Ri testigos rech Jehová qas utz kkibʼan che uyaʼik ri etaʼmanik rech ri winaq kketaʼmaj ri kubʼij ri Biblia. Ri etaʼmanik re ri Biblia katutoʼo rech kariq wariʼ:

•   Kikotemal pa ri akʼaslemal.

•   Katux rachiʼl ri Dios.

•   Kawetaʼmaj ri kubʼij ri Biblia chrij ri petinaq.

Pa wajun kʼutunem riʼ kawetaʼmaj na ri kirespuestas ri preguntas riʼ:

•  ¿Jas ubʼanik ri etaʼmanik re ri Biblia?

•  ¿La rajawaxik kintoj ri etaʼmanik?

•  ¿Jampaʼ kuchʼij ri etaʼmanik?

•  ¿Jawchiʼ kimaj wi?

•  ¿La utz we kinwil na nabʼe we utz kwilo?

•  We kinkʼam ri etaʼmanik re ri Biblia, ¿la rajawaxik kinux testigo rech Jehová?

•  ¿La utz we are kinkoj ri nuBiblia?

•  ¿La utz we kkʼojiʼ jun chik wukʼ are chiʼ kyaʼ ri etaʼmanik chwe?

•  We yaʼom chi etaʼmanik re ri Biblia chwe ojer kanoq, ¿la utz we kyaʼ chi jumul chwe?

•  ¿La kʼo chi jun ubʼanik che kyaʼ etaʼmanik chwe o rajawaxik kopan ri ajtij wukʼ?

 Jun testigo rech Jehová kuya etaʼmanik chawe pa taq kʼutunem rech kawetaʼmaj ri kubʼij ri Biblia. Rukʼ ri utobʼanik ri wuj ¡Jun kʼaslemal che kʼo ta ukʼisik!, nojimal chi nojimal kawetaʼmaj ri kubʼij ri Biblia y kuya utzilal chawe. We kawaj kawetaʼmaj más chawilaʼ ri video riʼ.

 Rajawaxik taj. Ri testigos rech Jehová kqabʼan ri xubʼij kan ri Jesús: «Man kʼo ta xiyaʼ che ri xikʼamo; chiyaʼ kʼu chke ri winaq, man kʼo ta jas kitoqʼij chke» (Mateo 10:8). Katoj ta ri Biblia che kyaʼ chawe xuqujeʼ ri wuj ¡Jun kʼaslemal che kʼo ta ukʼisik!

 Ri etaʼmanik che kyaʼik kʼo 60 kʼutunem chupam. Y at katbʼinik jampaʼ mul kyaʼ ri etaʼmanik chawe. E kʼi winaq kkil jun kʼutunem pa jun semana y nikʼaj chik weneʼ más.

1.  1. Chataʼ jun solinik pa jw.org. Kqakoj ri datos personales che katzʼibʼaj lo chqe, rech jun testigo rech Jehová katusolij pa ri lugar che at kʼo wi.

2.  2. Ri Testigo che kuya etaʼmanik re ri Biblia chawe katuchʼabʼej o katutzukuj. Kubʼij chawe jas ubʼanik ri etaʼmanik re ri Biblia y kutzalij uwach apachike pregunta che kabʼan che.

3.  3. Ix kebʼ rukʼ ri ajtij kiwilo jampaʼ kixkunik kibʼan ri etaʼmanik. Ri testigo rech Jehová kkunik kuya ri etaʼmanik chawe pa awachoch, pa teléfono, pa videollamada, pa carta o correo electrónico. Jun etaʼmanik weneʼ kuchʼij xa quince minutos, jun hora o más; at katbʼinik jampaʼ tiempo kyaʼ ri etaʼmanik chawe.

 Utz. Rech kawilo chataʼ jun solinik pa jw.org. Are chiʼ ri ajtij katuchʼabʼej o kopan awukʼ chabʼij che che kawaj kawil na nabʼe we utz kawil ri etaʼmanik. Ri areʼ are kukoj ri folleto ¡Jun kʼaslemal che kʼo ta ukʼisik!, che kʼo oxibʼ kʼutunem chupam.

 No. Ri testigos rech Jehová utz kkilo kiya etaʼmanik chke ri winaq, are kʼu kekitaqchij taj rech keʼux testigos rech Jehová. Are kkikʼut ri kubʼij ri Biblia y ketaʼm che ri winaq are kechaowik jas chrij kekojon wi (1 Pedro 3:15).

 Utz, katkunik kakoj apachike Biblia che kʼo awukʼ. Paneʼ ri oj testigos rech Jehová kqakoj ri Traducción del Nuevo Mundo —che are jun Biblia tzʼaqat y kʼax ta uchʼobʼik—, are kʼu qetaʼm che jujun winaq are utz kkilo che kkikoj ri Biblia che kʼo kukʼ.

 Utz. Katkunik kabʼij chke konojel ri afamilia ri e awachiʼl o nikʼaj chik.

 Utz. Y weneʼ más utz kawil chi ri etaʼmanik chuwach nabʼe kanoq. Ri etaʼmanik bʼanom rech qas keʼutoʼ ri winaq. Junam ta rukʼ ri nabʼe kanoq wajun etaʼmanik riʼ kubʼano che más kixtzijon rukʼ ri ajtij.

 Kʼolik. Paneʼ e kʼi winaq kilom che más kʼo kketaʼmaj are chiʼ ketoʼ rumal jun ajtij, are kʼu nikʼaj chik kkaj che pa kitukel kkil ri etaʼmanik. Pa ri sección «E tobʼanik rech ketaʼmax chrij ri Biblia» e kʼo kʼi tobʼanik chupam che katkitoʼo. Are wariʼ jujun chke:

•   Videos re ri Biblia. Are e kʼutunem re ri nabʼe taq etaʼmanik che kuqʼalajisaj ri kubʼij ri Biblia.

•   Preguntas che kbʼan chrij ri Biblia. Are e wuj che kkitzalij kiwach kʼi preguntas che kbʼan chrij ri Biblia.