KʼUTUNEM 05
Ri Dios ktzijon qukʼ rukʼ ri Biblia
Jehová uyaʼom ri Biblia chqe, jun utzalaj sipanik y kʼo 66 alaj taq wuj chupam. Weneʼ kachomaj: «¿Jawchiʼ xpe wi ri Biblia? ¿Jachin ajchaqʼe?». Rech kqatzalij kiwach ri preguntas riʼ, chqilaʼ ri xbʼan che utzʼibʼaxik ri Biblia.
1. We achijabʼ xetzʼibʼan ri Biblia, ¿jasche kbʼix uTzij ri Dios che?
E 40 achijabʼ xetzʼibʼan ri Biblia, re jalajoj taq tinamit y jalajoj uwach chak xkibʼano. 1.600 junabʼ xtzʼibʼaxik, xmajix utzʼibʼaxik pa ri junabʼ 1513 nabʼe chuwach ri Cristo y xkʼis pa ri junabʼ 98 chiʼ kʼo chi ri Cristo. Paneʼ naj xtzʼibʼaxik, xa junam ri kuya ubʼixik. ¿Jasche? Rumal che are ri uTzij ri Dios (chasikʼij 1 Tesalonicenses 2:13). Ri achijabʼ are ta xkitzʼibʼaj ri kichomanik, xaneʼ «xyaʼ kinoʼj rumal ri ruxlabʼal ri Dios» (2 Pedro 1:21). a Ri Dios xukoj ri ruxlabʼixel rech ri achijabʼ xkitzʼibʼaj ri uchomanik (2 Timoteo 3:16).
2. ¿La konojel winaq kekunik kkʼojiʼ jun kiBiblia?
«Konojel tinamit, konojel chʼabʼal xuqujeʼ konojel winaq» kekunik kkiriq utzilal rukʼ ri utzalaj taq tzij che kʼo pa ri Biblia (chasikʼij Apocalipsis 14:6). Ri Dios ubʼanom che qʼaxem ri Biblia pa kʼi taq chʼabʼal. Y are ri wuj che más nim ubʼanik. Konojel kekunik kketaʼmaj ri kubʼij ri Biblia, apastaneʼ ri lugar che keʼel wi y ri kichʼabʼal.
3. ¿Jas xubʼan Jehová che uchajixik ri Biblia?
Ri Biblia xbʼan rukʼ jastaq che naj ta kuchʼijo. Xekoj rollos re kitzʼumal chikop xuqujeʼ uxaq taq qʼayes ubʼiʼ papiro. Are kʼu e kʼo achijabʼ xkibʼan kʼi taq copias. Utz xkibʼan che utzʼibʼaxik rumal che nim kkil wi ri Biblia. Paneʼ kʼi winaq xkaj xkisach uwach ri Biblia, e kʼo jujun xkiya ri kikʼaslemal pa kʼax rumal che xkitoʼ uwiʼ. Kʼo ta jun kqʼaten ri Jehová rech ktzijon qukʼ. Ri Biblia kubʼij: «Ri utzij ri qaDios man kkʼextaj taj xaq je wi amaqʼel» (Isaías 40:8).
CHANIMARISAJ RI AWETAʼMANIK
Chawetaʼmaj más ri xubʼan ri Dios che kitoʼik ri winaq rech xekunik xkitzʼibʼaj ri Biblia. Xuqujeʼ chqilaʼ ri ubʼanom che uchajixik y rech konojel winaq kkʼojiʼ jun kiBiblia.
4. Ri Biblia kubʼij jachin ajchaqʼe ri tzij che kʼo chupam
Chiwilaʼ ri VIDEO. Tekʼuriʼ chisikʼij 2 Timoteo 3:16 y chixtzijon chrij wariʼ:
-
We ri Biblia xtzʼibʼax kumal achijabʼ, ¿jasche kbʼix uTzij ri Dios che?
-
¿Jas kachomaj at chrij che ri Dios xeʼukoj achijabʼ che utzʼibʼaxik ri Biblia?
Ri achi kutzʼibʼaj ri carta are kʼu ri chomanik rech ri patrón. Kjunamataj rukʼ ri Biblia: achijabʼ xetzʼibʼanik are kʼu ri kʼo chupam rech ri Dios.
5. Ri Biblia xsach ta uwach
We ri Biblia uTzij ri Dios, qetaʼm che ri areʼ kuchajij. Pa kʼi taq junabʼ ri qʼatal taq tzij xkaj xkisach uwach ri Biblia. Xuqujeʼ xekʼojiʼ kʼamal taq bʼe pa ri qastzij taj kojonem che xkaj taj che ri winaq xkisikʼij ri Biblia. Are kʼu, e kʼi xkitoʼ uwiʼ ri Biblia paneʼ e kʼo kikʼulel y xkaj xekikamisaj. Chqilaʼ jun chke ri winaq che xutoʼ uwiʼ ri Biblia, chiwilaʼ ri VIDEO y chixtzijon chrij wariʼ:
-
Junam rukʼ ri xqilo kʼi bʼanom che uchajixik ri Biblia, ¿la kawaj kasikʼij más? ¿Jasche?
Chisikʼij Salmo 119:97 y chixtzijon chrij wariʼ:
-
¿Jasche kʼi winaq xkiya ri kikʼaslemal pa kʼax che uqʼaxexik y ujachik ri Biblia pa nikʼaj chi chʼabʼal?
6. Jun wuj chke konojel ri winaq
Ri Biblia are ri wuj che bʼanom pa más chʼabʼal y ri más jachom pa ronojel ri uwach Ulew. Chisikʼij Hechos 10:34, 35 y chixtzijon chrij wariʼ:
-
¿Jasche ri Dios kraj che kqʼaxex ri uTzij pa kʼi taq chʼabʼal y kjach pa kʼi taq lugares?
-
¿Jas más utz kawil pa ri Biblia?
Weneʼ
100%
chke ri winaq cho ronojel uwach Ulew
kekunik kkisikʼij ri Biblia pa ri kichʼabʼal
Kʼo pa más che
3.000
chʼabʼal,
ronojel o xa nikʼaj
5.000 millones
Biblias e bʼanom imprimir.
Are ri wuj che más bʼanom imprimir
RI KKICHOMAJ JUJUN WINAQ: «Ri Biblia ojer chik kʼolik y xaq winaq xetzʼibʼanik».
-
¿Jas kachomaj at?
-
¿Jas kkʼutuwik che ri Biblia are ri uTzij ri Dios?
RI XQETAʼMAJ
Ri Biblia are ri uTzij ri Dios, y ri areʼ ubʼanom che konojel ri winaq kekunik kkʼojiʼ jun kiBiblia.
¿La knaʼtaj chawe?
-
¿Jas kraj kubʼij che ri Dios xeʼukoj achijabʼ che utzʼibʼaxik ri Biblia?
-
¿Jas kanaʼo are chiʼ kawil ri xbʼan che uchajixik ri Biblia rech xsach ta uwach? ¿Y jas kachomaj chrij ri bʼanom che uqʼaxexik pa nikʼaj chi chʼabʼal y ri bʼanom che ujachik?
-
¿Jas kanaʼo are chiʼ kawil ronojel ri ubʼanom ri Dios rech katkunik katqebʼ rukʼ?
CHAWILAʼ CHI NIKʼAJ
Chawilaʼ ri xbʼan che utzʼibʼaxik ri Biblia ojer kanoq: y ri tajin kbʼan che kimik.
«Ri xbʼan che ubʼanik ri Biblia» (¡Despertad!, noviembre 2007)
Chawilaʼ ri oxibʼ jastaq che xkun ta che usachik ri Biblia.
«Ri Biblia. Jun wuj che uqʼaxem kʼi kʼax» (La Atalaya, núm. 4 2016)
Chawilaʼ ri kʼax che xkiriq jujun winaq che xkiqʼaxej ri Biblia pa nikʼaj chi chʼabʼal.
Bʼanom kʼi copias che ri Biblia y qʼaxem pa kʼi chʼabʼal. ¿Jas kabʼan che retaʼmaxik che ri kʼo pa ri Biblia kʼextajinaq taj?
a Ri uxlabʼixel are ri uchuqʼabʼ ri Dios, kqil na wariʼ pa ri kʼutunem 07.
Wene' xuquje' utz kawilo
PREGUNTAS CHE AMAQʼEL KBʼANIK
¿Jas ubʼanik ri etaʼmanik re ri Biblia che kkiya ri testigos rech Jehová?
Katkunik kakoj apachike Biblia pa ri etaʼmanik che kkiya ri testigos rech Jehová che tojom taj. Y katkunik kabʼij chke konojel ri afamilia y ri e awachiʼl o nikʼaj chik.
