Sigun iti 12 a manuskrito ti Griego a Septuagint, maysa ti Tela(m) kadagiti pagpatinggaan ti pagnanaedan dagiti Gesurita, Girzeo, ken Amalekita idi kaaldawan ni David. (1Sm 27:8)  Gapu itoy, agparang a ti Telam ket isu ti Telaim a natukoy iti 1 Samuel 15:4 ken ti Telem idiay makin-abagatan a Juda. (Jos 15:21, 24) Iti Hebreo a Masoretiko a teksto iti 1 Samuel 27:8, mabasa ti “manipud idi ugma,” a naiduma dayta iti sasao a “manipud Telam” gapu iti dua a Hebreo a konsonante.