Maysa a tay-ak iti tapaw ti Pisga a nangipabangonan ni Balaam iti pito nga altar, a nakaidatonan dagiti sakripisio nga animal, ken nangisawan ti mammadto iti maysa kadagiti proverbio nga inyebkasna maipapan iti Israel. (Nu 23:14-24) Agparang a nataginayon ti Zofim iti nagan ti Telaʽat es-Safa iti asideg ti maikunkuna nga ayan ti Pisga, dayaen ti makin-amianan nga ungto ti Natay a Baybay. Nupay kasta, ti sumagmamano nga eskolar ipatarusda ti sao a tsoh·phimʹ imbes nga ibilangda kas espesipiko a nagan, nga usarenda ti sasao a kas “ti tay-ak dagiti managwanawan.”​—Le; idiligyo ti JB, NE.