SAY GAGALA NA SAYAN PUBLIKASYON

Papasesegen itayo nen Jehova a Dios ya ‘itultuloy tayon kotkoten a singa akaamot iran kayamanan’ so karunongan tan pakatalos. (Pro. 2:1-5) Labay ton ibaga, kaukolan tayoy mansagpot ya maong pian naromog so ebat ed saray tepet tayod Biblia tan naamtaan tayo iray bilin ya makatulong ed bilay tayo. Denisinyo so Giya ed Pan-research pian natulongan kan nagawaan itan.

Aliwa iyan kompleton listaan na amin ya topic ya walad publikasyon tayo. Pero diad saray topic ya akalista, saray akaiyan ya reperensya et saray balo tan makatulong iran impormasyon ya nanlapud saray inimprintan publikasyon, artikulo ed jw.org, tan saray video.

NO PANON SO PAN-SEARCH

Nanengneng ed sayan publikasyon so duaran seksion. Unona, sarag mon anapen iray impormasyon base ed topic. Saray manunan heading et akalista base ed alpabetikon uksoy. Diad kada heading, wala ray subheading tan sub-subheading ya manggiya ed sika diad pan-research mo. Singa bilang, diad heading ya DAVID (Ari) › NAARALAN › ANXIETY, nanengneng iray leksion nipaakar ed kapagaan manlapud istoryay bilay nen David.

Komadua, naanap mo ray impormasyon nipaakar ed espisipiko iran bersikulo ed Biblia diad seksion ya teksto. Saray bersikulo ya impaliwawa ed publikasyon tayo so akalista labat dia.

Parad kaaruman ya impormasyon, bantayan so video ya Tutorial No Panon ya Usaren so “Giya ed Pan-research” diad jw.org.

Tandaan, kaukolan so panaon tan sagpot pian naromog mo ray akaamot ya kayamanan. Kanian mananos ka labat no walay aanapen mon eksakton ebat ed tepet mo odino kaukolan moy panangigiya. No lanang mon usaren so Giya ed Pan-research, mas mainomay tan mas na-enjoy moy mananap na impormasyon ya kaukolan mo. Seguradon bendisyonan nen Jehova so pansasagpot mo tan tulongan to kan naromog so karunongan tan pakatalos.—Pro. 2:6; 4:5.