Akkuma Isaayaas raajiidhaan dubbatetti kutaan jaarmiyaa Yihowaa inni lafa irraa haala kanaan dura taʼee hin beekneen caalaatti guddachaa jira. (Isa 54:2) Kun immoo Galmawwan Walgaʼii, Galmawwan Walgaʼii Guguddaa fi gamoowwan waajjira damee haaraa ijaaruu gaafata. Gamoowwan kun erga ijaaramanii booda suphamuun isaan barbaachisa; yeroo booda immoo isaan keessaa tokko tokko haareffamuu qabu. Kun carraawwan yeroo fi humna keenya Yihowaadhaaf itti kenninu akkamii nuuf argamsiisa?

• Gareen tajaajilaa keenya Galma Walgaʼii akka qulqulleessu yeroo ramadamutti irratti hirmaachuu dandeenya

• Leenjii Galma Walgaʼii keenya suphuuf kennamu irratti fedhiidhaan hirmaachuu dandeenya

• Ijaarsa iddoo jireenyaa keenya irraa hin fagaanne irratti hirmaachuuf Foormii Hojii Diizaayinii fi Ijaarsaa Naannoo Irratti Fedhiidhaan Hirmaachuuf Guutamu (DC-50) guutuu dandeenya

• Foormii Tajaajila Fedhaa (A-19) guutuudhaan Betʼelitti ykn gamoo waajjira damee kaanitti torbee tokkoof ykn isaa oliif fedhiidhaan tajaajiluu dandeenya

VIIDIYOO IJAARSI HAARAAN KAROORFAMEERA—GABAABFAMEE KAN FUDHATAME JEDHAMU ERGA ILAALTANII BOODA, GAAFFIIWWAN ARMAAN GADII DEEBISUUF YAALAA:

• Bara 2014 kaasee viidiyootti baayʼinaan fayyadamaa kan jirru akkamitti akka taʼe ibsi.

• Viidiyoo waaqeffannaa keenyaaf barbaachisu qopheessuuf ijaarsi akkamii karoorfameera? Hojii ijaarsaa kana jalqabuu fi xumuruuf kan yaadame yoomi?

• Obboloonni fedhiidhaan of dhiheessan ijaarsa kana irratti gargaarsa gochuu kan dandaʼan akkamitti?

• Ijaarsa Raamaapootti hojjetamu irratti gargaarsa gochuu yoo barbaanne foormii (DC-50) guutuu fi Hojii Diizaayinii fi Ijaarsaa Naannoo nutti dhihaatu irratti gargaarsa gochuu kan qabnu maaliifi?

• Ragaan Yihowaan hojii ijaarsaa kana deggeraa akka jiru argisiisu maali dha?

• Hojii ijaarsaa kana irratti hirmaachuu kan hin dandeenye taʼus, ijaarsa kana deggeruu kan dandeenyu akkamitti?