Obadja 1:1-21
1 Obadja* okwa mona emoniko eli:
Eshi osho Omwene Jehova, Omunamapangelo aeshe, a popya shi na sha naEdom+ a ti:
“Otwa uda onghundana ya dja kuJehova,Oiwana oya tuminwa etumwalaka eli:
‘Fikameni, natu lilongekidileni olwoodi tu ka lwifeni Edom.’”+
2 Kalunga okwa ti: “Tala! Onde ku ninga u kale ino fimana mokati koiwana,Nou tondike neenghono.+
3 Elinenepeko lomutima woye ole ku kengelela,+Ove ou ho kala momakololo omamanya,Ho kala pombada, to lipopile momutima to ti,‘Olyelye ta ka kulukifila nge pedu?’
4 Nonande ou kaleke onhele yoye pombada* ngaashi onhwa,Ile ngeenge owa tula oshihadi shoye mokati keenyofi,Ohandi ke ku kulukifila pedu,” Jehova osho a popya.
5 “Ngeenge eembudi ode uya kwoove, ovanyeki voufiku,(Oto ka hanaunwa po filufilu.)*
Mbela itava ka vaka ashike osho va hala?
Ile ngeenge ovo hava likola omandjebele ove uya kwoove,Mbela itava ka xupifa po amwe okupupudulula?+
6 Esau okwa kala nokukongwa.
Omamona aye, oo a holekwa, okwa ka kongwa lwanima.
7 Ove ku twala keengaba.
Aveshe, ovo va li va ama kombinga yoye,* ove ku kengelela.
Ovo va li ve na ombili naave, ove ku finda.
Ovo tava li pamwe naave omungome, otave ke ku yula,Ndele ito ke shi didilika mo.”
8 Jehova okwa ti: “Mefiku olo,Mbela itandi ka hanauna po ovanhu ovo ve na ounongo muEdom,+Novanhu ovo ve na owino vokoshitukulwa shokeemhunda shaEsau?
9 Akutu Teman,+ ovakwaita voye otava ka tilifwa,+Molwaashi keshe umwe, oo e li koshitukulwa shokeemhunda shaEsau, ota ka dipawa.+
10 Omolwowii oo wa ningila omumwaxo Jakob,+Oto ka fifwa ohoni,+Noto ka xulifwa po fiyo alushe.+
11 Mefiku olo, eshi wa li wa fikama kombinga ikwao,Mefiku olo, eshi ovanhu ovo vehe shiivike va twala etangakwaita laye moukwatwa,+Eshi ovanailongo va pita moshivelo shaye, nova umbila Jerusalem oihoololifo,+Owe lihumbata ngaashi umwe womuvo.
12 Ino hafela efiku loudjuu womumwaxo,+Ino hafela Ovajuda mefiku lavo lokuxula po,+Noino popya to litange mefiku loudjuu wavo.
13 Ino pita moshivelo shovanhu vange mefiku loudjuu wavo,+Ino hafela oupyakadi wavo mefiku loudjuu wavo,Noino kufa po oupuna wavo mefiku loupyakadi wavo.+
14 Ino fikama pomataulukilo ondjila, opo u dipae ovo tava faduka po,+Noino yandja ovanhu vaye, ovo va xupa, mefiku loudjuu.+
15 Efiku laJehova lokuhandukila oiwana aishe oli li popepi.+
Osho wa ninga, osho to ka ningilwa yo.+
Monghedi omo wa ungaunga navamwe omo to ka ungaungiwa naave.
16 Osheshi monghedi oyo wa nwa komhunda yange iyapuki,Omo yo oiwana aishe tai ka kala alushe tai nu.+
Otai ka nwa nokupona,Notai kala ya fa yaha li po nandenande.
17 Ashike ovo tava ka xupa, otava ka kala kOmhunda yaSion,+Notai ka kala iyapuki,+Neumbo laJakob otali ka kufa po oinima yavo.+
18 Eumbo laJakob otali ka ninga omundilo,Neumbo laJosef otali ka ninga omalaka omundilo,Eumbo laEsau otali ka kala ngaashi oihati;Otave ke a tomeka omundilo noku a xwika po,Nokape na oo ta ka xupa meumbo laEsau,+Osheshi Jehova osho a popya.
19 Otava ka kwata ko Negeb noshitukulwa shokeemhunda shaEsau,+ShaShefela nedu lOvafilisti.+
Otava ka kufa ko edu lOvaefraim nedu lOvasamaria,+Na Benjamin ota ka kufa ko Gilead.
20 Eenghwate, odo di li mekondeka londuba yomadu,*+Sha hala okutya Ovaisrael, otadi ka nangala edu lOvakaanan fiyo okuSarefat.+
Eenghwate domuJerusalem, odo da li muSefarad, otadi ka kufa ko oilando yomuNegeb.+
21 Ovaxupifi otava ka ya kOmhunda yaSionVa ka tokole koshitukulwa shokeemhunda shaEsau,+Nouhamba otau ningi waJehova.”+
