Nahum 1:1-15
1 Etokolo li na sha naNinive:+ Embo lexunganeko li na sha naNahum,* Omuelkosi:
2 Jehova oKalunga oo a teelela tu mu longele oye aeke filufilu,+ noha handukile ovatondi vaye;Jehova oha handukile ovatondi vaye, nokwe lilongekida okuholola ehandu laye.+
Jehova oha handukile ovo ve li omhinge naye,Noha tuvikilile ovatondi vaye ehandu laye.
3 Jehova iha handuka diva+ noku na eenghono dinene,+Ashike Jehova ita kala ina handukila ovatondi vaye.+
Elila laye oli li momhepo yehanauno nomoshikungulu,Noilemo oyo ondwi yeemhadi daye.+
4 Oha hanyene efuta+ nohe li pwiininike;Noha pwiininifa omilonga adishe.+
Basan naKarmel otava lembe,+Neengala dokuLibanon otadi lembe.
5 Eemhunda ohadi kakama omolwaye,Noikulundudu ohai hengumuka.+
Edu otali ka iluka omolwoshipala shaye,Pamwe nounyuni naaveshe ovo ve li mo.+
6 Olyelye ta ka fikama komesho yehandu laye?+
Olyelye te ke lididimikila oupyu wehandu laye?+
Ehandu laye otali ka tilwashi ngaashi omundilo,Nomamanya otaa ka tatauka omolwaye.
7 Jehova omuwa,+ noku li ohotengulu mefiku loudjuu.+
Oha didilike* ovo tava kongo eameno kuye.+
8 Ote ke shi* hanauna po filufilu,Nomilaulu otadi ka taataa ovatondi vaye.
9 Mbela oto dulu okupangelela Jehova omhangela?
Ota etifa ehanauno filufilu.
Oupyakadi itau ke uya vali oshikando oshitivali.*+
10 Osheshi ova fa omano e litangela mumweNova fa ovo va kolwa kobiila;*Ashike otava ka xwikwa po va fa oihati ikukutu.
11 Mwoove otamu ka dja umwe oo a hala okupilukila po Jehova,Ta yandje omayele ongaho.
12 Jehova okwa ti:
“Nonande ova li ve na eenghono dihapu novahapu,Otava ka hanaunwa po nokuxulifwa po.*
Ohandi ke mu* pa outekuduliko fiyo osheshi tau ka kala inau pumbiwa vali.
13 Ondjoko yaye ohandi ke i teyaula mo mofingo yoye,+Nohandi ka tokaula omalyenge oye.
14 Jehova okwa yandja oshipango shi na sha naave* tashi ti:‘Edina loye itali ka udika vali.
Ohandi ka hanauna po oihongwafano oyo ya hongwa naayo ya hambulwa moshivela* meumbo* lookalunga koye.
Ohandi ke ku ningila ombila, molwaashi ku na vali oshilonga.’
15 Tala! Keemhunda oku na eemhadi daao ta eta onghundana iwa,Oo ta udifa ombili.+
Akutu Juda, hafela oivilo yoye,+ wanifa po eano loye,Osheshi ovalumenhu ovakolokoshi itave ke ku ponokela vali.
Otava ka hanaunwa po filufilu.”
Omashangelo opedu
^ Tali ti “Omuhekeleki.”
^ Ile “file oshisho.” Eln., “oku shii.”
^ Sha hala okutya, Ninive.
^ Ile “Ehanauno itali ke uya vali oshikando oshitivali.”
^ Ile “kobiila ya longwa moilya yo-wheat.”
^ Ile tashi dulika, “nota ka pita mo.”
^ Sha hala okutya, Juda.
^ Sha hala okutya, Asiria.
^ Ile “noihongwafano yoshivela sha hemunwa.”
^ Ile “motembeli.”
