THUTO 17
Jesu i Nthu wa ka Tini?
Ha ti zwidiya ne kwe zwithu zwa ka thamiwa ne ku lebgwa na Jesu ha ali mu shango, to bona buthu gu no thama kuti ti be bakhwinya babe na Tate babe, Jehova. Buthu igogu ndi gupi? Ngono ti nga yedza Jesu chini mu buchilo gwedu?
1. Jesu u no fanana na Tate babe ne zila dzipi?
Ha ali kudzimu, Jesu wa ka lingilila Tate babe ba na ludo e be e zwidiya mu bali mu chibaka che makole ali dzibiliyoni. Ichecho cha ka thama kuti a kumbule, a zwiwe, ne ku thama zwithu koga saibo. (Bala Johani 5:19.) Dumbu, Jesu u no lakidza buthu gwa tate babe ne zila ya ka pelela, ndizo a ka leba eti: “Iye wandibona wabona Tate.” (Johani 14:9) Ha u dwilila u zwidiya ne kwe buthu gwa Jesu, u nowo ziba Jehova butuka. Ha ti fanisa, mahwilangoni a Jesu ne kwe bathu a no lakidza se kwa Jehova a no zwiwa ne kuko.
2. Jesu wa ka lakidza chini kuti u no da Jehova?
Jesu wa kati: “Koga shango yakafanila ziba kuti ndoda Tate kakale, ndizo ndothama tjandalayiwa ndibo.” (Johani 14:31) Ha ali mu shango, Jesu wa ka lakidza ludo gugwe gukulu mu na Tate babe ne ku ba teedza nenguba ya ka be ili chithu cha ka sima ku chi thama. Kakale Jesu wa ka be e da ku lebeleka ne kwa Tate babe ne ku batsha bangwe ku tangisa bukhwinya nabo.—Johani 14:23.
3. Jesu wa ka lakidza chini kuti u no da bathu?
Baibili i kati Jesu u no “shathila . . . bathu.” (Zwiani 8:31) Wa ka lakidza ludo gugwe ne ku zwipa kuti a khone ku batsha bathu. Majenamiso a a ka thama a ka be a si nga lakidze masimba awe koga, ngono kakale a ka be e lakidza mahwilangoni awe. (Mako 1:40-42) Wa ka be e bata bathu ne buthu, a si nga shalule. Matama awe a ka be e nyaladza ne ku pa thembo bose ba na moyo wa ka lulwama ba ka be ba ka teedza. Jesu wa ka be a ka zwimisila ku dziyila ne ku fa ne kuti wa ka be e da bathu bose. Ngono wa ka be e da kwazo kwazo ba no sala shule zwidiyo zwizwe.—Bala Johani 15:13, 14.
ZWIDIYE KWA KA NGINILILA
Zwidiye kwa ka paphidzika ne kwe buthu gwa Jesu. U be u bona kuti u nga lakidza ludo ne mahwilangoni chini se kwa a ka thama.
4. Jesu u no da Tate babe
Chilakidzilo cha Jesu cho ti diya se kwa ti nga lakidza ludo gwedu mu Ndzimu. Bala Luka 6:12 na Johani 15:10; 17:26. Shule kwe ku bala ndimana ingwe ne ingwe, lebelekani ne kwe buzo i no tobela:
-
Ti nga lakidza chini kuti to da Jehova koga sa Jesu?
Jesu wa ka be e da Tate babe ba kudzimu ne ku lebeleka nabo ne ntembezelo nako dzose
5. Jesu u no hwila zogwadza bathu ba no sheta
Jesu wa ka biga zwi no shetiwa ne bathu mbeli kwe zwa a no sheta. Ne a ka be a ka nyala, wa ka shingisa nako iye ne masimba awe ku batsha bathu. Bala Mako 6:30-44, mu be mu lebesana ne kwe buzo dzi no tobela:
-
Mu mbiko iyeyi, i zwithu zwingwe zwipi zwa Jesu a ka lakidza nazo kuti u no hwila bangwe ngoni?—Bona ndimana 31, 34, 41, ne 42.
-
Ini cha ka thama kuti Jesu a batshe bathu?—Bona ndimana 34.
-
Ne kuti Jesu u no lakidza buthu gwa Jehova, ichecho cho ti diyani ne kwa Jehova?
-
Ti nga yedza Jesu chini ha ku zha mu ku amika ne bangwe?
6. Jesu u no pa a ka sungunuka
Jesu wa ka be e pa a ka sungunuka nenguba a ka be a sina zwithu zwinjinji, kakale wa ka ti budza kuti naswibo ti pe ta ka sungunuka. Bala Mishingo 20:35, mu be mu lebesana ne kwe buzo i no tobela:
-
Ku yenda na Jesu, ini chi nga ti shathisa?
Zana VIDIYO, mu be mu lebesana ne kwe buzo i no tobela.
-
I zila dzipi dzingwe dza ti nga pa nadzo nenguba ti sina kunjinji?
A wa gala u ziba?
Baibili i noti diya kuti ti tembezele Jehova ti shingisa zina la Jesu. (Bala Johani 16:23, 24.) Ha ti tembezela ne zila ya ka jalo, to lakidza kuti to amuchila kuti Jesu wa ka ti batsha kuti ti be bakhwinya ba Jehova.
BATHU BANGWE BA KATI: “Ndzimu ha a to amika ne kwe ku dziyila kwedu.”
-
Ku be Jesu e lakidza buthu gwa Tate babe, mishingo iye i no lakidza chini kuti Jehova u no ti da?
CHA WA ZWIDIYA
Jesu u no da Jehova, kakale u no da bathu. Ne kuti Jesu u no fanana na Tate babe, ha u ziba Jesu kwa ka paphidzika, u nowo ziba Jehova.
U Nga Tini?
-
Ti nga lakidza chini kuti to da Jehova sa Jesu?
-
Ti nga lakidza chini kuti to da bathu sa Jesu?
-
Ini cha u no da kwazo ne kwe buthu gwa Jesu?
SHAKISISA
Bona gungwe gwe buthu gwa Jesu gwa ti nga yedza.
“Ku Yedza Jesu, Ibe ne . . .” (Jesu—Zila, Malebeswa, ne Buchilo, zebe 317)
Bona chiabe cha Jesu chikulu mu mitembezelo.
“Ini ti Tembezela mu Zina la Jesu?” (Thungamakole, February 1, 2008)
A Baibili i no leba chingwe ne kwe ku lingika kwa Jesu?
Ini cha ti nga zwidiya mu zila ya Jesu ya a ka bata bathu be chikadzi nayo?
“Ku Hlonipha ne ku Zwibata Zwibuyanana mu Mesho e Ndzimu” (Thungamakole, September 1, 2012)
Kakale u Nga Shathila ku Bona
BUZO DZI NO BUZWIWA KANJINJI
Course ye ku Zwidiya Baibili i no Piwa ne Bafakazi ba Jehova Ndi Ipi?
U shingisa ndongoloso ye mahala ye ku zwidiya i no piwa ne Bafakazi ba Jehova, u nga shingisa Baibili ingwe ne ingwe. Sungunuka ku laletsa be nsha uwo kene bakhwinya babo.
