Lamentashon 5:1-22
5 O Yehova, kòrda loke a pasa ku nos.
Wak! Mira kon nos ta pasa bèrgwensa.+
2 Nos herensia a ser entregá na hende straño, i nos kasnan a ser entregá na estranhero.+
3 Nos a bira meskos ku huérfano, sin tata; nos mamanan ta meskos ku biuda.+
4 Nos tin ku paga pa bebe di nos mes awa,+ i nos tin ku kumpra nos mes palu pa kandela.
5 E hendenan ku ta persiguí nos ta serka di gara nos.Nos ta morto kansá, pero nos no tin sosiegu.+
6 Nos tin ku pidi Egipto+ i Asiria+ limosna pa nos por haña sufisiente pan* pa kome.
7 Nos antepasadonan ku a peka no t’ei mas, pero ta nos tin ku paga pa nan pikánan.
8 Awor, ta e hendenan ku tabata sirbi nos ta manda riba nos. No tin niun hende pa libra nos for di nan man.
9 Nos ta riska nos bida* pa nos por haña pan,+ pasobra tin hòmber armá den desierto.*
10 E hamber ku nos ta pasa a duna nos keintura, p’esei, nos kueru a bira kayente manera fòrnu.+
11 Nan a humiá* e esposanan na Siòn i e bírgennan na e statnan di Huda.+
12 Nan a kologá e lidernan na un man,+ i nan no a respetá e ansianonan.+
13 E hóbennan ta karga piedra di mulina, i e mucha hòmbernan ta tambaliá kargando palu pisá pa kandela.
14 No tin ansiano ta sinta na porta di stat mas.+ No tin hóben ta toka músika mas.+
15 No tin alegria mas den nos kurason. Nos bailamentu a kambia den tristesa.+
16 Nos korona a kai for di nos kabes. Ai di nos, pasobra nos a peka!
17 Nos kurason ta hasi doló pa motibu di esei,+i nos wowonan a bai atras pa motibu di e kosnan ei.+
18 Sí, tur esei ta pasobra seru Siòn a keda desolá.+ Awor, ta zoro* ta kore rònt riba dje.
19 Pero abo, o Yehova, ta sintá riba bo trono pa semper.
Bo reinado* ta di generashon pa generashon.+
20 Dikon bo ta lubidá nos pa semper? Dikon bo a bandoná nos pa un tempu asina largu?+
21 O Yehova, trese nos bèk serka bo, i nos lo bolbe mesora.+
Laga tur kos bira manera nan tabata ántes.+
22 Sinembargo, bo a rechasá nos kompletamente.
Bo ta masha rabiá mes ku nos.+
