[Bato].

  1. Maysa kadagiti lima nga ar-ari ti Midian idi tiempo nga asidegen ti Israel iti Naikari a Daga. Naawagan met ni Zur kas maysa a panguluen ken “pannakaulo dagiti puli ti maysa a balay ti amma,” kasta met kas maysa a ‘duke ti Sihon.’ Ti anakna a ni Cozbi ket isu ti babai a Midianita nga innala ni Zimri maipaay iti imoral a relasion ken pinapatay ni Finehas. Napapatay a mismo ni Zur idi a dagiti Israelita dinusada ti Midian gapu iti panangguyugoyda iti sumagmamano a lallaki ti Israel maipaay iti imoral a pannakidenna ken iti ulbod a panagdaydayaw.​—Nu 25:14-18; 31:1, 2, 7, 8; Jos 13:21.

  2. Maysa a Benjamita, anak ni Jeiel ken nabatad a kabsat ni Ner, apong ni Saul.​—1Cr 8:29, 30; 9:35, 36, 39.