¿Jas kukʼut wariʼ chqawach chrij ri Jehová?
4. Ri Jehová ukʼexom ta ri uchomanik
Chisikʼij Salmo 37:11, 29 e Isaías 55:11, y chixtzijon chrij wariʼ:
-
¿Jasche qetaʼm che ri kraj ri Jehová chqe kʼextajinaq taj?
Jun ja che uriqom kʼax kbʼan usukʼumaxik. Junam rukʼ ri uwach Ulew: ri winaq kibʼanom kʼax che, are kʼu ri Dios kusukʼumaj na y kuya chke ri winaq che keloqʼoqʼen che.
5. Uyaʼik uqʼij ri Jehová kubʼano che kʼo upatan ri qakʼaslemal
Retaʼmaxik jasche yaʼom qakʼaslemal kuya kikotemal chqe. Chiwilaʼ ri VIDEO y chixtzijon chrij wariʼ:
-
¿Jas xuriq Terumi are chiʼ xretaʼmaj jasche xyaʼ qakʼaslemal?
Chisikʼij Eclesiastés 12:13 y chixtzijon chrij wariʼ:
-
Jehová uyaʼom kʼi taq jastaq chqe, ¿jas kqabʼan che ukʼutik maltyoxinik che?
RI KKIBʼIJ JUJUN WINAQ: «¿Jasche oj kʼo waral? ¿Jasche yaʼom qakʼaslemal?».
-
¿Jas kabʼij riʼ che?
RI XQETAʼMAJ
Jehová kraj che kojyawaj taj y kqariq jun utzalaj kʼaslemal che kʼo ta ukʼisik cho ri uwach Ulew. Xuqujeʼ kimik, kqariq nim kikotemal are chiʼ kqaya uqʼij ri Jehová rukʼ ronojel qanimaʼ.
¿La knaʼtaj chawe?
-
Are chiʼ Jehová xeʼubʼan ri Adán y Eva, ¿jas xraj che kkiriqo?
-
¿Jasche qetaʼm che ri Dios ukʼexom ta ri uchomanik chke ri winaq?
-
¿Jas kattowik rech kariq jun utzalaj kʼaslemal?
CHAWILAʼ CHI NIKʼAJ
Chawilaʼ jasche kqakojo che ri kotzʼiʼjalaj Edén qastzij xkʼojiʼk.
«¿La qas xkʼojiʼ riʼ ri kotzʼiʼjalaj Edén?» (La Atalaya, 1 re enero 2011)
Chawilaʼ jasche kqakojo che ri uwach Ulew ksach ta uwach.
Chawilaʼ ri kubʼij ri Biblia chrij ri rumal che xyaʼ qakʼaslemal.
Chawilaʼ ri xuriq jun achi che kʼo ronojel rukʼ, are kʼu xunaʼo che kʼo na kajwataj che.
a Pa ri jun chi kʼutunem kqetaʼmaj na jasche xkʼulmataj wariʼ.
Wene' xuquje' utz kawilo
PREGUNTAS CHE AMAQʼEL KBʼANIK
¿Jas ubʼanik ri etaʼmanik re ri Biblia che kkiya ri testigos rech Jehová?
Katkunik kakoj apachike Biblia pa ri etaʼmanik che kkiya ri testigos rech Jehová che tojom taj. Y katkunik kabʼij chke konojel ri afamilia y ri e awachiʼl o nikʼaj chik.
