Pa ronojel ri uwach Ulew, jalajoj ri kichomanik ri winaq chrij ri tzam. E jujun kkitij jubʼiqʼ kukʼ ri kachiʼl. Nikʼaj chik kkaj taj kkitij ni jun jastaq che kʼo tzam rukʼ. Y e kʼo chi nikʼaj che kkitijijej tzam rech keqʼabʼarik. ¿Jas kubʼij ri Biblia chrij ri utijik tzam?

1. ¿La utz kqatij tzam?

Ri Biblia kubʼij taj che awas ktij tzam. Xaneʼ kubʼij che «ri uwaʼl uva, ri kuya kikotemal» are jun sipanik che uyaʼom ri Jehová chqe (Salmo 104:14, 15). Xuqujeʼ ri Biblia kchʼaw chkij e sukʼ taq achijabʼ e ixoqibʼ che xkitij jubʼiqʼ tzam (1 Timoteo 5:23).

2. ¿Jas pixabʼ kuya ri Biblia chke ri kkaj kkitij tzam?

Jehová kubʼij che utz ta ri qʼabʼarik, xuqujeʼ kubʼij che utz taj ktij kʼi tzam (Gálatas 5:21). Ri Biblia kubʼij: «Meʼawachilaj ri qʼabʼarelabʼ» (Proverbios 23:20). Rumal laʼ, we kqachaʼ utijik tzam—pa qatukel o kukʼ ri qachiʼl—, maqesaj uwiʼ ri kqatijo che kubʼano che kusach ri qachomanik, kqanaʼ ta chi ri kqabʼano o ri kqabʼij. Xuqujeʼ kʼi taj kqatijo rumal che kubʼan kʼax chqe. We kojkun taj kqaqʼil qibʼ chuwach ri utijik tzam, rajawaxik kqaya kan utijik.

3. ¿Jas kqabʼan che ukʼutik che nim kqil wi ri kkichaʼ ri nikʼaj chik?

Chqajujunal kqachaʼ we kqatij tzam o kqatij taj. Utz taj che kʼax kojchʼaw chkij ri kkichaʼ utijik jubʼiqʼ tzam. Xuqujeʼ kqataqchij ta jun winaq che utijik tzam we kraj taj kutijo (Romanos 14:10). Y kqatij taj we kʼo jun winaq qukʼ che utz ta krilo kqatijo (chasikʼij Romanos 14:21). Ri cristiano «mutzukuj ri utz che chbʼil ribʼ, xaneʼ chutzukuj ri utz che ri jun chik» (chasikʼij 1 Corintios 10:23, 24).

 CHANIMARISAJ RI AWETAʼMANIK

4. Chachomaj we katij tzam o katij taj

¿Jas xuchomaj ri Jesús chrij ri utijik tzam? Rech kqetaʼmaj, chqilaʼ ri nabʼe milagro che xubʼano. Chisikʼij Juan 2:1-11 y chixtzijon chrij wariʼ:

• ¿Jas kqetaʼmaj chrij ri xubʼan Jesús che rilik ri tzam y ri ketijowik?

• Ri Jesús xubʼij taj che awas ktij jubʼiqʼ tzam rumal laʼ, ¿jas kuchomaj jun cristiano we kʼo jun kuchaʼ utijik?

Are kʼu, paneʼ jun cristiano kkunik kutij tzam wariʼ kraj ta kubʼij che amaqʼel kkunik kutijo. Chisikʼij Proverbios 22:3 y chiwilaʼ we utz ktij tzam are chiʼ:

• Kabʼinisaj jun carro o jun maquinaria.

• At yawabʼ ixoq.

• Ri ajkun xubʼij che katij ta tzam.

• Kʼax kariq che ujikʼik awibʼ chiʼ katijo.

• Ri qʼatbʼal tzij kubʼij che ktij ta tzam.

• At kʼo rukʼ jun winaq che kutij ta chi tzam rumal che ojer sibʼalaj xqʼabʼarik.

¿La utz we kjach tzam pa jun kʼulanem o pa jun chi nimaqʼij? Rech kawilo jas chrij rajawaxik katchoman wi, chiwilaʼ ri VIDEO.

Chisikʼij Romanos 13:13 y 1 Corintios 10:31, 32. Are chiʼ isikʼim chi ri texto, chixtzijon chrij wariʼ:

• ¿Jas katutoʼ wi wajun pixabʼ riʼ rech ri kachaʼo kuya kikotemal che ri Jehová?

 5. Chachomaj jampaʼ katijo

Ri Jehová kubʼij taj che awas kqatij jubʼiqʼ tzam, are kʼu we kqachaʼ utijik chnaʼtaj chqe che utz ta krilo kojqʼabʼarik. ¿Jasche? Chisikʼij Oseas 4:11, 18 y chixtzijon chrij wariʼ:

• ¿Jas kukʼulmaj jun winaq we kʼi tzam kutijo?

¿Jas kojtoʼwik rech kqaya ta uwiʼ ri kqatijo? Rajawaxik kqetaʼmaj jampaʼ kojkunik kqatijo. Chisikʼij Proverbios 11:2 y chixtzijon chrij wariʼ:

• ¿Jasche rajawaxik kqetaʼmaj jampaʼ kqatijo?

6. Chatel pa uqʼabʼ ri tzam

 RI XQETAʼMAJ

Jehová uyaʼom ri tzam rech kqatijo y kojkikotik, are kʼu utz ta krilo che kojqʼabʼarik y che amaqʼel kqatijo.

¿La knaʼtaj chawe?

• ¿Jas kubʼij ri Biblia chrij ri utijik tzam?

• ¿Jas kʼax kqariqo we amaqʼel kqatij tzam?

• ¿Jas kqabʼan che ukʼutik che nim kqil wi ri kkichaʼ ubʼanik ri nikʼaj chik chrij ri tzam?