Pannakaarkos ti nabalitokan a pagsaadan ti silaw a naaramat iti tabernakulo; naawagan iti Hebreo a sao a kaph·tohrʹ, wenno kaph·torʹ, nabatad a tumukoy iti nagtimbukel a tambukor. (Ex 25:31-36; 37:17-22) Naibal-et dagitoy a “timbukel” kadagiti arkos a sabsabong iti pannakaposte ti pagsaadan ti silaw ken iti tunggal maysa kadagiti innem a sanga dayta. Ti sumagmamano kadagiti timbukel ket agserbida a kasla buko, wenno timmambukor a banag nga adda iti puon dagiti sanga. Sibabatad a makita dagita iti pagsaadan ti silaw kas nailadawan iti timmambukor a kitikit iti Arko ni Tito (idiay Roma), a mangipakpakita kadagiti Romano a soldado a siaawitda kadagiti samsam manipud templo idiay Jerusalem, a nadadael idi 70 K.P.