Pa wajun etaʼmanik riʼ rech ri Biblia, awetaʼmam chi kʼi taq jastaq chrij ri Jehová. Rumal laʼ xnimar ri aloqʼoqʼebʼal che, che xubʼano che weneʼ xajach ri akʼaslemal che y xabʼan aqasanjaʼ. Y, we majaʼ kabʼano, weneʼ tajin katchoman chrij wariʼ. Are chiʼ abʼanom chi aqasanjaʼ kaya ta kan unimarisaxik ri akojonik. Xuqujeʼ katkunik kanimarisaj más ri awachilanik rukʼ ri Jehová. Chqilampeʼ jas kabʼan che ubʼanik wariʼ.

1. ¿Jasche kqaya ta kan unimarisaxik ri qachilanik rukʼ ri Jehová?

Rajawaxik kqakoj ronojel qachuqʼabʼ rech kqaya ta kan unimarisaxik ri qachilanik rukʼ ri Jehová. ¿Jasche? Rech «[k]qatas [ta] qibʼ chrij» ri Jehová y kojnajir ta che (Hebreos 2:1). ¿Jas kojtowik rech kqaya ta kan upatanexik ri Jehová? Kqaya ta kan utzijoxik ri utzij y kqabʼan kʼi taq jastaq rech kqaya uqʼij (chasikʼij Filipenses 3:16). ¡Upatanexik ri Jehová are ri más utz che kqabʼan pa ri qakʼaslemal! (Salmo 84:10).

2. ¿Jas rajawaxik kqaya ta kan ubʼanik?

Paneʼ ri etaʼmanik rech ri Biblia ya kkʼisik, are kʼu katkunik kabʼan na kʼi jastaq pa ri akojonik. Ri Biblia kubʼij che qonojel ri oj cristianos rajawaxik kkʼojiʼ jun «kʼakʼ [qa]kʼaslemal» o kqakʼex ri qabʼantajik (Efesios 4:23, 24). We kaya ta kan unikʼoxik ri Biblia y amaqʼel katbʼe pa ri e riqbʼal ibʼ pa ri congregación, kawetaʼmaj na más chrij ri Jehová y ri ubʼantajik. Chakojoʼ achuqʼabʼ rech kawesaj uwach. Y chatchoman chrij ri rajawaxik kakʼex pa ri akʼaslemal rech kaya kikotemal che ri Jehová.

3. ¿Jas kubʼan ri Jehová che atoʼik rech knimar más ri akojonik?

Ri Biblia kubʼij: «Ri Dios [...] kixukowirisaj na, kuya na ichuqʼabʼ xuqujeʼ kixutakʼabʼaʼ na» (1 Pedro 5:10). Qonojel kojqaj pa mak, are kʼu ri Jehová kojutoʼ chuwach wariʼ (Salmo 139:23, 24). Xuqujeʼ ri areʼ kutzujuj che kuya na achuqʼabʼ rech kakʼut sukʼilal che (chasikʼij Filipenses 2:13).

 CHANIMARISAJ RI AWETAʼMANIK

4. Amaqʼel chattzijon rukʼ ri utzalaj awachiʼl

Ubʼanik chʼawem y unikʼoxik ri Biblia atutoʼm rech katux rachiʼl ri Jehová. ¿La katutoʼ wariʼ rech más katqebʼ rukʼ ri Jehová? ¿Jas kubʼan che atoʼik?

Chisikʼij Salmo 62:8 y chixtzijon chrij wariʼ:

• Chiʼ más utz kabʼan che ri achʼawem katutoʼo rech kkowir ri awachilanik rukʼ ri Jehová. ¿Jas kabʼano rech más utz kabʼan che ri achʼawem?

Chisikʼij Salmo 1:2 y chixtzijon chrij wariʼ:

• Usikʼixik uwach ri Biblia katutoʼo rech más knimar ri awachilanik rukʼ ri Jehová. ¿Jas kabʼano rech más utz kabʼan che usikʼixik ri Biblia?

¿Jas rajawaxik kabʼano rech más utz kabʼan che ri awetaʼmanik pa atukel? Rech kiwil jujun taq pixabʼ, chiwilaʼ ri VIDEO. Tekʼuriʼ chixtzijon chrij wariʼ:

• Junam rukʼ ri xqil pa ri video, ¿jas pixabʼ katkunik kabʼano?

• ¿Jas jastaq kawaj kawetaʼmaj más pa ri Biblia?

 RI XQETAʼMAJ

Chanimarisaj ri awachilanik rukʼ ri Jehová y chakojoʼ ametas. ¡Rech kariq jun kʼaslemal che kʼo ta ukʼisik!

¿La knaʼtaj chawe?

• ¿Jasche awetaʼm che ri Jehová katutoʼo rech kaya ta kan upatanexik?

• ¿Jas kabʼano rech knimar más ri awachilanik rukʼ ri Jehová?

• ¿Jasche rajawaxik kakoj ametas rech knimar ri akojonik?